Aisaia 43:15 - Godigo dwagi yai po buku

¹⁵ Ena naga ena Genuai Bidi, ena dagego te Wiegi Yai Doloba Pai Kolesaga Naga Ebo God dao. Eno dage Israel dabe te deli hani we bidi pedalumainu ilama, te megi ena duga king bidibo dao.”

Aisaia 43:15 Referans Kwoze

Matyu 25:34

Tama te tuni bidigo aga dolo nogo badu bidibo bidi dabebolo po weyu, te po waibao, ‘Dage da, te eno Ayago dage dali wiegi yai sę mu yai dao. Polobadu mu agai te tǫ nigali sogode agai we bidi tonalubo kolesaga sisi ilama, tama tede dage bidabo madi sisi ilali elalubo. Dage aselama, te bulu tomoba dage asiąo.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Aisaia 43:3

Magi baso meni, ena Genuai Bidi, ena te Israel dabe duga God, te eno dage tau saibao. Ena te Wiegi Yai Doloba Pai Kolesaga Ebo God dao, eno naga eno dage ma dobola sobao. Dage te boi bidi dabego nogode bidibo sogo, eno te Isip dabe, me Sudan dabe, me Seba dabe menama, dobu si eyu, dage Israel bage ma saibao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Kraisgo Geme Dualali Sę Pedelabo Po Jonbolo Ola Mani 3:7

Te eno suali bidigo enabolo po me wai, “Te megi nago te Filadelfia bulude Godigo po odoyu bidibo we bidi tonalubo ensel mobo bidibolo e po asęna tolao: ena da, te Godigo bidi naga dao, ena magi sę isąwai tedali gasagi yai bidi dao. Tama ena te mu kolesaga ebo page bidi mu dao. Te eno te polobadu bidali bidi Devit agai tų dalabo ki tolalubao. Eno te tų dayu, tama niwai bidi mego te tų ma paligobeo. Tama eno te tų paliyu da, te niwai bidigo te tų ma dagobeo. Tama eno e po nagebolo ola tolobao.

Habakuk 1:12

God, polobadu mu me, megi tama me, nage Genuai Bidi me te bidibao. Eno Genuai Bidi, nage te tedali wiegi yai doloba pai kolesaga ebo God dao, tama nago da isimainu sula tagalogobeo. God, nage eno Genuai Bidi dao, tama nage te bomai masigi tiwai dao, tama da te tudi badu te tiwąį madide duala sabo tiwai dao. Nago te Babilon dabe magi elama, tama augwali bomo ilama, tama augwaligo da tonalubo sę emainu magi ilai dao, te dago dwai sęgę wei ponoyu tiai dao.

Jeremaia 51:5

Te Israel me Juda augwa tǫde bidali sogo, augwaligo te dwai sę hauwa te Israelgo God gedude yali, aga magi dwai sę deli munu me isąwai wiegi yai doloba pai kolesaga elalubo God dao. Tiali goli, God, Tigidali Bomo Elalubo Genuai Bidi, agai augwali tudiba mu me musiąma, te wilawe we bidibo tiwai me ebeo.

Aisaia 45:11

Genuai Bidi, Israelgo Wiegi Yai Doloba Pai Kolesaga Mu Ebo God da, te God agai te Israel deli hani we bidi pedalubo sę ilali, agai te tama po wai, “Te nosali pedelabo nai po wabode dagego te eno ena wai puluba tonalubo sę po munu me wagio, te mena kolesaga te eno ena sę eyu, wali pabo po me wagio.

Aisaia 43:7

Dage te eno nogi elalubo hani mu da, te ena digi eno dage nigali, te gasa hani dabego dage sulama, te enaba genuai nogi momainu ebo dao,” wali.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Aisaia 40:25

“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”

Aisaia 33:22

Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.

Aisaia 30:11

Dage digibulu mu bidiyu, tama dago sunumi paligimio. Dago te Israel dabego Godigo po odobo da hagela ebao. Aga te Wiegi Yai Doloba Pai Kolesaga Naga Ebo God dao,” wali.

Godigo Nogi Ugwaba Sabo Tęąbi Po Wabo Buku Dabe 74:12

Tiali goli God, polobadu mu nage dago king bidali, tama megi me nage dago king bidibao. Tama hauwa sogo nago da tau selama, tama da te hwįani digi da me dolobeo.

Aisaia 43:21

Eno te we bidi dabe te ena hani we bidi digi pedalumainu ilali, te augwa wiegi yai pemene eyu, te eno genuai nogi po pusumainu te tama tiaibao wali.” Genuai Bidigo te po wali.

Aisaia 31:1

Dage te Isip buluba pelama, tama augwaligo dage tau somainu hanalugi pabo bage, hobede ya, dage dene saibao. Dage te Isip dabego hwįbo hos kibu hauwa elaluyu, me karis dabe me hauwa, me te ami bidi dabe hosde dualama hwįbo ami bidi dabe hauwa elalubo sulama, tama dagego homugo Isip dabego dage tau somaina homu ebao. Tiali goli, dagego Israel dabego Genuai Bidiba tonalubeo. Aga te Wiegi Yai Doloba Pai Kolesaga Naga Ebo God dao. Tama dagego agai tau sao po hanalubeo

Aisaia 41:20

Tama te we bidi dabego sulama, tama augwa te tiwai koneaibao, ena God, te Israelgo Genuai Bidi, ena te Wiegi Yai Doloba Pai Kolesaga Ebo God dao, ena digi eno te sę pedalumainu ebo dao,” te po wali.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Godigo Nogi Ugwaba Sabo Tęąbi Po Wabo Buku Dabe 149:2

Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.

Aisaia 41:21

Genuai Bidi, te Israelgo king dao, agai te tama po wai, “Dage te gasa bulu tǫ kantri god dabe, dage te po tų eboba asiąo, te po tų ebode dagego po odomainu yaibao. Te dagego pusabo po bugagia dodolao, tama te po tų eboba asao.

Aisaia 47:4

Te Israelgo God, te agai da tudi badu pogwalu ma dobola sabo bidi, aga te Wiegi Yai Doloba Pai Kolesaga Mu Ebo God dao. Agai nogi da, te Tigidali Bomo Elalubo Genuai Bidi dao.