Biblia Todo Logo
Bib sou entènèt

- Piblisite -




Aisaia 41:2 - Godigo dwagi yai po buku

2 Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.

Gade chapit la Kopi




Aisaia 41:2
22 Referans Kwoze  

Genuai Bidigo te tiwai po wali, “Eno te Sairus sa munama, te Persia bulu tǫ kantri king pedalumainu yali, te agabolo eno te gasa bulu tǫ kantri dabe aiyaba elaluama, te gasa kingo bomo dabe silimainu yabo bomo mawai. Ena digi eno te taun obo sunumi dala palama, te Sairus tomoba pelama, te taun somainu elali. Te Sairusbolo eno te tiwai po wai dao,


Eno te augwali mu dolama, tama augwali te tǫ hogomu tiwai pedelali. Eno augwali agalama, tama augwali aiyaba elaluali, te ena pu elalubo nagame yai tǫ elalubo sunumidu pabo tiwai yali.”


Eno te giliga pedalubo badu bidi me deli asao olama, i wali, agai te ba kemodage bola asobo tiwai yaibao, te agai eno yabo homu yali sę yaibao. Eno te sę yao po walio, te eno po wali tiwai gilama te tama pedelaibao. Te eno yaibao olama, dąį ilali sę, eno te sę ebo dao.”


“Eno te giliga pedalubo badu bidi me deli hodolali. Te bidigo enaba genuai nogi mobao, tama megi eno te not badu sela aselama, tama agai te king dabe aiyaba elaluama, agayu, te tǫgo sospen sene nigibo bidigo te tǫ agalama, te sospen nigibo tiwai ebao.


Augwali te plaua dabe te bidigo tamadi tama bulama, te augwa sele aiyaba dulusiąwai tiwai elalubao. Te Genuai Bidigo bomai posolai wali tagala palobo sogo, augwali te deli sogo polo tama sasia pelama, te baguasa pabo waligo augwali te hogomu sela pabo tiwai ebo dao.


Te king Sairusgo po te tiwai, “God, Genuai Bidi, te tigidali dagalude nai tonalubo bidi, tama agai ena Sairus sa munama nigilali, te tigidali tǫ pedai tonalubo bidi pedalumainu ilali. Megi da, te agai enabolo weyu, te agai be me deli te Jerusalem taun, te Juda tǫ pedaide sę yao po walio.


Te eno digi eno te king Sairus hodolama, te eno ena sę wiegi yai doloba pai emainu yali. Te eno aga painu ebo sunumi tigidali dodolaibao. Te agai eno taun Jerusalem ma nigimainu yaibao. Te agai eno we bidi dabe kalabuside bidali te olo tagala palama pomainu yaibao. Te sę dabe ebo te bidigo aga me abeligobeo. Menio. Aga olo mu sę yaibao. Ena, te Tigidali Bomo Elalubo Genuai Bidigo, eno te po wai dao.”


King Sairusgo te po e dao, “Genuai Bidi God da, te tigidali dagalude elalubo nai tonalubo God dao. Tama agai ena Sairus te tigidali tǫ tonalubo bos bidi nigilai dao. Megi agai enabolo agai be me deli Jerusalemde sę yao po wali, te Juda bulu distrikde. Genuai Bidi dage Israel dabego God aga tigidali aga we bidi dage dali tigidali sogo bidaibao. Tama megi da, dage duga buluba ma piagameo, te Jerusalemba,” te Persia dabego king Sairusgo te po asęna tolali.


U bidi Melkisedek aga te genuai hanu nogi Salem tuni bidi bidali, tama aga God ugwadu bidi mugo pris bidi dao. Polobadu Abrahamgo boi hwįnama, te tuni bidi dabe augwali elama tama aga buluba ma sobadi, tama te sogo Melkisedekgo aga te tųde tiąba sabolama tama Godigo Abraham dali dwagi yai sę emainogo eyu gedu haluasa po wai.


Tama te sogo te king Joahas agai te ami soldia bidi umabo mu meni badi, magi basowe, te Siria hani augwaligo te Israel hanigo ami soldia bidi dabe umabo mu ela muai dao. Tigidali sogo te Siria hanigo augwali dolobo sę mu yali, tialima megi te Israel hani augwaligo ami soldia bidi dabe te bidi sese si olama, nogo si, 50 tama bidi dabe naga te hos kibude dugulama, tama boi hwįbo usu elalubo. Tama tialima, augwaligo te boi hwįbo karis nai nogo si naga bidali, me te gasa ami soldia bidi dabe te 10,000 tǫdu pabo ami soldia bidi naga bidali.


Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.


Terago te aga ogwa Abram sali, tama Lot te aga wąį da, tama Sarai te aga wąį da. Lot te Harango ogwa, tama Sarai te Abramgo we da. Tama Tera dali, te hani bidi dabe dali, augwaligo te hanu Ur tagalama, te Kaldia pedai badu tedu peyu, tama te Kenan tǫ pedaiba bidigi pai. Augwali bidada pali, tama tomode te Kenan tǫba sabalisiąbadi, te Haran tǫ teba usu nama bidaluai.


Tama eno suali, gasa ensel mobo bidi te giliga pedalobo badu ugaba holobo eno suai. Agai te bidibo ula elalubo God agai we bidi sa mubo nai tolalubo eno suali, tama agai te Godigo tǫ dali tamu ąį dali dolomainogo bomo mani te ensel mobo bidi me si me sibolo bomo elama i wali.


Te sę silama, tama te a naga olama me badu nogo deli wali te ensel mobo bidi aga pou te genuai ąį nogi Yufretis te ąįba te gelai. Tama te ąį tigidali wa pela tama te giliga pedalobo badu tuni bidi dabe asabo tų sisilama tonaluai dao.


Aga te deli sogo naga polo tama augwaliba pedelama, te augwali doliyu yali, tama augwaligo agaba magi sę yabo te usu meni yai. Te waligo digi aga sela pabo tiwai eyu, agai te tǫ me dwasianu diąbeo.


“Ena Genuai Bidigo digi, eno nage i olama, te eno doloba pai kolesaga ola momainu yai. Te nage eno ugwaba pogalu bugagia tonalueibao. Te nagede naga, te eno te Israel hani we bidi dali bomai po dąų walaibao. Tama nage eno te Israel hani isąwai hani dabego ula tiwai ilama, bidaibao.


Menio. Ena deligo naga eno dageba weyu, te bidi asaibao po wali. Ena digi eno aga asao olama, i wali. Te eno aga odasa aselama, te agai te boi bidi dabe aiyaba elalumainogo yai dao,” wali.


Genuai Bidigo eno bomai ami bidi dabeba tudi ola manio. Agai ami i olama, ena dali hwįagasomainu elama, tama eno gesi bidi dabe dolalio. Genuai Bidigo kantri Juda we bidi dabe aiyaba agayalio, te bidi dabego wain wę nigainu, te wain du agabo masigi poude te wain agabo tiwai yalio.


Swiv nou:

Piblisite


Piblisite