Aisaia 43:11 - Godigo dwagi yai po buku

¹¹ Ena naga ena Genuai Bidi dao, tama sesemane sogo eno dage ma sabo dao. Te gasa god dage dali me bidiyu, te dage tau me sabeo. Menio.

Aisaia 43:11 Referans Kwoze

Hosea 13:4

Genuai Bidigo te tiwai po wali, “Ena God, duga Genuai Bidi da, eno dage te Isipde selama, tedu eba odasa asai. Ena deli naga, ena duga God dao. Te gasa me menio. Enaduba deligo naga eno dage ma sabo dao.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Aisaia 43:3

Magi baso meni, ena Genuai Bidi, ena te Israel dabe duga God, te eno dage tau saibao. Ena te Wiegi Yai Doloba Pai Kolesaga Ebo God dao, eno naga eno dage ma dobola sobao. Dage te boi bidi dabego nogode bidibo sogo, eno te Isip dabe, me Sudan dabe, me Seba dabe menama, dobu si eyu, dage Israel bage ma saibao.

Godigo Sęba Tagala Palai Bidigo Po 4:12

Jisas deligo te da tǫde bidi tau sabo te usu yaibao. Tigidali bulu Godigo da ma dobola sabo sa muani bidi me menio,” Pitago te po wai.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Aisaia 44:8

Eno we bidi dabe, dage wi elama, dili tidibi igio. Polobadu digi eno dageba weyu, te sę pedelaibao po wali. Tama dage te eno ebo sę po te mu po da wabo bage dao. Te ena tiwai gasa god me bidiba homu eba, agawe? Eno te me deli munu me konebeo. Ena deli naga te dagego toma nabo bomai pesage tiwai elalubo dao.”

Bomai Po 6:4

“Dage Israel dabe, dagego bugagia odiąo. Genuai Bidi deli tama dago God deli tama dao.

Jutgo Asęani Pas 1:25

Tama God agaduba deli naga bidibo dao. Agai da tau siyu ma dobola somainogo, tama agai dago Genuai Bidi Jisas Krais e tǫba tagala palali. Tama tibaso, dago Godigo nogi ugwaba sinao. Awe, tama tiyu, God aga polalubo tuni bidi bidimainao, tama aga genuai bomo mu dali, agai moni ula dali si elalubaso, tama dago aga nogi ugwaba sinao. Te tigidali sogo polobadu aga tama bidai, te megi me aga tama bidibao, te tigidali sogo nosali God aga tama bidada peyu, bidada paibao. Te po mu po dao. Tama dao.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

Dwagi Yai Gesi Po Lukgo Asęani 2:11

Megi pio hulide Devitgo hanude wai me tega pai dao, te agai dage ma dobola saibao, aga te we bidi tau somainu sa muani Genuai Bidi dao.

Hosea 1:7

Tiali goli, eno te Juda we bidi dabe godolo ebao. Tama ena God, te augwa Genuai Bidi, te eno augwali tau saibao. Tiali goli, eno te hwįbode te bainatgo me enesigi sesemonego te augwali tau selama, me hwįgobeo. Tama eno te ami dabe me hos dabe dali tagala palama, te Juda we bidi tau sagasomainu me egobeo. Menio. Eno gasa sunumi me elalubao,” wali.

Kraisgo Geme Dualali Sę Pedelabo Po Jonbolo Ola Mani 1:11

Tama te wali pode te po wai, “Nago naga gedugo subo sę po tigidali te bukude asęnama, te Godigo po odobo we bidi bidibo bulu a naga olama me badu nogo si, te buluba nago te sę po asęna tolao. Nago te po Efesus buluba asęna tolobadi, me te Smerna buluba, me te Pergamum bulu, me Taiataira, me Sardis, me Filadelfia buluba tolobadi, me te Laodisia buluba te po asęna tolao,” weyu te po enabolo wai.

1 Jon 4:14

Tama Aya God aga Ogwa e tǫba tagala palama, tama agai da e tǫde we bidi tigidali ma dobola sabo bidi pedalomainogo yai. Dago te suai dao, tama dago te sę po gasa we bidi dabe augwalibolo pusubo dao.

Taitus 2:13

Tama dago te ola mani po odolama, tama te tiwai kolesaga eyu bidibadi, tama dwagi yai homu eyu, te wiegi yai sogo asobo dago tonalubo dao. Tama te sogo asobo si, teda dago genuai God te da ma dobola sali bidi Jisas Krais agai bomo yai ula dali, genuai nogi dali, te hania ulaba pedalaibao.

Taitus 2:10

Te tonalubo bidigo nai dabe me wi selamuo. Te menio. Te doloba pai kolesaga naga eyu, tama augwa tonalubo bidi dabe dali homu kęą pai bidigo ebo kolesaga te tonalubo bagebolo augwaligo tama yao ola mao. Te sę ebo bidi dabebolo te po wao. Tama tiyu da, teda augwaligo tigidali sę ebogo te da ma dobola sabo bidi God agade ola mabo po augwaligo te gasa bidigo gedude ugwaba siyu au eyu yaibao.

Dwagi Yai Gesi Po Lukgo Asęani 1:47

Tama eno nomago ena tau sabo Godibolo bugai homu mu ebao. Te ena agai sę ebo we da.

Godigo Nogi Ugwaba Sabo Tęąbi Po Wabo Buku Dabe 3:8

Genuai Bidi, nago deligo naga te da ma siyu, tama da me dolisiąbo da. Eno homugo nago te naga we bidi dabe wiegi yai bugagia bidimainu ilao.

Aisaia 19:20

Te alta de masigi pos si te we bidigo Tigidali Bomo Elalubo Genuai Bidi sulama, homugo konebo te dąį tiwai elaluaibao. Tama te boi bidi dabego augwali dolainu asobaso da, teda augwaligo Genuai Bidiba i olama, tama Genuai Bidigo augwali tau somainu bidi me augwaliba taga palaibao, te augwali tau selama, augwali ma somainu.

Aisaia 42:8

“Ena naga ena Genuai Bidi. Genuai Bidi, te eno nogi dao, tama dagego genuai nogi ena deliba naga maiąo. Dagego te tibo god dabego nogi ugwaba me sigio, te bidi dabe augwa digi nigai dao.

Aisaia 60:16

Te nago wiegi wiegi yai nai te gasa kantride siyu, te king dabego augwa wiegi yai sawi yai nai nageba mawaibao. Tama nago te tiwai koneama, ena naga te Genuai Bidi da waibao. Ena te ena we bidi ma sabo God dao, ena te nage posolalu, tonalu, tau sabo God, ena te Jekopgo hani dabego bomai God dao,” wali.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Jona 2:10

Tama Genuai Bidigo po te genuai sųgųbolo olama, tama sųgųgo Jona te tamu ąį saniba buguligi pai dao.