Aisaia 42:1 - Godigo dwagi yai po buku

¹ Genuai Bidigo e tiwai po wai, “Suao, eno sę bidi e dao. Sesemane sogo eno aga dąų walobao. Ena eno aga sa munama, dąį ilali, tama sesemane sogo eno agade wiegi yai homu pemene geninama, idubao. Eno ena mobo noma bidi agaba muani, tama agai te doloba pai kolesaga naga igidali te tǫde we bidi haniba selasa asaibao wali.

Aisaia 42:1 Referans Kwoze

Dwagi Yai Gesi Po Lukgo Asęani 3:22

Tama Godigo Tedali Mobo Bidi dagaludu dulali. Te Godigo Mobo Noma Bidi ba hi tiwai aga toboluba dugayagasali. Dagalu badu i weyu, te po wali, “Nage eno homu kęąlubo Ogwa mu dao. Eno nage dali dwagi yai homu elalubao,” te po wai.

Aisaia 61:1

Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.

Aisaia 52:13

Genuai Bidigo te tiwai po wali, “Suao, bugagia konea sao. Tigidali sę eno sę bidigo ebo te bugagia mu pedelaibao. Te bidi dabego agaba genuai nogi mayu, te aga nogi ugwanu mu saibao.

Filipai 2:7

Te mu menio. Agai digi aga genuai wiegi yai nogi tagalama, tama nogi meni yai sęde dąų walali bidi tiwai pedalali. Aga te tǫde bidibo bidi dabe tiwai pedalama, tama bidi augwaligo suali aga be bidi mu bidai.

Aisaia 43:10

“Tialima, dage Israel, dage te eno po odolama, pusubo bage dao. Eno dage sa muyu, dąį ilama, te ena sę bidi bidimainu yalio. Tama tiyu da, te dagego ena koneama, enaba homu dąų weyu, tama te tiwai dagego bugagia koneyu, te ena deli naga te God mu da omainu ebao. Polobadu te god me deli me pedalisiąma, te aga polasa bidiyu, te ena nosali badu me elalubeo. Tama nosali me, te god me deligo ena bidali pesage me hasegelegobeo.

Matyu 17:5

Tama Pitago te po odubadi yaide, tama ula mu ebo pǫ me deligo augwali tigidali polo mesega sagasali. Te pǫgo augwali mesega sagaselama, tama te pǫ tomodu po me weyu te po wali, “E bidi da, eno Ogwa dao, te eno aga godolo mu ebo dao, eno aga dali dwagi yai homu mu ebo dao. Agai wabo po dagego mu odiąo,” te po wai.

Aisaia 53:11

Te aga genuai sęgę tolama da, nosali te aga wiegi yai nai hauwa pedalubo sulama, te aga wiegi yai pemene umabo mu yaibao. Genuai Bidigo te tiwai po wali, “Eno te doloba pai sę bidi, agai ena bugagia koneai. Agai te hauwa we bidigo dwai sę yali sęgę tolama, te kolesagade agai te augwali doloba pai we bidi pedelaibao.

1 Pita 2:4

Te eno megi te bede po digi po begelama obao. Dage te dago Genuai Bidi Krais aga pageba asiąo. Aga da te bidabo ula elalubo masigi tiwai dao. Tama bidi dabe augwaligo agade ‘Te olo masigi dao’ homu eyu, aga sela sąwai goli, te Godigo gedude aga da te wiegi yai masigi mu dao, te Godigo aga deli hagea sali.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

Aisaia 41:8

“Tialima, dage Israel, dage te Jekopgo hani da, eno dage sa muyu, dąį ilama, te dage eno sę bidi bidibao. Dage te bulai wai eno abagi Abrahamgo hani dao.

Efesus 1:6

Tama Godigo aga ogwa Jisasde dwagi yai homu eyu, tama da aga ogwade wadolo baso, tama agai da dali wiegi yai homu ilibo sę yai dao. Tama God agai da olo mu tau siyu agai te genuai sę ebaso, te dago God aga ula yai bomo elalubo nogi ugwaba sao.

