Aisaia 44:17 - Godigo dwagi yai po buku

¹⁷ Tama te ni dabego naga te augwa tibo god nigiyu yali. Te augwa kidu sugunama, te augwaliba lotu wabo dao. Te augwa te tiwai gedu haluasa po weyu, ‘Nago ena tau sao, magi baso meni, nage eno god dao,’ te po wabo dao.”

Aisaia 44:17 Referans Kwoze

Aisaia 45:20

Genuai Bidigo te tiwai po wali, “Te tigidali tǫ kantri we bidi dabe, dage sisinagasiąo. Te hwįani sogode dolisąma bidalubo we bidi dabe, dage tigidali te po tųba asiąo. Tama dego te tibo god piksa dali sela asobo bidi, aga homu kolesaga mu meni ebao. Aga te tibo godiba gedu haluasa po weyu, aga tau somainu tiaibao, tiali goli te god te bidigo nigo dulama naga nigali, tama agai te bidi tau sabo usu me egobeo.

Daniel 6:27

Agai te we bidi dabe dolainu ebo sogo te augwali ma sabo dao. Tama agai te tobage te genuai bomai sę te dagalude me tǫde ebao. Te Godigo te Daniel tonalu, tama te laion dabego aga me dolobeo,” te po wai dao.

Daniel 6:16

Tialima, kingo te gasa bidi dabebolo te Daniel sao po olama, tama aga te laion dabe bidibo tǫ dedageba tula palali. Tama agai Danielba te tiwai po wai, “Eno homugo te nago konealubo homu dąų mu olama, agaba sesemane sogo te lotu po udubo Godigo, agai nage tau somainao,” te po wai dao.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.

Daniel 3:17

Dago lotu po te God muba wabo dao. Dago te God agai da tau sabo usu elalu, te nago bomo, me te siago bomo geda mubaso da, teda te Godigo sę dao,” wali.

Aisaia 37:38

Me sogo side deli sogo aga te aga tibo godigo lotu beba pelama, te aga god Nisrokba lotu udubo sę yali. Te aga ogwa sigo digi, te Adramelek me Sareser sigo, te bainat hwą selama, te lotu be tomoba pelama, te aga ela muanio. Te nosali augwa si wi pelama, te bulu tǫ kantri Araratba bidigi pai. Tialima, aga gasa ogwa me, aga nogi te Esarhadongo, te aga aya pesage hasegelama, te Asiria king pedelai dao.

Te Israel me Juda Hani Sigo Tuni Bidigo Po Elalubo Buku Deli 18:26

Tialima, te profet bidi dabego te bulmakau sali, te we bidi dabego augwaliba sesai. Te augwaligo ofa yabo sisi ilalio. Tama augwaligo te god Balba gedu haluasa po wali, te kigamude gagalasa, te sia ge tomoba yagasobo te belo wabo siba usu nagasalio. Augwaligo gedu haluasa po weyu, i e tiwai wali, “Bal, dago homugo nago dago gedu haluasa po wabo odomainu obao,” wali. Tialima augwaligo te gedu haluasa po wali wei me ponobeo. Mu menio. Augwaligo tęąbi weyu, te bidi dabego nigali alta bobegelabo siyu, sasa mano bilali.

Godigo Sęba Tagala Palai Bidigo Po 19:27

Tama eno dago mone sabo sę dolidali weyu eno wi ebo, tama tigidali we bidigo dago e ebo sęde dwai po wabo. Dago bugagia tonalusąyu da, te po genuai mu yaibao. Tama augwaligo Artemisgo moni lotu be dolaibao,” wali, “agai dago moni god we, tama augwaligo homugo genuai we god Artemis usu egobeo, agai dago tigidali Esia tǫ we bidi aga deliba lotu po wabo dao, te tigidali tǫde bidibo we bidigo me,” te po wali.

Te Israel me Juda Hani Sigo Tuni Bidigo Po Elalubo Buku Deli 18:28

Tialima, te profet dabego i hai bomonama mu weyu, te augwaligo hwą ge dabe me, pęwądage bainat me sobadi elama, te augwaligo augwa lotu wabo kolesaga wali peyu, augwa digi augwa tigi dabe tologwalio. Te kaneme augwa tigide dulai dao.

Aisaia 2:8

Tama me ma, augwaligo tǫ tibo god dabego piksago pągąna pali. Tama augwaligo augwa te nogogo nigali nai dabeba lotu po wabo dao.

Aisaia 44:15

Augwa te ni dabe togolama, te me badu togwa sabo ni dage te tigi posolo ilabo nogabo sia sali, tama te togwa sabo delage me badu te bret ulabo sia sali. Tiali goli, te ni dage me deli augwa selama, te augwa tibo god piksa nigilama, augwa lotu po teba wai dao.

Aisaia 44:16

Augwa te tama kolesaga te ni dabede yalio. Augwa te sia nogolama, te nai me hasa ula tuainu yali, te augwa nai tulama, haliga pągąnani. Tama me, te augwa tigi posolo iliyu, te po wali, ‘Sia wiegi yai mu dao, te eno tigi bugagia mu posolo ilibo dao,’ wali.

Aisaia 46:6

Tiali goli, bidi mebago te gol me silva hauwa pesage holama, te augwa tibo god piksa nigainu dagalaibao. Tialima, te nai dabego te augwa tibo god nigali. Tialima, augwa te tibo god augwa nageba munama, te tolasa pelama, te augwa muabo nigilali pesageba mugi pabo dao. Augwa teba kidu sugunama, lotu wabo dao. Te tibo god te mugi pali pesage delide naga munaluali, magi baso meni, aga digi te gasaba bilabo usu isąwai. Te agai te bidi dabego aga gedu haluasa po weyu, i wabo wei ponabo usu meni yai, agai augwali te dwai sogode tau sabo me usu egobeo. Mu menio.”

Hosea 13:2

Tama megi me, augwaligo te dwai sę me idubo sę ebao wali. Augwa te tibo god te silvago nigilama, augwa teba lotu wabo dao. Te bidi dabe augwa homugo digi koneama, te tibo god noma piksa dabe te augwa nogogo digi nigali. Tama augwa te po weyu ebo, “Dagego te piksa nomaba ofa yao,” wabo dao. Ae, tegoba, augwaligo te bulmakau nomaba te nono nani! Augwali te menagi yai bidi mu dawe?

Jeremaia 2:27

Augwa te tama po obao, ‘Ni, nage da, te dena aya da, te masigi, nago da ame nani.’ Augwaligo ena tudiba naga muyu, te augwali ena pąba me asisąwai. Tiali goli, te sęgę pedalubo si da, augwaligo te tiwai i wabo dao, ‘Genuai Bidi, nago da tau sagasao,’ tama wabo dao.

Maika 5:12

“Te eno dagego tibo pobi wabo nai me, sisi tomage tigidali sela sąyu, tama eno dagego te sogo nigibo bidi, te dabe te munu ma me elalumainu, me egobeo,” wali.