Aisaia 44:21 - Godigo dwagi yai po buku

²¹ Genuai Bidigo te tama po wali, “Dage Israel, dage te Jekopgo hani, dage eno sę bidi dao, dagego ena homu kone gegeda paligio, te eno dage deli hani we bidi pedalumainu ilama, te dage eno sę ebo we bidi bidibao. Tama eno dage homu kone me gegeda palogobeo.

Aisaia 44:21 Referans Kwoze

Sekaraia 10:9

Mu tamao, eno augwali gasa tǫ kantriba gugula palama, teba bidigi pomainu ilali. Augwali te digibulude bidaluali, tiali goli augwaligo ena homu kone palobo sę me gegeda palogobeo. Te hani dabe augwa wai puluba dabe dali te augwali bugagia mu bidama, te tigidali deliba sisinama, te augwa page buluba ma asaibao.

Aisaia 43:15

Ena naga ena Genuai Bidi, ena dagego te Wiegi Yai Doloba Pai Kolesaga Naga Ebo God dao. Eno dage Israel dabe te deli hani we bidi pedalumainu ilama, te megi ena duga king bidibo dao.”

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Aisaia 43:7

Dage te eno nogi elalubo hani mu da, te ena digi eno dage nigali, te gasa hani dabego dage sulama, te enaba genuai nogi momainu ebo dao,” wali.

Aisaia 42:23

Tialima, dage tomode dego te poba olo muaibawe? Megi gagalasa, te dagego eno po bugagia odaibawe?

Bomai Po 32:18

Augwaligo bomai God, augwali nigali God da, gegeda palali.”

Bomai Po 4:23

Dage bugagia tonaluao. Tiyu dagego God Genuai Bidigo dage dali dąų walali te po dagego gegeda pabuo, dagego. Dagego agai po wali piąo. Tama dagego duga tibo tibo god dabe me geselamuo.

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.

Aisaia 40:27

Dage Israel, dage te Jekopgo hani dabe, magi baso dagego po hauwa dogia pobawe, “Dago Genuai Bidigo te dago sęgę subeo,” po wai. “Te dwai sę ebo sogogo da gegali, tiali goli agai da tau sabo homu ebeo,” po wabo dao.