Aisaia 44:24 - Godigo dwagi yai po buku

²⁴ “Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 44:24 Referans Kwoze

Aisaia 45:12

Eno naga eno te tǫ nigali, te bidalubo we bidi dabe me nigali. Te ena digi eno te giliga, me polua, me hǫ dabe tonalubo dao.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Jopgo Po Asęani Elalubo Buku 9:8

Agaduba deligo naga dagalu ugwade dinigina palai dao. Te tamu ąį holobo sogo da, te ąįba hologobe aga ugwadu bilibo dao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Aisaia 43:14

Genuai Bidi, aga te dage Israel Dabego te Wiegi Yai Doloba Pai Kolesaga Naga Mu Ebo God, te aga dage ugwaba sagoalu, te dage ma dobola sabo bidi, agai te po wali, “Te eno we bidi dabe dage tobade eno te ami bidi dabe te Babilonba hwįagasomainu tagala palaibao. Te Babilon dabe tigidali augwa te wiegi yai homu pemene ebo te sip dabe daiba holama, te augwa bidali bulu pesage tagalama, wi paibao.

Aisaia 40:22

Te Genuai Bidi aga naga te dagalu daide te sia kingde dugulaluali, agai te tigidali nai nigai dao. Agai te dagalu te name ugwa tiwai dinigina palama, te aga sel ugwa be sęalubo tiwai elaluai. Te agai gedude, te tǫde we bidi te olo nai kuli mano tiwai dao.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Efesus 3:9

Tama te tigidali nai nigai God, te hasia mu agai homude aga nosali yabo kolesaga dualai. Tama te homu kolesaga tigidali sogo polobadu aga homude dualaluai. Tama megi agai homu kolesagade dualaluali yabo sę po page eno haninama te tigidali we bidibolo pusumainogo agai enabolo te wiegi yai po pusubo sę mawai.

Dwagi Yai Gesi Po Jongo Asęani 1:3

Godigo te Pobolo po weyu, tigidali nai nigao wai. Tama Pogo tigidali nai nigai. Tama gasa nai gasa tųdu me pedalobeo. Menio. Tigidali nai pedalali te Po aga digi nigilama, pedalai.

Jeremaia 51:15

Te aga bomogo digi Genuai Bidigo te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Aisaia 48:13

Te ena nogogo digi eno nigilama, te tǫ page eno dąų walali, te eno dolo nogogo te dagalu diniginama, elalubao. Eno te dagalu de tǫ si i wabo sogo, te polo tama augwali si aselama, te eno geduba dolagasobo dao,” wali.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Jopgo Po Asęani Elalubo Buku 26:7

Godigo dagalu nigiyu, dįnįgįlai elalubo. Me ma, Godigo e tǫ olo walumainu nigilai dao. Te magi nai mego e tǫ aga bidibo pesagede bidimainu tolalubo menio.

Galesia 1:15

Tiali digi, polobadu eno idago ena ame nesiąbadi, tama Godigo ena te sogo sa muai dao. Tama tiyu, agai ena dali aga dwagi yai homu eyu, olo tau siyu, tama ena ame nenama, tama aga bidi mu pedalumainu ilama, tama agai ena i wai, eno agai sę emainogo yai.

Aisaia 63:16

Tiali, nage te dago aya dao. Te da bulai wąį monu aya, Abraham me Jekop augwali te da dali me bidibe, te augwaligo da konesiąwai. Tialima, nage Genuai Bidi, nage dago aya mu dao. Tama nago nogi te tiwai elalubao, “Te da tudibadu tonalu, polobadu digi tau sesa asali bidi dao.”

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Godigo Nogi Ugwaba Sabo Tęąbi Po Wabo Buku Dabe 71:6

Sesemane sogo ena nago nogode naga bidiyu bilali. Idago ena ame nabode, te nago ena tonalua asali, te megiba usu nagasobao. Tama tialima, te eno sesemane sogo nago nogi ugwaba saibao.

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Aisaia 59:20

Genuai Bidigo te po wai, “Ena te dage posolalu, te dage tau sabo God, ena te Jerusalemba aselama, te tigidali we bidi te Jekopgo hani te augwa dwai kolesaga ebo tagalali bage ma sagasaibao.

Aisaia 49:26

Te eno nago boi bidi dabe augwa haside digi tomode hwįmainu yaibao. Te augwa hasi digi elebo sę umabo eyu, te bidi dabe te wain wę tulama, gęǫ page ebo tiwai yaibao. Tama te tǫde we bidi tigidaligo eno te ebo sę sulama, te augwa te tiwai koneaibao, ena naga ena te Genuai Bidi da homu yaibao. Ena te ena we bidi ma sabo God dao, te eno nage tudibadu posolalu, tonalu, te nage tau siyu ebao, ena te Jekopgo hanigo bomai God elalubo dao,” wali.

Aisaia 49:7

Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Aisaia 43:7

Dage te eno nogi elalubo hani mu da, te ena digi eno dage nigali, te gasa hani dabego dage sulama, te enaba genuai nogi momainu ebo dao,” wali.

Godigo Nogi Ugwaba Sabo Tęąbi Po Wabo Buku Dabe 78:35

Te megi da, augwaligo homugo ma koneama, God te augwa tonalubo bidi dao homu yai. Te Ugwadu Mu Bidibo Godigo agai te augwali tau sabo bidi dao.

Jopgo Po Asęani Elalubo Buku 31:15

God aga digi ena te ena idago haligade ame nomainu yai dao. Tama aga naga te sę ebo we bidi me augwa ida dabego haligade ame nomainu yai dao. Te God deligo naga da tigidali nigilama, tama da te God aga gedude deli tigi tiwai naga bidibao,” wali.

Jopgo Po Asęani Elalubo Buku 37:18

God agai dagalu nigilama, tama diniginai. Tama te dagalu te gesabidi subo nai dula te brasgo nigai tiwai dao. Mena tama tiali, nago agai te sę dabe ebo tau saibawe?

Godigo Nogi Ugwaba Sabo Tęąbi Po Wabo Buku Dabe 136:6

Agai te tǫ ugwadu munama, tama te wę dabe aiyadu elalubao. Agai da sesemane bidada pabo sogo wei mu ebo dao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Aisaia 45:8

“Dagalu, nage te dage pǫ dabe me, dagego te wiegi yai sogo augwaliba ilibaso, te tulubage tǫba tulumainao. Te augwa bugagia bidimainu, te wiegi yai doloba pai kolesaga bomo elama, pedalumainu ebao, te tǫgo tulubage selama, te gide nai dabe bugagia holobo tiwai emainao. Ena Genuai Bidigo digi, eno te sę dabe pedalumainu tebo dao,” te po wali.

Jeremaia 10:12

Te God da, aga bomogo digi te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.