Aisaia 44:15 - Godigo dwagi yai po buku

¹⁵ Augwa te ni dabe togolama, te me badu togwa sabo ni dage te tigi posolo ilabo nogabo sia sali, tama te togwa sabo delage me badu te bret ulabo sia sali. Tiali goli, te ni dage me deli augwa selama, te augwa tibo god piksa nigilama, augwa lotu po teba wai dao.

Aisaia 44:15 Referans Kwoze

Tuni Bidi Dabego Po Elalubo Buku Si 25:14

Te Amasiago Idom dabe aiyaba elalubo si, agai te Idom dabego tibo god dabe agai Juda buluba ma sesali. Tama agai augwaliba lotu po weyu, me wiegi yai denami ebo pauda uluyu yali, te augwali ofa tiwai yali.

Kraisgo Geme Dualali Sę Pedelabo Po Jonbolo Ola Mani 9:20

Tama tigidali gasa bidi dabe augwali te dwai nai selago ebo sęde isisąwai bage, augwali homu begelesiąma tama augwa nogogo nigali nai tagalama tudiba musiąyu me bidaluali. Tama tiyu augwaligo te dwai haubo noma bidi dabebolo lotu po wabo tagalobe. Augwaligo te tibo god dabe te kapa golgo dali silva dali te bras me, te masigi me, te nigo me, tama naigo nigai tibo god dabebolo augwaligo lotu po wabo tagalobeo. Te nogogo nigali tibo god augwaligo gedugo sugobeo, ma ologo odogobeo, ma biligobeo. Tiali goli augwalibolo te bidi dabego lotu po weyu bidaluali.

Aisaia 45:20

Genuai Bidigo te tiwai po wali, “Te tigidali tǫ kantri we bidi dabe, dage sisinagasiąo. Te hwįani sogode dolisąma bidalubo we bidi dabe, dage tigidali te po tųba asiąo. Tama dego te tibo god piksa dali sela asobo bidi, aga homu kolesaga mu meni ebao. Aga te tibo godiba gedu haluasa po weyu, aga tau somainu tiaibao, tiali goli te god te bidigo nigo dulama naga nigali, tama agai te bidi tau sabo usu me egobeo.

Aisaia 44:10

Augwaligo mena tobage homu kolesaga elalubo, augwaligo te tiwai tibo godigo piksa nigibawe? Te tibo god dabego augwali dwasianu munu me tau sogobeo. Mu menio.

Te Israel Tobolu Bidi Dabe 2:19

Tiali goli, te tobolu bidi isibode, te we bidi augwaligo te augwa poloba yali kolesagaba ma begasa peyu yali. Tama augwaligo dwai kolesagago te augwa wąį polasa pali bidi dabego yali kolesaga te aiyaba elaluali. Augwaligo te gasa tibo god wali peyu, tama teba lotu wali. Augwaligo te bomo mu eyu, te augwa ebo dwai kolesaga wali mu pali. Augwa dwai sę tagalabo homu ebeo, tede hagela homu naga yali.

Aisaia 44:14

Augwa te sę yainogo te dwagi yai ni sida togwali. Tama augwa te busi tomoba pelama, te wiegi yai ni kali dabe gegegi pelama, habu selama, dąį ilali, augwa te ni genuai igulubo sogo togwainu tiali. Te augwa te ni wuli wai me bulali, te tulubagego te ni genuai ilibo tonaluali, augwa te ni selama, te sę yainu tiai dao.

Aisaia 44:16

Augwa te tama kolesaga te ni dabede yalio. Augwa te sia nogolama, te nai me hasa ula tuainu yali, te augwa nai tulama, haliga pągąnani. Tama me, te augwa tigi posolo iliyu, te po wali, ‘Sia wiegi yai mu dao, te eno tigi bugagia mu posolo ilibo dao,’ wali.

Aisaia 44:17

Tama te ni dabego naga te augwa tibo god nigiyu yali. Te augwa kidu sugunama, te augwaliba lotu wabo dao. Te augwa te tiwai gedu haluasa po weyu, ‘Nago ena tau sao, magi baso meni, nage eno god dao,’ te po wabo dao.”

Aisaia 46:6

Tiali goli, bidi mebago te gol me silva hauwa pesage holama, te augwa tibo god piksa nigainu dagalaibao. Tialima, te nai dabego te augwa tibo god nigali. Tialima, augwa te tibo god augwa nageba munama, te tolasa pelama, te augwa muabo nigilali pesageba mugi pabo dao. Augwa teba kidu sugunama, lotu wabo dao. Te tibo god te mugi pali pesage delide naga munaluali, magi baso meni, aga digi te gasaba bilabo usu isąwai. Te agai te bidi dabego aga gedu haluasa po weyu, i wabo wei ponabo usu meni yai, agai augwali te dwai sogode tau sabo me usu egobeo. Mu menio.”

Aisaia 2:8

Tama me ma, augwaligo tǫ tibo god dabego piksago pągąna pali. Tama augwaligo augwa te nogogo nigali nai dabeba lotu po wabo dao.