Aisaia 43:1 - Godigo dwagi yai po buku

¹ Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.

Aisaia 43:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Aisaia 43:7

Dage te eno nogi elalubo hani mu da, te ena digi eno dage nigali, te gasa hani dabego dage sulama, te enaba genuai nogi momainu ebo dao,” wali.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Efesus 2:10

Tama God aga digi agai da gesi noma ma nigilai. Agai da Krais Jisas dali wadolama, tama da tǫde bidibo sogo tigidali dago we bidi tau sabo sę naga ela bilimainogo eyu, agai da gesi noma ma nigilai. Tama dago te we bidi tau sabo sę yabo te sę agai polobadu sisi yai.

Aisaia 43:21

Eno te we bidi dabe te ena hani we bidi digi pedalumainu ilali, te augwa wiegi yai pemene eyu, te eno genuai nogi po pusumainu te tama tiaibao wali.” Genuai Bidigo te po wali.

Aisaia 42:6

“Ena Genuai Bidigo digi, eno nage i olama, te eno doloba pai kolesaga ola momainu yai. Te nage eno ugwaba pogalu bugagia tonalueibao. Te nagede naga, te eno te Israel hani we bidi dali bomai po dąų walaibao. Tama nage eno te Israel hani isąwai hani dabego ula tiwai ilama, bidaibao.

Polgo Si Wali Pas Timotiba Asęani - 2TI 2:19

Tiali goli Godigo mu po te bidigo dolobo usu egobeo. Te bomai be tuni ni pos tiwai bulalio, tama te dolalubao, te be peme egobeo. Tama te tuni ni posde hagea siyu asęani po te tiwai elalubao, “Genuai Bidigo aga we bidi digi bugagia koneani.” Tama te po me asęani elalubo, “Te Genuai Bidi nogi nogi eyu ‘Ena aga bidi dao’ po wabo tigidali bidi, augwaligo te dolo isiąwai kolesaga tudiba muao,” te po asęani elalubao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Esekiel 16:8

“Tialima, te sogo ena ma aselama, tama eno nage te bidigo sabo usu yai elalubo suali. Tialima, eno nageba dilapi holobo ugwa saket bulama, te nage tigi mesegelali. Te ena God Genuai Bidi, te eno bomai po nage dali olama, te eno nage sabo po dąų olama, te nage eno we pedelai dao.”

Jeremaia 50:34

Tialima, te augwali ma sabo bidigo, agai bomo elaluai, agai nogi e tiwai dao, Tigidali Bomo Elalubo Genuai Bidi dao. Agai bomonama eyu, augwali tau selama, te augwa boi bidi dabe aiyaba elaluaibao. Te agai tigidali bulu tǫ kantri we bidi augwaliba te bugagia homu tegaluama bidabo sogo mawaibao, tiali goli, te Babilon dabe me tegobeo. Menio. Agai augwali te dwai mu tama bididumainogo yaibao.

Ma Dobola Sali 33:17

Tialima, Genuai Bidigo Mosesbolo te po wai, “Eno te nago wali po selama, te sę yaibao. Magi baso meni, eno nage godolo eyu, tama eno nage bugagia koneai dao.”

Malakai 3:17

Tialima, te Tigidali Bomo Elalubo Genuai Bidigo te po wali, “Te hani dabe te ena hani naga bidaibao. Te genuai side bodolu eno muani, te hani dabe te eno we bidi mu bidaibao, te eno godolo ebo hani mu dao. Tama homu dene eyu, eno augwaliba te olo tau sabo wiegi yai kolesaga eyu, te aya me deligo te wai dabego ayago sę ebaso, te olo tau mabo wiegi yai kolesaga ebo tiwai yaibao.

Godigo Sęba Tagala Palai Bidigo Po 27:25

Tama tilama, abagi, dage noma sigio. Magu menio. Eno homu Godiba mubaso, agai dwagi yai kolesaga dabolo yaibao, tama agai dagalude sę ebo ensel bidigo enabolo te tiwai po wai dao.

Jeremaia 31:3

Genuai Bidi te digibulu buludu aselama, te ena, Jeremaiaba pedelama, te tama po wali, “Dage Israel, eno dage sesemane sogo godolo elama, te eno wiegi yai kolesaga dageba ebao, te dage ena pageba asomainogo tebo dao.

Tigidali Nai Gagalama Nigali Side 32:28

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Godigo Nogi Ugwaba Sabo Tęąbi Po Wabo Buku Dabe 102:18

Te sę Genuai Bidigo yali, dago te bukude asęnama muao, te nosali pedalubo te wąį nǫų dabe augwaligo konemainu yao. Nosali te idago augwali ame nabo side, teda augwaligo me te Genuai Bidigo yali sę po odolama, tama augwaligo me te aga nogi ugwaba somainu yai dao.

Bomai Po 32:9

Tiali goli, agai Jekopgo hani sa munama, aga digi augwali tonalumainogo yai dao.

