Aisaia 41:10 - Godigo dwagi yai po buku

¹⁰ Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Aisaia 41:10 Referans Kwoze

Josua 1:9

Eno nagebolo wai dao. Tama nage bomo elama dolaluyu, tama nage wi munu me isiąyu, tama nage magi nai me delide habu bulu me pelamuo. Magi baso meni, ena God, te nago Genuai Bidi, te ena nage dali te nage pabo tigidali buluba paibao,” te po wali.

Polgo Po Pas Rom Dabeba Asęani 8:31

Te Godigo te da tau sabo sę hauwa po odobaso, tama dago magi po Godigo te ebo sę dabede waibawe? E tama naga dao, te Godigo da tau sobaso, teda dego da dali boi bidi elama tama da aiyaba elalugowe? Woo, bidi mu menio.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

Godigo Nogi Ugwaba Sabo Tęąbi Po Wabo Buku Dabe 27:1

Genuai Bidi God aga te eno ula page da, tama agai ena tau sabo da. Tama tiyu, te bidi me delide ena midigi me egobeo. Genuai Bidigo naga ena seselalubao, te moni bomai obo tiwai te palialubao. Tama tiyu, te magi nai me delide ena wi me egobeo.

Godigo Nogi Ugwaba Sabo Tęąbi Po Wabo Buku Dabe 63:8

Ena nage dali bilibaso, tama nago ena bugagia tonalubo dao.

Tuni Bidi Dabego Po Elalubo Buku Si 20:17

Tiali goli, dagego duga digi me hwįgobeo. Mu menio. Te dage te boi hwįbo pesageba saboligi pabo sogo da, teda dage olo dolaluyu olo tonaluiąo. Tama dagego gedugo suaibao, te Genuai Bidigo dage tau selama hwįaibao, tama dage tau selama augwali aiyaba elaluaibao. Dage Jerusalem we bidi me Juda bulu we bidi, dage homu sęgę elama dage wi igimio. Do dage hwįainu piąo, Genuai Bidi dage dali bidaibao,’ Genuai Bidigo te po wai,” Jahasielgo te po wali.

Godigo Nogi Ugwaba Sabo Tęąbi Po Wabo Buku Dabe 145:14

Agai te tigidali sęgę elalubo we bidi, me te gasa bidi dabego aiyaba elalubo we bidi, augwali tigidali agai ugwaba siyu, tau sabo dao.

Aisaia 12:2

Mu tama, Godigo ena ma oda sai dao. Tama megi da, eno agaba homu dąų ola saibao. Tama ena wi me egobeo. God, Genuai Bidigo ena bomo ilibo dao, tama tibaso, eno balia po obao, te agai nogi ugwaba sainogo. Magi baso meni. Agai ena ma oda salio.”

Aisaia 60:19

“Te giligago nageba te bubugade ula mayu, elalubo tiwai munu me elalusiąyu, te poluago me nageba ula mayu, me egobeo. Menio. Genuai Bidi ena digi ena te giliga tiwai, me polua tiwai ula elalu, te eno sesemane nageba ula maduaibao. Te ena, nago God, ena te genuai ula elalu, te nago au ilibo nai elalubo dao.

Bomai Po 20:1

Tama Mosesgo po wadolama weyu, te po wali, “Te dage te boi hwįgi pabo sogo, te dagego duga boi bidigo te karis me hos kibu elalubo suyu, me augwa ami bidi nambago dage edelai baso da, tagalao, dage wi me elamuo, augwalide. Magi baso menio. Genuai Bidi, dago God, agai dage Isip bulude selama, tama dage odasa asai dao. Aga digi dage dali bidaibao.

Sekaraia 13:9

Tama te me badu bugai elalubo te dwagi yai pedalabo sę usu sabo sę ilaibao, te bidi mebago te gol me silva te dwai hogomu sela sąmainogo te isiba ulubo tiwai yaibao. Tama augwaligo gedu haluasa po enaba obaso da, teda eno augwaligo gedu haluasa po wabo odaibao. Tama eno te tama po augwaliba walaibao, ‘Dage da, eno we bidi dabe da’ obaso, teda augwaligo te tama po waibao, ‘Nage God, dago Genuai Bidi dao,’ po waibao,” Genuai Bidigo te po wai dao.

Godigo Nogi Ugwaba Sabo Tęąbi Po Wabo Buku Dabe 37:24

Tama te bidi tulalubaso, tagalao, aga te mu dologobeo. Magi baso meni, Genuai Bidigo te aga nogo tola selama, tama aga ma dolugulumainu ebo dao.

Godigo Nogi Ugwaba Sabo Tęąbi Po Wabo Buku Dabe 29:11

Genuai Bidigo bomo te aga we bidi dabeba mabo dao. Agai augwaliba te wiegi yai sę yabo homu kolesaga menama, tama augwali homu nagame elama, bidibao.

