Aisaia 44:14 - Godigo dwagi yai po buku

¹⁴ Augwa te sę yainogo te dwagi yai ni sida togwali. Tama augwa te busi tomoba pelama, te wiegi yai ni kali dabe gegegi pelama, habu selama, dąį ilali, augwa te ni genuai igulubo sogo togwainu tiali. Te augwa te ni wuli wai me bulali, te tulubagego te ni genuai ilibo tonaluali, augwa te ni selama, te sę yainu tiai dao.

Aisaia 44:14 Referans Kwoze

Aisaia 40:20

Ma, te doado bage meni yai bidi dabego te tibo god piksa nigainu te damua pisąbo bomai ni selama, nigaibao. Tama augwaligo te ni dulubo mu koneai bidibolo olama, te augwa tibo god piksa nigao po waibao. Te bidigo te piksa bugagia dulaibao, tiyu te piksa tulaluidali weyu tiaibao.

Hosea 4:12

Tama augwaligo te olo ni dagego nigali tibo god hanaluama, te geme dualali po page pedalumainu yali. Iya, tegoba, augwaligo homugo te ni dage dabego te augwaligo koneainu ebo nai dabe ola momainu homu elama tiali. Awe, augwaligo ena tagalalio, tama augwaligo te tibo god dabe wali pai, te penani ebo we me deligo aga bidi tagaliyu ebo tiwai yalio.

Aisaia 44:13

“Te nigo piksa noma nigibo koneai bidi dabego, augwa te wiegi yai ni dage selama, usu selama, te bugagia mu dodolama, te piksa nigainu ebo dao. Tialima, te pensilgo te piksa noma asęnama, te piksa togwabo bugagia usu nama usu sali. Nosali augwa te ni togobo nai sisel selama, te asęani dąįdu wali pelama, te piksa togoyu, sawi mu elama, te sawi gesi ogwa bidi me deli tonobo tiwai ebo dao. Tialima, augwa te nigo dulama nigali tibo god, te augwa lotu be tomoba muyu ebo dao.

Aisaia 44:15

Augwa te ni dabe togolama, te me badu togwa sabo ni dage te tigi posolo ilabo nogabo sia sali, tama te togwa sabo delage me badu te bret ulabo sia sali. Tiali goli, te ni dage me deli augwa selama, te augwa tibo god piksa nigilama, augwa lotu po teba wai dao.