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Jeremaia 33:24

“Te we bidi augwaligo te po wabo dao, ‘Polobadu Genuai Bidigo te Israel hani me Juda hani, te hani si teaga hani da olama, dąį ilama elaluai. Tialima, megi da, agai augwali tudiba muanio.’ Te we bidi augwa te tobagepo weyu, te augwaligo eno we bidi dabe dolama, tamaaugwa homugo te eno hani we bidi hagawali homu ebodao.

Aisaia 62:12

Te augwaligo nago we bidi te tiwai nogi poaibao, “Te Genuai Bidigo tedali gasagi yai we bidi dao,” me “Te we bidi dabe te Genuai Bidigo ma salio.” Te augwaligo nage nogi te tiwai waibao, “Genuai Bidigo godolo mu ebo taun da,” me, te “Genuai Bidi ma aselama, bidibo taun dao,” waibao.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Ma Dobola Sali 15:13

“Tama nago da homu dene eyu, tau sabo silisiąbo kolesaga eyu, tama nago da ma selama, tama nage polasa peyu, da odasa pai. Tama nago bomogo digi da pabo dodolama, tama nago da te naga digi bidainogo yali wiegi yai buluba odasa pai.

Aisaia 63:16

Tiali, nage te dago aya dao. Te da bulai wąį monu aya, Abraham me Jekop augwali te da dali me bidibe, te augwaligo da konesiąwai. Tialima, nage Genuai Bidi, nage dago aya mu dao. Tama nago nogi te tiwai elalubao, “Te da tudibadu tonalu, polobadu digi tau sesa asali bidi dao.”

Godigo Sęba Tagala Palai Bidigo Po 27:20

Tama da te moni tamu ąįde hauwa sogo bidali, te tulubage me, te pǫ me kisu dali, dago dagalu sube. Tama dago te giliga me, hǫ me hauwa sogo sube, te hǫgo dago bulu te badu elaluba homu ebe. Tama te moni wali agai te moni ąį bǫį hodolali. Tama tibaso, da gisiga bidibe. Dago te homu yali, ‘Da tigidali e gebade tamadi isilaibao,’ homu yali.

Ma Dobola Sali 15:16

Genuai Bidi, nago genuai bomo augwaligo sulama, tama genuai wigo augwali mesegelama, tama augwaligo magi sę me deli yabo usugobeo. Augwali te ni tigi tiwai, olo naga dolalubadi, tama naga we bidi da ela soala silibo usu yaibao. Genuai Bidi, nago da Isipde ma sela asaligo tama da olo bugagia bidaibao.

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Aisaia 48:20

Dagego te tǫ kantri Babilon tagalama, tama te bulu we bidi dabede wi soao. Te duga pemene elama, genuai po dągą weyu, te tigidali tǫ habuba po tagala palu, te tiwai po wao, “Genuai Bidigo te aga sę bidi Israel ma dobola salio,” po wao.

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Daniel 10:19

Tama agai enabolo te tiwai po wai, “Godigo nage godolo mu ebaso, tama nago haliga nagame igulama bidao, tama nage wi me igio. Nage bomo elama, dolaluao,” wali. Agai po ola siminama, tama eno bomo genuaiba mu eyu, te agabolo te po wali, “Genuai bidi, megi nago enaba te nai dabede po wao, magi baso meni, nago ena bomo ilali dao.”

Bomai Po 32:6

Tiali goli, God dagego aya dao. Agai dage sese tama nigai dao. Tama agai dage we bidi hani deli pedalomainu ilai dao. Tama tialima, dagego magi baso te dwai kolesaga agaba ebawe? Dage polobo bage, dage homu kolesaga mu meni yai dao.”

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

Aisaia 45:11

Genuai Bidi, Israelgo Wiegi Yai Doloba Pai Kolesaga Mu Ebo God da, te God agai te Israel deli hani we bidi pedalubo sę ilali, agai te tama po wai, “Te nosali pedelabo nai po wabode dagego te eno ena wai puluba tonalubo sę po munu me wagio, te mena kolesaga te eno ena sę eyu, wali pabo po me wagio.

Aisaia 49:26

Te eno nago boi bidi dabe augwa haside digi tomode hwįmainu yaibao. Te augwa hasi digi elebo sę umabo eyu, te bidi dabe te wain wę tulama, gęǫ page ebo tiwai yaibao. Tama te tǫde we bidi tigidaligo eno te ebo sę sulama, te augwa te tiwai koneaibao, ena naga ena te Genuai Bidi da homu yaibao. Ena te ena we bidi ma sabo God dao, te eno nage tudibadu posolalu, tonalu, te nage tau siyu ebao, ena te Jekopgo hanigo bomai God elalubo dao,” wali.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Te We Bidi Dabego Jerusalem Hagede Gela Wali 3:57

Tama nage ena pageba aselama, tama nago enabolo “Wi igio,” po wai dao.