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

Tuni Bidi Dabego Po Elalubo Buku Si 32:8

Te Asiria king bidigo bomo te bidi dabede sali dao. Tiali goli dago bomo te Genuai Bidi dago Godidu te asali dao. Aga da dali bidiyu, tama agai da tau saibao, tama dago boi bidi dabe aiyaba elaluaibao,” wali. Te we bidigo kingo te po odama, tama te pogo augwaligo homu dąų walali.

Sekaraia 10:12

Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

Aisaia 43:5

Ena dage dali bidibao, dage wi me igio. Dage hani dabe te giliga pedalubo badu, me giliga dega sabo badu bidibo, te augwali eno ma odasa asaibao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Aisaia 49:8

Genuai Bidigo aga sę bidiba te tiwai po wali, “Eno digi eno nage ma selama, te nage wiegi yai ilabo sogo bodolu muani, te sogo mu dolo eno nago i wabo odolama, nage tau saibao. Te nage eno bugagia tonaluaibao, te nagede naga eno te tǫde we bidi tigidali dali bomo yai po dąų waibao. Tama eno te Israel tǫ kantri wiegi yai ma pedalumainu ilaibao, tama te Israel hani augwa te megi olo elalubo tǫde ma bidaibao.

Godigo Nogi Ugwaba Sabo Tęąbi Po Wabo Buku Dabe 37:17

Magi baso meni, Genuai Bidigo te dwai bidi dabego bomo silama, tama agai te doloba pai bidi dabe tonalueibao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Godigo Nogi Ugwaba Sabo Tęąbi Po Wabo Buku Dabe 144:11

Te dwai sę mu ebo boi bidi dabego nogode nago ena ma sao. Tama ena te Israel hani isąwai dabego nogode ma sao. Augwa te mu po me wasiąma, tama augwa te nogo guni sisu muyu, te mu po da weyu, te tibo po dali wabo dao.

Godigo Nogi Ugwaba Sabo Tęąbi Po Wabo Buku Dabe 41:12

Nago suali, te ena dolo bilibaso, tama nago ena tonaluali, tama nago ena te naga pąde sesemane dolaluaibao.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Aisaia 52:7

Te we bidi augwaligo bidi me deli te bulu du pesagedu udada asobo sulama, te wiegi yai pemene mu yaibao, te wiegi yai po Jerusalemba selasa asali. Agai te tiwai po waibao, “Saion, te wiegi yai sogo pedelalio. Godigo te boi bidi dabe aiyaba elaluama, te agai nage bugagia bidimainu ilalio. Megi da, nago Godigo te tigidali nai tonalubo dao,” agai te po waibao.

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Godigo Nogi Ugwaba Sabo Tęąbi Po Wabo Buku Dabe 65:5

God, nago naga te nago da te boi hwįbode ma selama, tama da bugagia bidibo dao. Nago dago gedu haluasa po wabo odao. Te nago da ma sainu yali sę te sę mu yai. Te dade te digibulu mu te tigidali tǫ habude bidibo bage dabe, tama te augwa pesageba sabolainu, te tamu ąį nogeali, augwaligo konealubo homu nageba dąų mu wabo dao.

Dwagi Yai Gesi Po Lukgo Asęani 1:30

Tama te ensel bidigo Mariabolo “Nage wi egio,” te po wali. “Godigo nage dali dwagi yai homu ebao.

Godigo Nogi Ugwaba Sabo Tęąbi Po Wabo Buku Dabe 147:12

Te Jerusalem dabeo, te Genuai Bidigo nogi ugwanu siąo. Awe, dage Saion dabe, te duga God nogi ugwaba sao.

Tuni Bidi Dabego Po Elalubo Buku Deli 12:18

Tialima, Godigo Mobo Noma Bidi te Amasaiba pedelali, te augwali me deliba, tama Amasaigo Devitba te tama po wali, “Devit, te Jesigo ogwa, da te nago hani bidabo homu ebao. Te naga Godigo nage tau sobaso, tama nage dali, te nage tau sabo hani dabego dali te sesemane sogo ugwaba ela holama te bugagia bidaibao,” wali. Tialima Devitgo augwali selama, tama augwali te agai ami dabego ofisa dabe pedelai. Te nosali, Amasai te nogi yai 30 bomai ofisa bidi dabe tomode aga te polalubo ofisa bidi pedelai dao.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Godigo Nogi Ugwaba Sabo Tęąbi Po Wabo Buku Dabe 99:4

Bomai king, nago te doloba pai kolesaga wei ebo dao. Nago da Israel we bidi dabeba te doloba pai me wiegi yai kolesaga menama, tama dago wali pali. Tama nago dago te gasa we bidi dabe te doloba pai kolesagade dagalumainu ilali.

Godigo Nogi Ugwaba Sabo Tęąbi Po Wabo Buku Dabe 144:8

Te bidi dabego te mu po me wasiąwai, augwaligo te nogo guni sisu muyu, mu po da weyu, tama tibo po dali wabo dao.

Hosea 1:9

Tama Genuai Bidigo Hoseabolo te tiwai po wai, “Nago aga nogi e tama poao,” wali, “‘Eno Menio’. Magi baso meni, dage Israel dabe eno we bidi menio. Tama ena dagego God bidigobeo,” wali.

