Aisaia 42:2 - Godigo dwagi yai po buku2 Te agai po wabo sogo, te genuai po dagą i hai olama, po me wagobeo. Tama aga te sunumi dabede doligi pelama, te agai po bomonama me pusugobe. Gade chapit la |
Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.
Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.
Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.
Tama te agai te bomo meni yai, te togwa painu ebo awi dili, te agai tigidali me togwa sągobeo. Tama agai te ula bugagia isiąbo lam sula somainu me iligobeo. Menio. Agai te bomo meni yai we bidi tau sabo kolesaga yaibao. Agai te doloba pai kolesaga pedalumainu bomo ilaibao, agai te sę ebo me tagalogobeo.