Aisaia 40:5 - Godigo dwagi yai po buku

⁵ Tama genuai ula me te Genuai Bidigo bomo te pebeli diliba hanilama pedelaibao, tama tǫde we bidi tigidaligo sueibao. Te po te Genuai Bidigo pedauwalidu digi asai dao,” wali.

Aisaia 40:5 Referans Kwoze

Habakuk 2:14

Tama tigidali we bidigo me, tigidali tǫde nai sibigo me, te Genuai Bidigo genuai nogi dali bomo dali si konemainogo yalio. Te konebo kolesaga te tigidali tǫ pedai habu mu usu nigi paibao, te tamu ąį bo deyu, te dąį eboba usu nugulubo tiwai gilama mu yaibao.

Joel 2:28

Te Genuai Bidigo po ma weyu, te po wali, “Nosali te eno Mobo Bidi te tigidali we bidiba tagala palaibao,” wali. “Tama te dagego ogwa dabe me, wegigo me, te eno po te profet dabego po pusubo tiwai yaibao,” wali. “Te dage monu dabe bidi dabego te na eyu, te gesi ogwa bidi dabego me te na tiwai yaibao,” wali.

Aisaia 52:10

Genuai Bidigo agai bomo hania ola mayu, te tigidali tǫ kantrigo sumainu yaibao. Dago Godigo te aga we bidi dabe ma saibao, tama te tigidali tǫde we bidigo sueibao.

Dwagi Yai Gesi Po Lukgo Asęani 3:6

Tigidali we bidigo Godigo olo hobede elama, tau sabo kolesaga augwa gedugo sueibao,’” te Aisaiago te po polobadu asęai dao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Aisaia 60:1

Genuai Bidigo te po wali, “Jerusalem, nage hogodama, te giliga nanobo ula tiwai yao, magi baso meni, megi eno genuai ula me bomo, Genuai Bidigo ula te nage daide ugwadu yaibao.

Aisaia 11:9

Te Genuai Bidigo bulu du ugwadu te tigidali nai dabe augwa hasi bugagia deliba bidaibao. Te mego me dali dwai sę me egobeo. Magi baso meni. Te tigidali tǫde nai dabe sesego Genuai Bidi mu konea pela silaibao. Te kolesaga te tigidali tǫ mu usu nigi paibao, te tamu ąįgo aga dąįba usu nani tiwai yaibao.

Aisaia 58:14

Dagego te tobage yabo kolesaga dolo wali pobaso da, teda te Sabat side dagego Genuai Bidi, enade wiegi yai pemene umabo mu yaibao. Te eno dage te polobadu te duga bulai wąį nǫųba bomai po dąų weyu, te bidao wali bulu du pesagede bugagia bidaibao, te Jekop, te aga haniba dali mawai. Te dage nai hauwa elalu, te dage bugagia mu bidiyu, te magi nai deli me sǫą pogobeo.” Te po te Genuai Bidigo pedauwalide digi asai dao.

Aisaia 6:3

Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali.

Godigo Nogi Ugwaba Sabo Tęąbi Po Wabo Buku Dabe 72:19

Te agai wiegi yai nogi te sesemane sesemane sogo ugwaba sao. Te agai Genuai nogigo te tigidali tǫ badu usu nai dao. Te mu tama dao.

Kraisgo Geme Dualali Sę Pedelabo Po Jonbolo Ola Mani 21:23

Tama te hanude te giliga dali polua si te sę esiąyu te ula ilibeo. Menio. Te God aga digi te genuai ulago te ula mabo dao. Tama te Kibu Sipsip Wai te aga te hanugo ula mabo lam sole dao.

Godigo Sęba Tagala Palai Bidigo Po 2:17

‘Te Godigo te po wai, “Te e si sia sainu ebadi yaide, eno ena Mobo Bidi tigidali we bidibolo olo mu mawaibao. Tama menama, dagego ogwa dabe, wegi dabe augwaligo eno po pusa mawaibao. Tama eno duga gesi bidi dabebolo me me gasagi yai na dabe ola mawaibao, te monu dabe augwalibolo me.

Aisaia 66:23

Te genuai si tigidalide, te gesi poluade nanobo side, me tigidali Sabat side, te tigidali tǫ habu we bidi te asiyu, te ena geduba kidu sugunama, enaba lotu waibao, Genuai Bidi dao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

2 Korin 3:18

Tama da tigidali, da te nai me deligo da gesabidi me au palialubeo. Tama Genuai Bidigo wiegi yai bomo yai ula daba asiyu, tama da te gesabidi subo ąį dula tiwai pedalama te ula te bidi dabe augwaliba pobao, tama augwaligo subo dao. Sesemane sogo dago ula umabo mu sabo, tama da hasegeleyu tama Genuai Bidi aga noma tiwai pedalobo dao. Genuai Bidi aga te Mobo, tama agai te tiwai kolesaga da dali ebo dao, tama te bomo yai ula te genilama mu ela pabo dao.

