Biblia Todo Logo
Bib sou entènèt

- Piblisite -




Aisaia 41:15 - Godigo dwagi yai po buku

15 Te eno dage te wit agayabo te gesi ni nami tiwai pedalumainu ilama, te dageba sęgę mayu, te dage sunumi palialuali boi bidi dabe te dagego aiyaba elalueibao. Te augwali te bulu du tiwai bidali goli, dagego te bulu du dabe pepedama, te wit bo yalala pai nai tiwai pedalubo bomo elalubo tiwai yaibao.

Gade chapit la Kopi




Aisaia 41:15
20 Referans Kwoze  

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.


Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.


Nago wado homu ebo genuai mu te tigidali tǫ kantri bulu we bidi dali elaluali, tama nage te tǫ daide ugwadu biliyu, tama tigidali bulu we bidi agawalio.


Eno we bidi dabe, hobede ya, te boi bidi dabego dage te bidi dabego wit elebo tiwai yalio. Tiali goli, megi da, eno te God Tigidali Bomo Elalubo Bidigo mani po dagebolo pusubao. Aga te Israel dabego God dao.


Te ono ge dabe dwasianu sabo usu yai de da, te bidigo agai te ni name selama, tama te nai ono agabo menio. Tama agai te wit ge dabe sainu, te wilkar dabe me te nai wit ge sainu, ugwadu kegebo yaligila ebo menio. Mu meni. Agai te dwasianu wąbi dage dabe naga selama, tama te ono dabe elebo dao, te augwaligo dwasianu ge dabe sainu.


Eno augwali mu dolama, tama augwali te waligo sela holobo tǫ hogomu tiwai pedelali. Eno te boi bidi dabe elaluama, eno te sunumide agabo pu tiwai gagawai dao.


Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.


Tiali goli, te gasa bidi dabe nageba hwįagasobo bage da, augwali te tǫ hogomu tiwai hauwa mu yaibao. Tama augwali sese polo tama gasaba paibao, te bidigo te wit haluama, agai nai sainu ebode te yabe dabe hauwa bola bilibo tiwai yaibao,” wali. Tiali goli, deli sogo tama,


Te eno bulu du dabe dolama, te nosai dabe me ni dabe sasia pomainu ilaibao. Tama eno te genuai soabo wę dabe dali, te sigi ąį me, sula somainu ilaibao.


O Genuai Bidi, dago homugo nage te dagalu buga sąnama, dulao homu ebao, te bulu du dabe nage asobo sogo dwai midigi mu saibao.


Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.


Genuai Bidigo e tiwai po wali, “Babilon, nage eno egebe wąbi tiwai bidibao, te eno hwįainu sabo nai tiwai dao. Eno nage selama, te hauwa we bidi hani dabe me te bomai kantri tǫ dolai dao.


Tigidali Bomo Elalubo Genuai Bidi, aga Israelgo God, agai e tiwai po wali, “Te boi bidi dabego Babilon agabo te bidigo tubo nai wit agabo tiwai yaibao. Bidigo te tau yali nai togobo tiwai eyu, te boi bidi dabego Babilon togolama, dolaibao. Tama te sę yabo sogo pąba pedelalio,” wali.


Tama eno te tǫ dolama, tama te tǫ olo tǫ mu pedelaibao. Te Israel dabe augwaligo augwa bomode mu gana pabo dao. Tiali goli, eno augwaligo te bomo mu silaibao. Tama te Israel dabego bulu du te dwai bulu dasu mu pedelaibao, tama te bidi dabe augwali tede bilibo hagela yaibao.


Tama te tigidali ain, me tǫ, me bras, me silva, me gol, tigidali te pepeda pelama, tama te wit tigiwali bo te dago sela sąbo tiwai pedelali. Tama te waligo te kakali hogomu selasa pelama, tama te dwasianu hogomu dabe me elalubeo. Tiali goli, te piksa noma elali masigi, te genuai bulu du pedelama, tama te tǫ pedai tigidali mesega salio,” wali.


Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.


Te dagego te moni ni sili bulu du elalubo bulu te dagego sagameo. Mu tama, te genuai bulu elalubo, tiali goli te dagego penama, tama te tǫ tigidali saibao. Tede bidalubo Kenan dabego te bomo eyu, tama augwaligo te ain karis dabe elalubao, tiali goli te dagego augwali sela sąyu, ela gudulagameo,” Josuago te po wai.


Tama Genuai Bidigo agabolo te po wai, “Nago ebo usu yaibao, magi baso meni, te eno nage tau saibao. Te nago Midian dabe eliyu, te bidi deli elibo te tiwai yaibao.” Te po wai.


“Te moni pukpukgo tabide elalubo abolo da, mu poa pai mu dao, tǫ sene pepeda pai tiwai dao. Tama aga pu aiyana pai madi pabo sogo da, te tigi abologo te tǫde dwasianu wę gamia nigibo dao.


Swiv nou:

Piblisite


Piblisite