Aisaia 43:26 - Godigo dwagi yai po buku

²⁶ “Tialima, dagego homu kone palao, te dagego dwai sę me ebe homu eba wida, teda dagego eno homu dodolama, te da tede po minao.

Aisaia 43:26 Referans Kwoze

Aisaia 1:18

“Odao. Da deliba sisinama, po mimainao. Dagego sęgę hauwa elalubadi me, tagala. Te dage te nala ugwa tiwai bidai goli, hoda naigo polo dolai dao. Ena Genuai Bidi, eno te po obao, eno te dage te tedela ais tiwai ma ilaibao. Awe, te hoda nai mu dąų wai goli, eno dage te tedela yai sipsip kibu nisi tiwai ma ilaibao.

Aisaia 43:9

Te gasa bulu tǫ kantri we bidi dabe te po tų yabo pesageba sisingasalio. Te augwaligo mena godigo te mena sę nosali pedelaibao wabo po hania pusaliwe? Te augwaligo mena godigo polobadu po weyu, te pedelaibao wali nai megi pedalubowe? Te augwaligo ebo sę suali mena bidi hani dolugulama, te tiwai po weyu, agai te god me deligo te nai me pedelaibao po wali, tama nosali agai suali, te wali sę mu pedalubo dawe?”

Polgo Po Pas Rom Dabeba Asęani 8:33

God aga digi da doloba pai we bidi nogi pobaso, te da God aga digi hagea sali we bidi bidiyu, te mena boi bidigo da kisiliyu po tų ebo usu egowe? Woo, bidi mu menio.

Godigo Nogi Ugwaba Sabo Tęąbi Po Wabo Buku Dabe 141:2

Eno homugo nago eno gedu haluasa po wabo te nageba denami ebo nai hano asobo tiwai emainao. Awe, te eno nogo si ugwaba siyu, nagebolo gedu haluasa po wabo si, eno homugo te ebo te nago gedude te piode mabo ofa tiwai emainao.

Polgo Po Pas Rom Dabeba Asęani 10:3

Te Godigo da we bidi doloba pai nogi pobo te kolesagade augwaligo konesiąbaso, tama augwa digi augwa kolesaga doloba pai pedalumainogo ebo sę yai. Tama tibaso, augwali te God dologode me bidisiąyu, tama agai augwali nogi doloba pai nogi omainogo me ebeo.

Aisaia 41:1

Godigo te po wali, “Dage we bidi dabe, te pąde elalubo tǫ kantri dabe, me te digibulu elalubo tǫ kantri dabe me, dage tigidali pedauwali pania selama, eno po odiąo. Dagego po bugagia sisila dodola selama asiyu, te duga po te po tų eboba pusagasao. Te da deliba sisinama, te po dagalama sueibao, te dego po mu po yabowe naga konebo dao.

Aisaia 50:8

God pąde bidiyu, te agai te po waibao, eno dwai sę me ebeo. Te bidi me deligo ena po tų ilabo homu eba, agawe? Teda agai ena te po tųba odasa pelama, te agai ena po tų ilabo po pusumainao wali.

Jopgo Po Asęani Elalubo Buku 16:21

Tama eno homugo te ena bidabo bidi agai ena tau somainu yaiba, te God dali po dodolobode, te bidigo aga abagi po dodolobo tau sabo yali gilama.

Tigidali Nai Gagalama Nigali Side 32:12

Ena tau mao. Nago naga dąų wali bomai po te ma homugo koneao. Polobadu nago te po wali, ‘Te eno nage bugagia tonaluaibao,’ wai. ‘Tama eno te nago wąį te wai dabe hauwa menama, tama te bidi dabego augwali nedebo usu me egobeo. Te augwali te węde te masigi sane tiwai pedelaibao,’ nago te po wali,” Jekopgo te po wai.

Polgo Po Pas Rom Dabeba Asęani 11:35

Dego te nai me deli hasia agabolo mani, tama agai te nai wei ponomainogo yaliwe?”

Dwagi Yai Gesi Po Lukgo Asęani 16:15

Tialima, Jisasgo augwalibolo te po wai, “Dagego homugo we bidi augwaligo dagede e homu yaibao, dage doloba pai bage dao. Tiali goli, God agai dagego homu kolesaga mu konebo dao. Tama we bidigo gedude wiegi yai nai dabe, te nai dabe Godigo gedude meda yai nai naga dao,” Jisasgo te po wali.

Esekiel 36:37

“Ena God Genuai Bidi eno te po obao. Te Israel dabe augwaligo enabolo te augwa we bidi hauwa ilao po hanalubo sogo da, teda eno augwaligo te gedu haluasa po wabo me odaibao.

Dwagi Yai Gesi Po Lukgo Asęani 10:29

Tiali goli, te Juda dabego bomo yai po ola mabo bidi aga hale idali weyu, Jisas agade doloba pai bidi dao homu emai hagede, agai Jisasbolo ma hanaluyu te po wali, “Eno abagi hasi da, te de dawe?” wali.

Godigo Nogi Ugwaba Sabo Tęąbi Po Wabo Buku Dabe 74:22

God, nage aselama, te boi bidi dabe dali po bomo elama wagasao. Nago te hagoma ebo bidi dabego te tigidali sogo posobo po nageba wabo, te nago homugo koneao.