Aisaia 43:10 - Godigo dwagi yai po buku

¹⁰ “Tialima, dage Israel, dage te eno po odolama, pusubo bage dao. Eno dage sa muyu, dąį ilama, te ena sę bidi bidimainu yalio. Tama tiyu da, te dagego ena koneama, enaba homu dąų weyu, tama te tiwai dagego bugagia koneyu, te ena deli naga te God mu da omainu ebao. Polobadu te god me deli me pedalisiąma, te aga polasa bidiyu, te ena nosali badu me elalubeo. Tama nosali me, te god me deligo ena bidali pesage me hasegelegobeo.

Aisaia 43:10 Referans Kwoze

Aisaia 41:4

Dego mu te sę dabe pedalumainu ilaliwe? Te Genuai Bidi, eno naga dao. Te eno tǫ gagalama pedalumainu yali sogo, sesemane sogo eno tigidali nai te tǫde pedalumainu dodoludalio. Ena Genuai Bidi ena hasia polasa mu bidali. Te ena nosali badu sogo me bidaibao.”

Aisaia 45:6

Eno tama tibaso, te tigidali tǫ habu pedai we bidigo te tiwai konemainu yali, ena deli naga ena Genuai Bidi, te gasa god munu me bidibeo.

Aisaia 43:12

Eno naga enade po hanilama weyu, eno dage ma dobola saibao, te eno dage ma saibao po wali gilama yaibao. Te dage eno po odolama, pusubo bage elalubao, tama dagego e po pusaibao, te ena deli naga ena God, Genuai Bidi dao.

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Filipai 2:7

Te mu menio. Agai digi aga genuai wiegi yai nogi tagalama, tama nogi meni yai sęde dąų walali bidi tiwai pedalali. Aga te tǫde bidibo bidi dabe tiwai pedalama, tama bidi augwaligo suali aga be bidi mu bidai.

Aisaia 42:1

Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Aisaia 41:20

Tama te we bidi dabego sulama, tama augwa te tiwai koneaibao, ena God, te Israelgo Genuai Bidi, ena te Wiegi Yai Doloba Pai Kolesaga Ebo God dao, ena digi eno te sę pedalumainu ebo dao,” te po wali.

Kraisgo Geme Dualali Sę Pedelabo Po Jonbolo Ola Mani 1:2

Tama ena Jon, eno te sę tigidali sulama, tama te po me eno koneai, tama eno hanilama te Godigo po dąų weyu, tama Jisas Kraisgo enabolo pusali po me, te pode eno te po wai dao, “Te mu po naga dao.”

Dwagi Yai Gesi Po Jongo Asęani 20:31

Te bidi Jisas da, te Godigo sa muyu nosali asaibao wali bidi Krais dao, aga da te Godigo Ogwa dao. Tama dagego te po mu po dao homu emainogo, eno Jisasgo yali bomo yai sę po meba e bukude asęani. Tama dagego Jisas da te Krais dao, te aga Godigo Ogwa dao, dagego te homu eyu, aga dali wadoloyu, mu bidada pabo ula dagego somainogo eyu, eno agai yali sę po asęani.

Dwagi Yai Gesi Po Jongo Asęani 15:27

Tama dagego me enade te we bidibolo po pusao. Magi basowe? Polobadu dage ena dali bidibadi, eno te sę gagalama ebo dagego suai, tama megi me eno te sę ela asela dąį yagasobo dagego subao,” Jisasgo aga bidi dabe dali te po wai.

Aisaia 41:8

“Tialima, dage Israel, dage te Jekopgo hani da, eno dage sa muyu, dąį ilama, te dage eno sę bidi bidibao. Dage te bulai wai eno abagi Abrahamgo hani dao.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

1 Korin 15:15

Tama te tiwai da wida, teda me da te Godigo po pusubode te da tibo po wabo bidi tiwai pedalaibao. Magi baso meni, dago te Godide po weyu tama dago te agai Krais te gų pagede ma hodolali po dago hanilama hania wali. Tiali goli Godigo te isai bidi ma hodolobo meni eyu da, teda agai te Krais me ma hodolobeo.

