Aisaia 43:23 - Godigo dwagi yai po buku

^23-24 Te dagego haliga homu kolesaga enaba beaga sisąma, te dagego haniani ofa ebo sogo tama tibao. Te dagego te sipsip dabe te tigidali siaba mu uluyu, ofa tiwai ebo sogo, tama dagego te tobage awi te denami ebo nai abelama, te agaba ofa ebo sogo, te dagego te kibu hasa ili hauwa pesage holama, te ofa tiwai eyu ebo sogo, te dagego enaba homu kone palama, te ofa dabe ebeo. Eno dageba te sęgę mayu, te dageba po bomo eyu, dagego te wit ofa me, te wiegi yai denami ebo hano ebo ofa me, sesao po wabe, tama te sę dene ebaso, te dagego enade hagela homu ebeo. Mu menio. Tiali goli, dagego genuai sęgę enabolo menama, tama ena dagego te dwai sę ebode, me haniani dwai kolesaga ebode hagela mu ebo dao.

Aisaia 43:23 Referans Kwoze

Amos 5:25

“Dage Israel dabe, te kibu be bidi sese si, te 40 yia ena dage dali te masigi kemi tǫ bulu pesagede bilali sogo, eno dagebolo hanalu, enabolo dagego te haniani ofa yao po wai menio.

Matyu 11:30

Dage ena wali asiyu, tama eno dagebolo dene magobeo, te sęgę yai nai me eno dagebolo magobeo,” Jisasgo augwalibolo te po wai.

Malakai 3:8

Tialima eno dagebolo obao, dagego eno nai wi sali. Dagego homugo te dwagi yai kolesaga da homu eba, agawe? Mu menio. Tialima dagego e tama tebo dao. Nosali dagego enaba ma hanalu wai, ‘Magi ilama nago nai dago wi saliwe?’ Te bomai pode enaba mao wabo nai te dagego ma tolalubo dao.

Jeremaia 7:22

Te eno duga wąį nǫų dabe te Isip bulu tagalama, odasa asali sogo, eno te tama po augwaliba weyu, te siago tigidali domainu ebo ofa yao po naga me wasiąwai, te tobage gasa ofa dabe me yao po naga me wabeo. Menio.

Aisaia 66:3

“Tiali goli, te augwa digi dobo homu wali pabo we bidi dabego augwa te haniani dwai kolesaga godolo mu eyu, tama augwa te enaba lotu mu obao, te homu ebao. Tiali goli, augwaligo enaba te ofa ebo tigidali te eno godolo mu me isąwai. Te augwaligo bulmakau elama, enaba ofa ebo sogo, eno suali, augwa te bidi elali tiwai ebao. Te augwa sipsip wai elebo sogo, eno suali, augwa te yowi elama, te enaba ofa tiwai yali. Augwa te wit dabe ofa ebo sogo, eno suali, augwa te kibu kaneme ofa ebo tiwai yali. Te augwa wiegi yai denami ebo hano ebo ofa ebo sogo, eno suali, augwa te tibo god piksa me deliba ofa ebo tiwai yai dao.

Bugagia Bidibo Kolesagade Po Asęai Buku 21:27

Genuai Bidigo te dwai kolesaga ebo bidigo ofa te wei mu me egobeo, aga tede sębę ebo dao. Tama te bidigo te tibo kolesaga wali peyu, te ofa ebaso da, teda Genuai Bidigo te dwai kugumini yai kolesaga mu da homu ebo dao.

Bugagia Bidibo Kolesagade Po Asęai Buku 15:8

Genuai Bidigo te dwai kolesaga ebo bidigo ofa ebo te wei mu me egobeo. Menio. Agai tede dwai homu mu ebo dao. Tiali goli, agai te doloba pai bidigo gedu haluasa po wabo te wei mu eyu, wiegi yai pemene mu ebo dao.

Pris Sę Ebo Bomai Po 2:1

Tama Godigo Mosesbolo walama, te Israel dabebolo e tiwai po walao po wali, “Te bidi me deligo te Genuai Bidiba te wit ofa yabo homu ebaso da, teda agai te wit wale bo sela sąnama, te aga nai ge naga selama, te wiegi yai plaua mu nigilama, te plaua sela asao. Tama agai te ni oliv wel te plauaba gelama, tama te wiegi yai denami ebo pauda me te plaua ugwadu daiba munama,

Ma Dobola Sali 30:34

Tialima, Genuai Bidigo Mosesbolo po ma weyu, te po wai, “Megi eno homugo dagego te wiegi yai denami yabo pauda meba nigiyąo. Te pauda te deli tigi poai dabe naga usu nama, elalumainao. Te pauda mea badi, te augwaligo te lalaigo nigai nai dabe badi, tama te bomai nai te galbanum pauda kanemego nigai me, te ni balsam kanemego nigali, te nai dabe tama sao.

Pris Sę Ebo Bomai Po 24:7

Te wiegi yai denami pedalubo pauda meba dali te bret nani si dali muao, te nosali augwaligo te pauda enabolo ofa yao, te bret hasegeliyu, tama yao.

Bugagia Bidibo Kolesagade Po Asęai Buku 3:9

Nago te naga gide te polasa ina yani nai te selama, tama te ofa tiwai ilama, te Genuai Bidiba mao, te tama tebogo te agaba genuai nogi mawaibao.

Jeremaia 7:21

“Ena dage Israelgo God, ena da Te Tigidali Bomo Elalubo Genuai Bidi, eno te tiwai po obao. Te dagego te tigidali siaba ulama domainu ebo ofa enabolo mobadi goli, te tagalao. Te duga digi te ofa ebo nai mi tubao, te dagego gasa ofa ebo kibu mi tubo tiwai dao.

Maika 6:3

Tialima, Genuai Bidigo te tiwai po obao, “Eno we bidi dabeo, eno mena dwai sę dageba yaliwe? Eno mena sę elama, dageba sęgę maniwe? Ae, tegoba, dagego enaba po wei ponao,” te po obao.

Nehemia 13:10

Eno te tiwai me odali, te Livai dabe, me te Godigo bede musik elibo hani dabe, augwa te Jerusalem tagalama, te augwa tǫba ma pali, magi baso meni, te we bidi dabego augwali nai me masiąwai.