Aisaia 44:13 - Godigo dwagi yai po buku

¹³ “Te nigo piksa noma nigibo koneai bidi dabego, augwa te wiegi yai ni dage selama, usu selama, te bugagia mu dodolama, te piksa nigainu ebo dao. Tialima, te pensilgo te piksa noma asęnama, te piksa togwabo bugagia usu nama usu sali. Nosali augwa te ni togobo nai sisel selama, te asęani dąįdu wali pelama, te piksa togoyu, sawi mu elama, te sawi gesi ogwa bidi me deli tonobo tiwai ebo dao. Tialima, augwa te nigo dulama nigali tibo god, te augwa lotu be tomoba muyu ebo dao.

Aisaia 44:13 Referans Kwoze

Polgo Po Pas Rom Dabeba Asęani 1:23

Tama tiyu, augwaligo te isisąbo Godigo moni ula yai bomo tudiba muyu, tama augwaligo lotu po agabolo me wabeo. Menio. Augwaligo aga hasegelama, tama olo isabo bidigo piksa nomabolo me, tama ba noma me, te kibu piksa noma me, tama hasa yogai hani dali, te hasamani hani dali noma me, te tama piksa dabe selama, tama “Te nai dago god dao,” weyu, tama augwaligo te nai piksa noma dabeba lotu po wabo gagalama ebo dao.

Godigo Sęba Tagala Palai Bidigo Po 17:29

Tama da bidibo Godigo wai dabe bidibao. Tama tibaso, dago te homu egio, te God masigi tiwai dao, te bunuwaligo nigai piksa tiwai God da, olamuo. Dago te homu ilamuo, ‘God da dago nogogo nigai dao,’ te homu egio.

Esekiel 8:12

Te Godigo enabolo te tiwai po wali, “Suao,” wali. “Te Israel tobolu bidi dabe augwali geme dualalu, te dwai kolesaga ebao. Tigidali augwa te be daga habude te dwai piksa noma haniani elalubo madi aselama, augwa te lotu obao. Augwa po waibao, ‘Genuai Bidigo da me sugobeo. Menio. Agai dago tǫ kantri tagalalio, tama agai da homu kone me ebeo.’ Augwaligo tama po olama, tama augwa te dwai kolesaga yai dao,” wali.

Aisaia 41:7

tama augwa te tibo godigo piksa nigalio. Te nigo piksa dulubo bidi dabego te golgo nai nigibo bidi dabeba te po wali, ‘Dagego te wiegi yai sę mu ebao.’ Te gol haluama dodolobo bidi dabego te aingo nai nigibo bidi dabeba te po wali, ‘Iya, tegobao, dagego te nai bugagia mu dąų walobao.’ Te nosali augwaligo te piksa dabe bugagia enani, tiyu te augwali tulaluidali weyu tiai dao.”

Te Israel Tobolu Bidi Dabe 18:24

Tialima agai te po wai, “Dagego eno pris bidi me te eno nigali tibo god dabe selama, te dage wi soalio. Te eno doado bage deli te me munalubeo. Magi baso te dagego enabolo ‘Magi sę yaliwe?’ po hanalu obawe?”

Bomai Po 27:15

Te Livai dabego e tama wao, ‘Te bidi mego te tibo god te masigigo nigilama, ma te nigo nigilama, ma aingo nigilama, tama agai geme dualama, tama agai geme teba lotu po odubaso da, teda Godigo te bidi dolaibao. Te nai dabe da, te bidigo digi nigai nai dabe dao. Tama Godigo te tibo godiba lotu po wabo we bidi godolo ebo menio,’ wao. Tama te we bidi sesego te po wei ponoyu, e tama po waibao, ‘Te mu tama dao, Godigo te tama timainao,’ waibao.”

Bomai Po 4:28

Tama te bulu dabede da, dage tibo godiba dabe lotu po waibao, te bidi dabego te masigigo me ni dabego nigai godide. Te god dabego te tonoyu, me odoyu, me po weyu, me nai tuyu, me nai denami odoyu me egobeo.

Tigidali Nai Gagalama Nigali Side 35:2

Tialima, Jekopgo te aga we waibolo, me te augwali dali bidaluali we bidi tigidalibolo wai, “Dagego duga tibo god dabe tigidali te sela sąyao. Dage te wę bugagia paluama, tama meda meni yai ugwa naga muao,” wai.

Tigidali Nai Gagalama Nigali Side 31:32

Tiali goli, te da tomode me deligo te nago god wi sela soai yaibaso da, teda nago aga ela muagameo. Te da e bidalubo bidi dabe gedude te nage aselama, tama dago tigidali sulama, tama dago doado bage osola suao, tama nago naga nai me deli subaso da, teda nago sao,” wali. Tiali goli, Jekopgo konebe, te Reselgo aga ayago god dabe wi sela soali.

Tigidali Nai Gagalama Nigali Side 31:30

Eno koneani, nage te naga page buluba ma pabo homu godolo mu ebaso, tama nago ena taga pali. Tiali goli, magi baso nago eno be tonalubo god dabe wi selasa soaliwe?” wali.

Tigidali Nai Gagalama Nigali Side 31:19

Te augwali pisiąbadi, tama Laban te sipsip dabe nisi togogi peyu, digibulu gana pai digi, tama Reselgo te aga ayago be tonalubo tibo god te bede wi salio.

Aisaia 44:14

Augwa te sę yainogo te dwagi yai ni sida togwali. Tama augwa te busi tomoba pelama, te wiegi yai ni kali dabe gegegi pelama, habu selama, dąį ilali, augwa te ni genuai igulubo sogo togwainu tiali. Te augwa te ni wuli wai me bulali, te tulubagego te ni genuai ilibo tonaluali, augwa te ni selama, te sę yainu tiai dao.

Esekiel 8:10

Agai po ola siminibo si da, teda ena te be habu me deli tomoba pelama, te eno tonaludalio. Iya, eno te hasamani dabe piksa noma, me te God gedude meda yai gasa tobage hasa dabe augwali te obo tigidali habude pągąnalubo sualio. Tama te Israel dabego lotu wabo tibo god piksa noma dabe me elalubo suai dao.

Esekiel 8:11

Te Israel tobolu bidi dabe augwali te 70 bage te be habude bidibo suali, tama Jasania, te Safango ogwa, te augwali bidibo tomode aga deli bidali. Tigidaligo te wiegi yai denami ebo pauda ulubo plet pou tolalubadi, eno suali, te hano ugaba holali. Tama te bidi dabe augwaligo te piksa noma dabeba lotu udalio.