Aisaia 43:9 - Godigo dwagi yai po buku

⁹ Te gasa bulu tǫ kantri we bidi dabe te po tų yabo pesageba sisingasalio. Te augwaligo mena godigo te mena sę nosali pedelaibao wabo po hania pusaliwe? Te augwaligo mena godigo polobadu po weyu, te pedelaibao wali nai megi pedalubowe? Te augwaligo ebo sę suali mena bidi hani dolugulama, te tiwai po weyu, agai te god me deligo te nai me pedelaibao po wali, tama nosali agai suali, te wali sę mu pedalubo dawe?”

Aisaia 43:9 Referans Kwoze

Aisaia 46:10

Te magi deli me pedalisiąbadi, eno te tama sę pedelaibao po weyu, te mena tama siligi pabo po waibao. Polobadu digi eno te sę pedelabo po olama, tama nosali te nai dabe te eno po wali gilama pedelaibao. Te eno mena sę me deli yainogo da, teda te sę eno eyu naga yaibao. Te magi nai me deligo eno te sę yabo sunumi me paligobeo.

Joel 3:11

“Dage bulu tǫ kantri pąde bidibo tigidali hani bage, dage asesa polo te odogo malu tǫ pesageba sisinagasao,” wai. Tama Genuai Bidi, eno homugo nago te naga bomai ami bidi dabe te boi bidi dabeba hwįagasomainu tagala palao.

Aisaia 43:26

“Tialima, dagego homu kone palao, te dagego dwai sę me ebe homu eba wida, teda dagego eno homu dodolama, te da tede po minao.

Aisaia 41:1

Godigo te po wali, “Dage we bidi dabe, te pąde elalubo tǫ kantri dabe, me te digibulu elalubo tǫ kantri dabe me, dage tigidali pedauwali pania selama, eno po odiąo. Dagego po bugagia sisila dodola selama asiyu, te duga po te po tų eboba pusagasao. Te da deliba sisinama, te po dagalama sueibao, te dego po mu po yabowe naga konebo dao.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Aisaia 48:14

“Dage tigidali, dage sisinagaselama, eno po odao. Te tibo god me deligo dageba te tiwai po me pusai menio, ‘Te Genuai Bidigo godolo homu mu ebo bidi te aselama, te Genuai Bidigo sę yagasu, te Babilonba hwįaibao. Te aga bomogo digi, Genuai Bidigo te Babilon dabe aiyaba elaluaibao,’ te tibo god me deligo te po wabe.

Aisaia 34:1

Dage tigidali tǫ habu we bidi dabe, asiąo. Dage sisinagaselama, te po odagasiąo. Tǫde me tigidali elalubo nai me, dagego me olo muiąo wai.

Aisaia 48:3

Agai e tiwai po dage dali elalubao wali, “Polobadu mu eno te po dageba pusuyu, te nai dabe pedelaibao po wali, tama eno polo naga tama te sę dabe pedalumainu ilali.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.