Kraisgo Geme Dualali Sę Pedelabo Po Jonbolo Ola Mani 3:14

Te eno suali bidigo enabolo te po me ma wai, “Te megi nago te Laodisia bulude Godigo po odoyu bidibo we bidi tonalubo ensel mobo bidibolo e po asęna tolao: ena te mu po wabo page bidi mu, ena te Godide homu kęą pai bidi bidiyu, tama eno te Godigo po tigidali dolo mu te we bidibolo pusubo dao. Sesemane sogo eno mu po naga pusubo dao. Ena te Godigo nigali nai tigidali page mu dao. Eno e po nagebolo ola tolobao.

Kolosi 1:7

Epafras agai te wiegi yai gesi po dage ola menama, tama dagego konea sai. Aga dago deli sęde bidibo dwagi yai bidi dao, tama da sigo aga dali dwagi yai homu ebo dao. Aga te Krais dali homu kęą pai sę ebo bidi dao, tama agai da si te sęde tau sabo dao.

Aisaia 55:4

Konea sao, eno aga genuai bidi pedalumainu ilama, te agai gasa bulu tǫ kantri tonalumainu yai. Te agade, te eno bomo augwaliba ola mawai dao.

Bomai Po 4:35

Genuai Bidigo te sę dabe ola mani da, teda dagego konemainu te yali dao, te aga deli digi naga God bidibao olama konemainu te yali dao. Tama te gasa God me bidibeo. Mu menio.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Godigo Nogi Ugwaba Sabo Tęąbi Po Wabo Buku Dabe 102:27

Tiali goli, nage da, me bididubadi, tama nage me isigobeo.

Aisaia 45:5

“‘Enaduba deli naga ena Genuai Bidi da, te gasa god me bidibeo. Sairus, nago ena konesiąwai, tiali goli te eno naga te bomo nageba mabo dao.

Aisaia 48:12

Genuai Bidigo te tiwai po wai, “Dage Israel, eno i wali we bidi dabe, dage Jekopgo hani dabe, dagego eno po odiąo. Enaduba deli naga God dao. Ena polasa mu bidai, te nosali ena sabi badu nosali mu elalueibao.

Aisaia 49:23

Te king dabego, me kwin dabego, te nago wai dabe negeyu, te augwa aya idago ebo tiwai yaibao. Augwa kidu sugunama, te augwa tobolu te nago sągą page tǫba basigulama, te nageba genuai nogi mayu tiaibao. Nago te tiwai koneyu, ena tama te Genuai Bidi da waibao. Enaba homu kęą pelama, te eno augwali tau somainu tonalubo we bidi, te augwali odolali me tonalugobeo,” God Genuai Bidigo te po wali.

Hagai 2:23

‘Te sę pedalobo sogo, Serubabel, nage eno saibao, eno sę bidio, tama nage te ena sę bidi mu gagawai ilaibao, tama nago te eno hani we bidi dabe augwali te nago bugagia tonaluagameo. Eno nage deli tama dąį ilaibao, tama nage deli tama te nogode holobo nai te ring gagawai tama te eno nogode bidagameo. Ena God, Genuai Bidi aga Tigidali Bomo Elalubo Bidi, eno po olama silalio,’ te po te tobolu bidi Serubabelbolo pusao,” Genuai Bidigo te profet bidi Hagaibolo wali.

Ma Dobola Sali 8:6

Tama Arongo nogo dodolama, tama dono ugwaba selama, tama te wę dabe dąį ilai. Tama te gedeli dabe pedelama, tama Isip bagego tǫ tigidali pągąna sai.

Bomai Po 4:39

Tama tialima, dagego te tiali sę gegeda pelamuo. Genuai Bidi aga te dagalude me tǫde God dao. Tama te gasa God me menio. Mu menio.