Tigidali Nai Gagalama Nigali Side 31:5

Te augwali si sabalubode, tama Jekopgo augwali sibolo te po wai, “Eno suali, te dage sigo ayago te enade polobadu yali kolesaga tiwai isiąyu, tama agai kolesaga hasegelali. Tiali goli, eno ayago God te ena dali bidibao.

Tigidali Nai Gagalama Nigali Side 49:24

Tiali goli, augwaligo enesigi tigidali togwa pali. Tama agai enesigi balibi pedebeo. Te God, Tonalubo Bidi, agai te Israel dabe sesemane sogo tau siyu, tama te kolesaga ebo hasegelegobeo. Te agai bomo te moni genuai bulu du masigi tiwai dao. Te God agai te Josep dali boi homu ebo bage augwali aiyaba elaluaibao.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Ma Dobola Sali 20:20

Tama Mosesgo augwalibolo te po wai, “Dage wibo, tagalao. Godigo dage usu naga sagasiyu asali, te dage aga dologoba pelama bidiyu, tama dagego dwai sę ma idali weyu, tiwai sę yai.”

Aisaia 50:9

God Genuai Bidigo ena tau siyu, tama dego te po weyu, eno dwai sę me yalio waibawe? Ena po kisilama wali hani bage, augwali te ugwa asobago togolama silibo tiwai mu yaibao.

Daniel 6:16

Tialima, kingo te gasa bidi dabebolo te Daniel sao po olama, tama aga te laion dabe bidibo tǫ dedageba tula palali. Tama agai Danielba te tiwai po wai, “Eno homugo te nago konealubo homu dąų mu olama, agaba sesemane sogo te lotu po udubo Godigo, agai nage tau somainao,” te po wai dao.

Daniel 10:12

Tama agai po ma weyu, te tama po wai, “Daniel, nage wi igio. Te nago gagalu, te naga digi naga aiyaba elaluama, te Godigo nageba yabo sę koneainu tiali sogo, Godigo nago te gedu haluasa po wabo odama, tama ena tagala palai dao.

Hagai 1:13

Tama tialima, te bidi Hagai agai te we bidi dabebolo e tama po augwalibolo ola mani, “Godigo te po wai, ‘Ena Genuai Bidi, tama tigidali sogo ena dage dali bidada paibao,’ wali.” Hagaigo te po wai.

Hagai 2:5

Polobadu mu dagego te Isip bulu tagalama tama dage eba asali, tama te sogo ena dage dali po bodolu siyu tama po wai, ena te dage dali tigidali sogo bidada paibao, te po wai. Tama me te eno Mobo Bidi me te tigidali sogo dage dali bidaibao wai dao, tama teyu dage tigidaligo wi egimio,’ eno te po wai,” wali.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Te Israel Tobolu Bidi Dabe 6:16

Tama Genuai Bidigo agabolo te po wai, “Nago ebo usu yaibao, magi baso meni, te eno nage tau saibao. Te nago Midian dabe eliyu, te bidi deli elibo te tiwai yaibao.” Te po wai.

2 Samuel 22:19

Te enade sęgę elalubo sogo augwaligo enaba hwįagasali. Tiali goli, Genuai Bidigo ena tonaluali.

Godigo Nogi Ugwaba Sabo Tęąbi Po Wabo Buku Dabe 18:36

Nago te eno sunumide tonalubaso, tama te boi bidi dabego ena pageabi eyu, te ena me tola sabeo. Tama eno sągą te me kikila pisąma, tama ena me tula mubeo.

Godigo Nogi Ugwaba Sabo Tęąbi Po Wabo Buku Dabe 33:12

Te hani dabe augwa God te Genuai Bidi bidibao, augwa te wiegi yai homu pemene iyąo. Te bage te aga da olama sa muani bage, te augwa wiegi yai homu pemene yao.

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.

Aisaia 37:6

tialima agai te po sela asali bidi dabeba te tiwai po wali, “Dage te kingba ma begasa pelama, te Genuai Bidigo po agaba pusugi pao. Genuai Bidigo te po wai, ‘Nage wi eyu, tama homu hauwa te wali dwai pode elamuo, te Asiria king bidigo olo sę ebo bidi dabego enade te po wali dao.

Te We Bidi Dabego Jerusalem Hagede Gela Wali 3:57

Tama nage ena pageba aselama, tama nago enabolo “Wi igio,” po wai dao.

Sekaraia 10:6

“Te eno Juda we bidi augwali te bomai we bidi pedalumainu ilama, tama eno te Israel we bidi dabe ma dobola somainu yaibao. Eno augwali hobede mu ebaso, tama eno te tigidali we bidi ma selama, te augwa page buluba ma odasa asaibao. Te eno augwali sela sąsiąwai we bidi bidibo tiwai elama, te augwali bugagia bidalueibao. Magi baso meni, ena God te augwaligo Genuai Bidi dao. Tama tiyu, eno augwaligo gedu haluasa po wabo odaibao.