Aisaia 43:14 - Godigo dwagi yai po buku

¹⁴ Genuai Bidi, aga te dage Israel Dabego te Wiegi Yai Doloba Pai Kolesaga Naga Mu Ebo God, te aga dage ugwaba sagoalu, te dage ma dobola sabo bidi, agai te po wali, “Te eno we bidi dabe dage tobade eno te ami bidi dabe te Babilonba hwįagasomainu tagala palaibao. Te Babilon dabe tigidali augwa te wiegi yai homu pemene ebo te sip dabe daiba holama, te augwa bidali bulu pesage tagalama, wi paibao.

Aisaia 43:14 Referans Kwoze

Jeremaia 51:24

“Tialima, ena Genuai Bidi, eno te Babilon dabe augwaliba dwai dene mawaibao po obao, te augwaligo Saionba dwai kolesaga tigidali yali wei ponaibao. Te dage Israel me Juda, te eno ebo sę dagego suagameo,” te po wai.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Aisaia 23:13

Te Babilon dabego tǫ suiąo, te bidi dabe me tede bidibeo. Magi baso meni. Te Asiria dabego augwaligo bulu dolai dao. Tama augwaligo bulu te bulu hasa dabego bulu gagalai dao. Te Asiria dabego te augwaligo hanu obo bobegelama, sai ela pai dao. Tama augwali te sai dabede dolaluyu, tama augwali dali hwį yai dao. Tama augwaligo te hanu dabego bomai obo dabe hųgiai dao. Tama te hanu dabe sese tama dolai dao.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Godigo Nogi Ugwaba Sabo Tęąbi Po Wabo Buku Dabe 19:14

Genuai Bidi, eno homugo eno po dali, eno homu kolesaga dali, te nago gedude usu emainogo te homu yai. Genuai Bidi, nage bidibo digi ena duala selama, tama nago ena tau siyu, ma dobola sabo bidi dao.

Jopgo Po Asęani Elalubo Buku 19:25

Tiali goli, eno koneani, bidi ena pagede bidiyu, te ena ma dobola sabo te bidi bidibo. Tama nosali aga aselama, e tǫde dodolagasaiba.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Jeremaia 51:13

Babilon, te nago tǫ kantride te ąį hauwa me wiegi wiegi yai nai hauwa elalubao. Tialima, nage dolabo sogo te pąba yagasalio. Nage bidibo ula te ugwa hobolobo hobi tiwai elaluali, te megi da, augwaligo togwainogo ebo dao.

Esekiel 39:7

Te sę dabe eno ena we bidi Israel dabe dali yainogo ebo te sę dabe da, te augwaligo gasa we bidi hanigo eno wiegi yai nogi konemainu ola mawaibao. Tama augwaligo eno genuai nogi munu me aiyaba elalugobeo. Tama augwaligo e tama bugagia koneaibao, ena deli ena Genuai Bidi, tama ena te Israel dabe dali bidiba homu yaibao. Tama ena te tedali gasagi yai da, te eno kolesaga te wiegi yai doloba pai mu dao, augwaligo te homu yaibao.’ Te po me pusao,” wali.

Maika 4:10

Tialima, dage Israel we bidi dabe, dage i hai weyu, gela weyu, tama te wego wai tega painu te tigi dene ebaso, subigila bebegeli bilibo tiwai yao. Magi baso meni, megi dage te taun tagalama, te kala elalubo pesagede bididuaibao. Te dage augwaligo te Babilonba sela paibao. Tiali goli, nosali Genuai Bidigo dage te boi bidi dabego nogode ma dobola saibao wali.

Aisaia 47:4

Te Israelgo God, te agai da tudi badu pogwalu ma dobola sabo bidi, aga te Wiegi Yai Doloba Pai Kolesaga Mu Ebo God dao. Agai nogi da, te Tigidali Bomo Elalubo Genuai Bidi dao.