Aisaia 42:22 - Godigo dwagi yai po buku

²² Tiali goli, megi dage Israel dwai mu bidibao. Te boi bidi dabego dage dolagaselama, te dagego doado bage wi sela palio. Te augwaligo dage me sela pelama, tama dage te be dabede, me tǫ dedage dabede kalabus elama, elaluali. Te dage augwaligo nogode ma dobola sabo bidi deli me meni yai elalubao.

Aisaia 42:22 Referans Kwoze

Godigo Nogi Ugwaba Sabo Tęąbi Po Wabo Buku Dabe 102:20

Agai te kalabus bidi dabe augwa tolali sęgęde gela wabo odali. Tama agai te po tų silama tama augwa te kalabus silali bidi dabe tau siyu, te augwali me isidali weyu yalio.

Jeremaia 50:17

Genuai Bidigo e tiwai po wai, “Israel te sipsip me deli tiwai, te gasa tǫ kantri dabe te laion tiwai elama, aga dolainogo elama, te augwaligo aga pobeali. Hasia te Asiria kingo aga pageabi elama, tuali. Te nosali, te Babilon king Nebukatnesargo te agai nogo sągą dili dabe halua tuai dao.

Aisaia 51:23

Tiali goli, eno te kabu te nage dolobo bidi dabe nogoba mueibao. Augwaligo nage te tǫde pimainu ilama, te augwaligo nage agalama, te nage tudi daide biliyu, te augwa olo tǫ bulude bilibo tiwai yai dao,” te po wali.

Godigo Nogi Ugwaba Sabo Tęąbi Po Wabo Buku Dabe 50:22

“Te ena tudiba mubo we bidi, dagego odao. Te dage te tiwai tama bididubaso da, teda eno dage dolaibao, tama te bidi me deligo dage ma sainu ebaso, te usu me egobeo.

Aisaia 42:7

Te nago te gedu hwidai bage dabe te ma tonomainu ilaibao. Nago te kalabuside bidibo bidi dabe, me te be hulide bidibo bage me, te magi naigo me tonalusiąma, te olo mu bidimainu ilaibao,” te po wali.

Aisaia 24:22

Genuai Bidigo augwali sisinama, augwali kalabus ilaibao, te bidi dabego te kalabus bage tǫ dedage deliba tagalobo tiwai mu yaibao. Tama agai augwali kalabuside bobobage sogo tonaluaibao. Tama nosali augwaliba agai homugo yainu yali sę augwaliba yaibao.

Aisaia 24:18

Tama bidigo te dwai sogo te asobao wabo po odama, wi pobaso da, aga te tǫ dedageba tulaluaibao. Tama aga te tǫ dedagede ma hola aselama, ma wi painu yali da, teda aga te sųgų sabo wade ma tola saibao. Te dagalude sunumi dabe dala pelama, tama te wę e tǫba gealuaibao. Tama tǫ pagede mali yaibao.

Aisaia 18:2

Augwaligo augwa po sabilibo bidi dabe taga palama, tama augwali te wę Nail dulu te augwaligo wę sesegede holobo nosaigo nigai geba tiwai nai, te naidu ibaba dulubo dao. Dage Sudan dabego po sabilibo bage, dage te po polo sela asobo bage dao, dage duga bomai buluba ma piąo, te wę hauwa elalubo bulu dao. Te bulu we bidi dabe augwali bobobage elama, tama augwaligo tigi sawi yai mu elalubo dao. Tama dagego te bulu te wąbi hwįbode genuai nogi elaluyu, tama gasa bulu dabego dage mu wi ebo dao.

Aisaia 14:17

Aga tama dawe, te hanu dabe dolama, tama te bulu dabe olo bulu nigilali bidi dawe? Te tama dao, te bidi agai te aga kalabus ilali bidi dabe hobede elama, tama agai augwa buluba ma pomainu sula tagalai menio,’ augwaligo te tobage po augwa hasi hanalu waibao.”

Aisaia 1:7

Awe, te boi bidi dabego dagego bulu polo dola silai dao. Tama augwaligo dagego hanu dabe ulali dao. Te dagego tonalubadi, augwaligo dagego gi nai dabe sai dao. Te gasa bulu bidi dabego bulu mu dolama, tama dagego tǫ olo mu elalubao.

Jeremaia 52:31

Te Juda king Jehoiakin te Babilonde kalabus elaludubadi, te 37 yia bidai, tama te waiya si tomode Evil Merodak te Babilon king pedelai. Te 12 polua, te dei 25, te wabo kibu bede, Evil Merodakgo te Jehoiakin homu dene eyu, te aga kalabus bidali tagala palai dao.

Aisaia 56:9

Te Israel polalubo bidi dabego te we bidi dabe bugagia me tonalusiąbaso, te Genuai Bidigo te po wai, “Asiąo, dage boi bidi dabe. Dage te uni hasa dabe te bulu du buside bidalubo asiąo,” wai. “Dage aselama, te Israel polalubo bidi dabe dolagasao. Te polalubo bidi dabego te tǫ kantri dwai sęgo elalagasainu ebo po te we bidi dabeba wabo sę elalubao. Tiali goli, augwa sę bugagia me ebeo. Menio. Augwali te gedu widai bage tiwai te taun tauade te boi bidi asobo tonalubo tiwai bidali. Tama augwali te pedauwali pania sai yowi tiwai te nai wi sabo bidi asobode gągą wabo usu isąwai bidali. Te augwa tobolude dwasianu kolesaga me elalubeo.

Aisaia 45:13

Te eno digi eno te king Sairus hodolama, te eno ena sę wiegi yai doloba pai emainu yali. Te eno aga painu ebo sunumi tigidali dodolaibao. Te agai eno taun Jerusalem ma nigimainu yaibao. Te agai eno we bidi dabe kalabuside bidali te olo tagala palama pomainu yaibao. Te sę dabe ebo te bidigo aga me abeligobeo. Menio. Aga olo mu sę yaibao. Ena, te Tigidali Bomo Elalubo Genuai Bidigo, eno te po wai dao.”

Aisaia 36:1

Te Hesekia king bidibadi, te kibu be nogo si olama, sągągo me si me si, te14 yia elalubo sogo, te Asiria king Senakerip te aga ami dabe dali aselama, te Juda dabeba boi hwįagaselama, te augwali aiyaba elaluama, te tigidali bomai obo elalubo hanu sali. Tiali goli, te Jerusalem augwaligo sisąbadi, te elalualio.

Aisaia 5:29

Te ami bidi dabego te hai wabo te laion yowigo bulu hasa ela munama, dągą wabo tiwai waibao. Augwaligo boi bidi dabe toulama, tama sela paibao, te laion yowigo bulu hasa elama, sela pabo tiwai yaibao. Tama bidi mego augwali ma sogobeo.

Aisaia 42:23

Tialima, dage tomode dego te poba olo muaibawe? Megi gagalasa, te dagego eno po bugagia odaibawe?

Aisaia 24:3

Tǫ tigidali mu dolama, tama te tǫ olo mu elaluaibao. Genuai Bidigo te sę dabe yabo po polo walio.