Dwagi Yai Gesi Po Jongo Asęani 3:34

Te bidi Godigo tagala palali bidi, te bidi agai Godigo po pusubo dao. Magi basowe? Godigo agai Dwagi Yai Mobo Bidi agabolo habuge me mabeo, sese mu mawai. Tama mobaso, te bidigo Godigo po pusubo dao.

Kolosi 1:13

Da te dwai haubo tobolu bidi Satango dologode te hulia sai bulude bidibadi, God agai da ma dobola selama, tama da bugagia sela pelama, tama aga godolo ebo Ogwago we bidi tonalubo kolesaga dologoba mugi pali.

Efesus 1:4

Tama Godigo tǫ nigisiąbadi, agai da Krais dali wadolainu, da sa muai dao. Te sę page e dao: Godigo homugo da aga gedude dwai sę isiąwai we bidi, agai gedude doloba pai we bidi bidimainogo eyu agai da sa muai dao.

Godigo Sęba Tagala Palai Bidigo Po 10:38

Te po duga digi koneai dao. God agai te Nasaret bulu bidi Jisas sa muai. Tama Godigo agai Dwagi yai Mobo Bidi dali, bomo dali si agabolo mawai dao. Tama Jisas aga tigidali bulu bilama, dwagi yai sę ela bilali, tama agai Satango dolai we bidi agai dwagi yai ma ilali. God aga dali bidibaso, te tobage sę yali.

Aisaia 59:21

Te ena da, eno bomai po augwali dali dąų walama, te augwaliba eno te tiwai po waibao, ‘Te eno mobo noma bidi me, te eno dagebolo mani po me, te dagede bidiyu, te dagego pedauwaligo eno po pusaibao. Dagego sesemane sogo tama tiaibao, te nosali dagego wai dabego me te duga bulabo wąį dabego me te tama tiyu, te sesemane sogo augwaligo me eno po elalua peyu, pusaibao,’” te po wai dao.

1 Pita 2:6

Te eno po digi po begelama wali pode, te Godigo po bukude te Godigo wali po te bidi me deligo tama asęani, “Odiąo. Te eno masigi dabego te be nigiyu, tama eno te wiegi yai dila pai masigi me deli selama, tama ‘Te be bugagia dąų wabo masigi dao’ weyu, eno te dila pai masigi te sęba dąį ilali elalubao, te bulu nogi Saion tede munalubao. Tama bidigo aga homu tigidali agaba mubaso da, te bidi hale munu me egobeo,” te po asęani.

Godigo Sęba Tagala Palai Bidigo Po 28:28

“Tama te po dage dolo mu te waliao. Tiali, dagego koneao. Tama Godigo da we bidi sela pabo tų po tama te Israel hani isąwai we bidibolo tolai yali. Tama te po augwaligo mu odaibao,” Pol agai te po wai.

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Dwagi Yai Gesi Po Lukgo Asęani 9:35

Te pǫ tomode po me dagayu te po wali, “E eno Ogwa dao. Agai eno sę emainu sa muani Ogwa dao. Dagego agai wabo po odao.”

Sekaraia 3:8

Polalubo pris Josua, odao, me dage meba pris dabe me dagego me odao, dage te nosali pedalabo wiegi yai nai te magi tiwai me dage dao. Odao. Eno ena sę bidi odasa asaibao. Agai nogi da e dao, Ni Abu.

Aisaia 2:4

Genuai Bidigo tigidali hani we bidigo po tų dodolama, tama augwali bugagia deliba bidaibao. Tama augwali hwįbo bainat te gi tǫ elebo ain tiwai gagawaibao. Tama augwa hwą gagawai sesemone te hamago elama, gi sę yabo hwą tiwai pedalaibao. Tama tigidali we bidi hanigo me hwįgobeo. Tama augwaligo te boi hwįbo kolesaga munu ma konea sagobeo.

