Aisaia 44:22 - Godigo dwagi yai po buku

²² Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Aisaia 44:22 Referans Kwoze

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

1 Korin 6:20

Menio. Godigo te genuai naigo mu dage ma abelalio. Tama tibaso, penani sę isąyu, te dagego tigigo te dagego Godigo nogi ugwaba sabo kolesaga naga yao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Godigo Nogi Ugwaba Sabo Tęąbi Po Wabo Buku Dabe 103:12

Giliga pedalobo dali, te giliga iba dega sigi pabo dali, te si pąde elalubo menio. Te digibulu mu elalubao. Te tiwai Godigo dago dwai sę ebo aga digibulu bidiyu, te dwai sę sela sąbo dao.

Jeremaia 33:8

Augwaligo enade hagoma elama, dwai sę yali. Tialima, eno augwaligo te dwai sę sela sąnama, te augwali eno gedude wiegi yai ma pedelaibao.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Godigo Nogi Ugwaba Sabo Tęąbi Po Wabo Buku Dabe 51:9

Nago eno dwai sę yaliba ma tonono igio. Tama eno homugo nago eno dwai sę yali te nago tigidali sela sąyao.

Godigo Nogi Ugwaba Sabo Tęąbi Po Wabo Buku Dabe 51:1

God, nage hobede ebo page bidi, nago ena olo mabo sęgo ena tau sao. Nago olo mabo sę hauwa mu elaluai, tama eno homugo nago eno dwai kolesaga tigidali sela sąyao.

Aisaia 48:20

Dagego te tǫ kantri Babilon tagalama, tama te bulu we bidi dabede wi soao. Te duga pemene elama, genuai po dągą weyu, te tigidali tǫ habuba po tagala palu, te tiwai po wao, “Genuai Bidigo te aga sę bidi Israel ma dobola salio,” po wao.

Aisaia 51:11

Te naga ma sali hani dabe tau sali, te augwa wiegi yai pemene elama, te Jerusalemba ma aselama, te augwa balia po weyu, genuai po dagą te sunumidu ola asaibao. Te augwa bugagia mu bidiyu, te augwa pemene umabo mu yaibao, augwa te pemene ebo me sia sogobeo. Te dene me haliga sęgę augwali dali me elalugobeo.

Aisaia 1:27

“Genuai Bidigo Jerusalem bugagia doloba pai kolesaga dali aselama, tama te bulu ma dobola saibao. Tama te dwagi yai kolesagade naga agai Jerusalem we bidi ma oda saibao, te augwaligo augwa yali te dwai sęde ge neyu, homu begelama, tama augwa yali dwai sęde hobede ebaso.

Godigo Nogi Ugwaba Sabo Tęąbi Po Wabo Buku Dabe 109:14

Eno homugo Genuai Bidigo te dwai kolesaga te aga hani wąį nǫų dabego yali sęba homu kone palumainu ebao. Tama agai te aga idago sęgę sela sąmainu me egobe homu ebo dao.

Jopgo Po Asęani Elalubo Buku 37:11

Agai wę hauwa te moni dagalu pǫba sabobo dao, tama be kulu omainu elama, be sele tigidali buluba pela silibo dao.

Nehemia 4:5

Nago te augwaligo yali dwai sę yali kolesaga me sela sągio, tama nago augwaligo sęgę me sela sągio, magi baso meni, augwaligo te da doloyu, te posobo po hauwa mu te da te masigi obo sę ebo bidi dabebolo walio.”

Jeremaia 3:1

Genuai Bidigo te tiwai po wai, “Te bidigo aga we sela sąbaso, te wego aga tagalama, te gasa bidiba pali, teda te polasa sali bidigo te we ma sogobeo. Te we agai ma siyu da, teda agai bulu kantri te dwai meda mu eno gedude pedelaibao. Israel, nage te bidi hauwa dali penani ela bilama, tama megi da, te nage enaba ma asainogo, ebawe?

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Jeremaia 18:23

Tiali goli, Genuai Bidi, nago koneai, augwaligo ena ela muabo po mia salio. Tama tiyu, nago te sęgę me sela sąyu, te augwaligo yali dwai sę sela sągio. Menio. Nago augwalide haliga sębę elama, te gasa bidi dabego augwali aiyaba elalumainu yao,” te po wai dao.

Tuni Bidi Dabego Po Elalubo Buku Si 6:21

Nage Genuai Bidi, nage naga bulu dagalude bidibao. Tiali goli eno homugo te ena me te Israel dabe te naga we bidi, dago nago te beba tonaluyu, gedu haluasa po wabo si da, teda nago dago gedu haluasa po wabo odama, tama nago dago sęgę sela sąyao.”

Aisaia 31:6

O dage Israel dabe, dagego Genuai Bidigo po sela sąbo dao. Tiali goli, dage mu begelama, tama agaba ma asiąo.

Aisaia 33:24

Tama te sogo te Jerusalemde bidibo we bidi dabego e tama po munu ma wagobeo, “Ena gasi ebo.” Tama Genuai Bidigo te Jerusalemde bidibo we bidigo dwai sę yali sęgę sela sąwaibao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Sekaraia 1:3

Tiali goli megi da, eno dagebolo e tama po e walobao, dage enaba geasa ma asiąo, tama eno dage tau sagasaibao.

Ma Dobola Sali 18:9

Tama Jetrogo te wiegi yai sę Genuai Bidigo te Israel dabe augwali te Isip dabego nogode ma sainogo yali po odolama, tama aga wiegi yai homu mu yai.

Bomai Po 32:43

“Te gasa bulu we bidi, dagego Godigo we bidi dali wiegi yai homu pemene eyu yao. Godigo agai we bidi elama silibo we bidi dolabo dao. Tiali goli, aga we bidigo tǫ agai gedude egesi noma yai mu ilibo dao.”

2 Samuel 12:13

Devitgo te po odama, tama aga te po wai, “Eno te Genuai Bidi gedude agade dwai sę yalio.” Tama Natango te tama po agabolo wei ponani, “Genuai Bidigo nago te dwai sę yali sela sąnama, tama nage me isigobeo.

Godigo Nogi Ugwaba Sabo Tęąbi Po Wabo Buku Dabe 130:8

Agai aga we bidi dabe te ma saibao, te da Israel, tama dago yali dwai sęde sali sęgę tigidali sela sąwaibao.

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Jeremaia 50:20

“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.

Esekiel 16:63

Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Sekaraia 3:4

Tialima te enselgo meba ensel dabebolo waliyu, e tama tiwai po walali, “Te bidi tigide elalubo dwai ugwa dabe sela sąyao,” wali. Tama agai Josuabolo e tama po walali, “Odao. Eno nago dwai sę sęgę me nago te dwai meda yai ugwa dabe sela sąwani dao. Tama megi da, eno nagebolo wiegi yai gesi ugwa dabe mawaibao.” Te ensel me deligo te po wali.