Aisaia 43:22 - Godigo dwagi yai po buku

²² Genuai Bidigo te po wai, “Dage Israel dabe, dage te Jekopgo hani, eno dage te eno hani we bidi digi pedalumainu ilali goli, dagego eno nogi wasiąyu, enaba lotu wabeo. Tama magi naigo tibaso, te dagego enaba hagela eyu, te dagego ena godolo mu isiąyu ebawe?

Aisaia 43:22 Referans Kwoze

Maika 6:3

Tialima, Genuai Bidigo te tiwai po obao, “Eno we bidi dabeo, eno mena dwai sę dageba yaliwe? Eno mena sę elama, dageba sęgę maniwe? Ae, tegoba, dagego enaba po wei ponao,” te po obao.

Malakai 3:14

‘Magi baso dago agai po wali pobawe? Te Tigidali Bomo Elalubo Genuai Bidigo gedude dago dena yali dwai sęde homu dene yali, tiali goli agai daba te wiegi yai nai deli wei me ponobeo. Tialima, magi baso dago olodali homu dene yaibawe?’ te po walio.

Malakai 1:13

Dagego te tama po wabo dao, ‘Iya, da te ofa ebo hagela ebao.’ Te po wabo dao. Tialima, dagego ena godolo homu meni isąwai. Dagego te bulu uni hasa dabego elai kibu hasa dabe te ofa yali. Dagego te kibu me hasa te gasi yai, ma te sągą dwai sela aselama, ofa ilali. Dagego homugo eno te nai saiba homu elama eba, agawe? Menio.

Jeremaia 10:25

Te nageba lotu wasiąyu, te gedu haluasa po wasiąbo we bidi hani dabeba dene mao. Te hani dabego te dago we bidi dabe te Jekopgo hani ela muai. Augwaligo da mu silama, te dago tǫ me be mu dolai dao.

Daniel 9:13

Nago te Mosesgo bomai po tomode wali po gilama dago te sęgę tigidali sali. Tiali goli, megi me dago te sęgę sabo kolesaga me tagalisiąma, tama dago nageba hanalu, te dabolo bugai haliga yabo po me hanalusiąwai, tama dago nago mu po wali me pisąwai.

Jeremaia 2:5

Genuai Bidigo te tiwai po wai, “Eno mena dwai sę ebaso, te dage bulai wąį dabego te ena tagalama, digibulu mu paliwe? Waa? Koneao. Augwa te olo naiba lotu obaso, tama tiyu, augwa digi te olo nai tiwai pedelai dao.

Aisaia 64:7

Te nageba gedu haluasa po weyu, te nage nogi wabo bidi meni yai, te nage pąba asu, nageba homu kolesaga kęą pabo bidi meni, magi baso meni, nago naga gesabidi daba geme dula selama elalu, te nago dena sęgęgo da dodolomainu ilama, te da dwai mu bidibao.

Godigo Nogi Ugwaba Sabo Tęąbi Po Wabo Buku Dabe 79:6

Te nageba lotu po wasiąbo we bidi dabeba nago te wado po wao, te we bidi dabe augwaligo te nage tudiba mubo dao.

Godigo Nogi Ugwaba Sabo Tęąbi Po Wabo Buku Dabe 14:4

Genuai Bidigo te po wai, “Te bidi dabe augwaligo dwai kolesaga yai, augwaligo homu kolesaga meni, agawe? Augwaligo te eno we bidi dabe ela silibao, te augwaligo te bret tubo tiwai gilama te mu silibao. Tama augwaligo enaba gedu haluasa po wabo menio,” wali.

Malakai 2:17

Dagego te haniani po hauwa obaso, tama Genuai Bidi te pode hagela yalio. Tiali goli, dagego te tiwai po hanalu wali, “Dago mena po obaso, te Genuai Bidigo dade hagela homu ebowe?” Dagego te tiwai po obao, “Genuai Bidigo homude te dwai sę ebo bidi te augwali wiegi yai bidi dabe da waibao, po meni, te agai augwali godolo eba homu yali.” Tama dagego e tiwai po weyu yali, “Augwa te po weyu, Godigo te doloba pai kolesaga ebo dao wali. Tiali goli, dago aga te dwai kolesaga ebo bagede te tama tebo subeo,” wali. Tama tibaso, agai dagego te wabo pode hagela homu mu ebo dao po walio.

Aisaia 64:6

Da tigidaligo dwai sę eyu, te da nago gedude meda yai mu elalubao. Te kolesaga dabe dago homugo doloba pai kolesaga da olama, te kolesaga dabe te dago gawea pai nai tiwai dao, tiali goli dago te ebo, augwali nago gedude dwai mu eyu, te ugwa meda dwai mu tiwai ebao. Te dena ebo dwai sęgo te pąde da mu haga yabo homu yai, te wa pai ni yabe te waligo sela pabo tiwai yaibao wali.