Godigo Sęba Tagala Palai Bidigo Po 11:18

Te Jisasgo po wali pabo Juda bidi dabe augwaligo Pitago wali po odama, tama augwaligo wado po wabo tagalali. Tama augwaligo Godigo nogi ugwaba siyu, te po wai, “E, Godigo te sunumi dawai, te Israel bidi hani isąwai bidi dabe augwali me homu begelama, bugagia bidimainu yali,” te po wali.

Dwagi Yai Gesi Po Jongo Asęani 16:32

Edao. Te sogo pąde pedalainogo ebao, te polo pedalalio, tama augwaligo dage tigidali deli deli pobeasa bilibaso, tama duga buluba tedela paibao. Tama dagego ena taga peyu, enaduba deli digi bidaibao. Tialima, enaduba me bidigobeo. Aya God ena dali bidaibao.

Dwagi Yai Gesi Po Jongo Asęani 6:27

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Aisaia 32:16

Te wiegi yai doloba pai kolesagago naga te tigidali tǫ dabe tonaluaibao. Te po tų dolo naga dodolobo kolesagago te we bidi dabe bugagia dodolaibao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Dwagi Yai Gesi Po Lukgo Asęani 4:19

Genuai Bidigo e tǫde bidibo we bidi ma sagasabo bodolu magayagasobaso, pupusu bilimainu ena tagala palali,” te asęani po Jisasgo haninama nedali, aga digi aga homugo tiyai.

Tigidali Nai Gagalama Nigali Side 49:10

Agai te tuni bidigo dono tulama, tama aga sągą sawali si tomoba muani. Tama tede mu elaluaibao, te gasa bidigo te bomo sogobeo. Teda agai te bomo tolaluyu, tama te bomo aga aya mu pedelama, tama te tigidali hani bidi dabe tonalubo teba mu usu naibao.

Aisaia 41:9

Eno dage te digibulu bulude mu, te tǫ sesege badu mu selama, tama dage odasa asali. Te eno te tiwai po dagebolo wali, dage eno sę bidi bidibao wai. Eno dage dąį iliyu, dage te ena dao wali, te eno dage hagela eyu, te dage tudiba me mubeo. Menio.

Aisaia 42:2

Te agai po wabo sogo, te genuai po dagą i hai olama, po me wagobeo. Tama aga te sunumi dabede doligi pelama, te agai po bomonama me pusugobe.

Hagai 2:23

‘Te sę pedalobo sogo, Serubabel, nage eno saibao, eno sę bidio, tama nage te ena sę bidi mu gagawai ilaibao, tama nago te eno hani we bidi dabe augwali te nago bugagia tonaluagameo. Eno nage deli tama dąį ilaibao, tama nage deli tama te nogode holobo nai te ring gagawai tama te eno nogode bidagameo. Ena God, Genuai Bidi aga Tigidali Bomo Elalubo Bidi, eno po olama silalio,’ te po te tobolu bidi Serubabelbolo pusao,” Genuai Bidigo te profet bidi Hagaibolo wali.

Godigo Nogi Ugwaba Sabo Tęąbi Po Wabo Buku Dabe 72:4

Kingo te dwai bidi dabego sęgę bugagia dodolama, tama agai te doado bage sǫą pabo bidi dabe tau somainu yao. Tama agai te gasa bidi dabeba te dwai sę yainu ebo bidi dabe elalumainu yao.

Godigo Nogi Ugwaba Sabo Tęąbi Po Wabo Buku Dabe 89:4

“Tama eno te po wali, ‘Te king dabe nago hanide naga pedelaibao,’ wali. ‘Mu tama, sesemane sogo eno te nago hani bidi me deli te king bidi mudaibao,’ te po wai.” Nago te po wai dao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.