Aisaia 42:14 - Godigo dwagi yai po buku

¹⁴ Genuai Bidigo te tama po wai, “Te bobobage sogode eno pedauwali pania selama, te ena dua digi bidali. Eno ena haliga sębę te palia selama, te eno magi deli me ebeo. Tiali goli, megi eno te gela bomonama weyu, te wego wai ame nainu dene ebo sogo gela wabo tiwai obao. Ena te homu hę weyu, te homu hę wabo bomo elama, kekebo dao.

Aisaia 42:14 Referans Kwoze

2 Pita 3:15

Tama Genuai Bidigo me tonaludu tama agai da dali dua ebao. Tama dagego te kolesaga ebode tama kone palao, te agai da ma sainogo ebao. Tama Godigo wiegi yai homu kolesaga te dago dwagi yai ama Polbolo menama, tama agai me te tobage po dagebolo asęna tolai dao.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?

Jeremaia 44:22

Dagego te dwai kugumini yai kolesaga ebaso, tama nosali Genuai Bidi dagego te kolesagade hagela mu yai. Tama agai te tama sę elama, te dagego tǫ dolama olo elalubadi, te bidi bidisiąbadi, te megi e sogoba usu nagasobao. Te gasa tǫ kantri we bidi dabego te augwa boi bidi dabeba dwai po wabo sogo, augwa te tiwai po waibao, ‘Dage te Juda tǫ dolali tiwai gilama dolagameo,’ wabo dao.

Jeremaia 15:6

Ena Genuai Bidi, eno po dolo tama obao, naga digi ena tudiba mudu, te ena digibulu pali. Tama tibaso, te ena digi ena nogogo te nage elama dolobao. Hauwa sogo eno nage hobede yali, tiali goli megi ena hagela pai dao.

Godigo Nogi Ugwaba Sabo Tęąbi Po Wabo Buku Dabe 50:2

God te Saionde bidiyu, te taun te polalubo taun mu, tama te gasa sawi yai mu elalubao, tama Godigo ula te pepeli diliba pedelali.

Jopgo Po Asęani Elalubo Buku 32:20

Teda mu tama mu dao. Eno pusaibao. Tama eno tabi duanu bidimainu yaibao.

Jopgo Po Asęani Elalubo Buku 32:18

Magi baso meni. Eno homude hauwa mu elalubo nago po wei ponabo. Tama eno homude me dąų wagobeo.

Godigo Nogi Ugwaba Sabo Tęąbi Po Wabo Buku Dabe 50:21

Dagego te tiwai yali, tama eno po deli me wabeo. Tama dagego te ena te dage tiwai tobage da homu yai. Tiali goli, mu menio. Megi eno dageba wado po olama, tama dage te pepeli diliba sela munama, te po tų ilaibao,” wali.

Aisaia 30:18

Tiali goli, Genuai Bidi da, tigidali sogo doloba pai kolesaga naga ebo God dao. Tama tibaso, agai dage homu dene elama, agai hobede ebo dage ola mawainu te tonalubao. Te we bidi dabego Genuai Bidiba homu kolesaga dąų olama, tama agai augwali tau somainao olama, tonaluali we bidi dabe da, augwali wiegi yai homu pemene mu yaibao.

Aisaia 57:11

“Dage dede mu wi elama, te dagego ena ili po ola mayu, te ena tudiba munama, te ena homu kone mu gegeda palobawe? Te bobobage sogo eno dageba wado po wabe, tama tiyu dagego enaba wi ebeo.

Aisaia 64:12

Genuai Bidi, nago te sę dabe sulama, nago haliga hogodiyu, te magi sę me deli yabo homu ebo meni da, agawe? Te nago homugo dago te sęgę hauwa tolodumaina homu elama, tama nago dago gedu haluasa po wabo wei ponisąma eba, agawe?

Aisaia 65:6

“Suao. Ena Genuai Bidi, eno te dage dwai we bidi dabego ebo dwai sę tigidali te eno bukude asęani. Tede eno sagia sogobeo. Menio. Te eno dageba dwai dene mayu, te duga yali dwai sę tigidalide dolo mu wei ponaibao.

Jeremaia 4:31

Eno odali, te wego wai ame nainogo te gela wabo tiwai odali. Te wego hasia wai ame nabo sogo, te aga genuai dene yaibao. Te taun Saiongo gela obao. Aga homu hę mu weyu, te aga nogo bomo sainu debalu te tiwai po waibao, “Hobede mu dao, ena mu dolobao. Te boi bidi dabego ena elama, ena isainu ebao,” wai dao.