Dwagi Yai Gesi Po Jongo Asęani 12:41

Aisaiago Jisasgo nosali sabo moni bomo suyu, agai moni nogi po odoyu yai dao. Tama tibaso Aisaiago agade te po asęani.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Sekaraia 2:13

Genuai Bidi aga bulu mu tagalama, tama aga daba asaibao. Tialima, da tigidali tǫ pedaide bidibo we bidi pedauwali pani selama tama tonaluinao.

Aisaia 1:20

Tiali goli, dagego hagela elama, eno po sela sąyani da, teda boi bidi dabego dage ela muagasaibao. Ena Genuai Bidi, eno po polo wali.”

Dwagi Yai Gesi Po Jongo Asęani 17:2

“Tama nago ena sa muyu, moni bomo mayu yai dao. Ena te tigidali tǫde we bidigo genuai bidi dao weyu, tama nago te bomo enabolo mawai dao. Magi basowe? Te bidada pabo bomo te we bidi nago enabolo mani we bidi augwali eno te bidada pabo bomo mawaibao, te homu eyu, nago enabolo te nogi yai sę mawai dao. Tama te bidada pabo bomo menama, tama augwali bidada peyu, bidada paibao, gamonaibao.

Maika 4:4

Tama tigidali bidi deli deli te augwa wain bono gi, me ni fik kaya gi pąde bugagia bidalu, te mena bidi me deligo augwali wi ilabo sę me iligobeo. Te Tigidali Bomo Elalubo Genuai Bidigo te po dąų waliyu, wai dao.

Jeremaia 9:12

Tialima, ena, Jeremaia, eno te po obao, “Magi baso te tǫ dolama, tama te olo masigi kemi pesage elalu, tama tede bidi me bidibewe? Mena wiegi yai homu kolesaga mu yai bidigo aga te sę yali page konegowe? Genuai Bidigo mena bidibolo te po pusulama, tama te bidigo te sę yali page te we bidiba pusugowe?”

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Aisaia 35:2

Te wa pai bulu tǫ tonobo te sawi wiegi yai mu yaibao. Te aga genuai i hai dali weyu, genuai pemene yaibao. Te wiegi yai sawi yai nai hauwa mu pedaliyu, te bulu tonobo wiegi yai sawi me tedali eyu, te Lebanon genuai busi tonobo tiwai eyu, te Saron bulu odogo tonobo tiwai yaibao. Te we bidi dabego bomonama tonoyu, te genuai nogi, me te dago Genuai Bidi Godigo wiegi yai au dali elalueibao.

Godigo Nogi Ugwaba Sabo Tęąbi Po Wabo Buku Dabe 102:16

Nosali, Godigo te Saion taun ma nigibo sogo, agai te aga bomo te we bidi dabeba ola mawaibao.

Godigo Nogi Ugwaba Sabo Tęąbi Po Wabo Buku Dabe 96:6

Genuai Bidi te genuai nogi elalu, te king bidibao. Te aga tedali wiegi yai tempel bede te tigidali doado bagego te agai bomo dąį ilama, tama aga gasa sawi yai au te elalubao.

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Jeremaia 32:27

“Ena digi ena Genuai Bidi, ena te tǫde we bidi hani tigidaligo God dao. Eno tigidali sę ebo usu dao.

Aisaia 66:16

Magi baso meni. Te Genuai Bidigo isigo te we bidi uluyu, te agai hwą ge bainatgo te we bidi hauwa mu ela mueibao, te augwa yali dwai sę wei ponoyu, tiaibao.

Ma Dobola Sali 16:7

Dagego wado po weyu, po hauwa aga dali wali, te agai odalio. Tama tibaso, kigamu te Genuai Bidigo digi aga bomo de ula dali si dagego sueibao. Da si te olo bidi naga dao. Tama magi pode dagego wado po da si dali obawe?”

Godigo Nogi Ugwaba Sabo Tęąbi Po Wabo Buku Dabe 97:6

Te ugwadu elalubo dagalugo te agai doloba pai kolesaga po pusuyu, tama tigidali hani we bidigo agai te boma pai ula subo dao.

Aisaia 34:16

Te Genuai Bidigo buku tomoba sulama, nago te nai dabe elalubo po nedao. Tigidali hasa me ba dabe te bukude po wali gilama, te bulu Idomba bidagasaibao. Te me deli augwali me bidigobeo. Magi baso meni, Genuai Bidigo digi augwali asao wali. Te aga Mobo Bidigo augwali sisinama, te augwali odasa asaibao wali.

Aisaia 40:4

Te tǫ odogo igulali pesage tigidali pągąniyu, te bulu du tigidali pebela aiyaba tulao. Te dolo si elalusiąwani pesage te dolo si elama, te du du yali pesage te malu tǫ naga pedelaibao.

Aisaia 41:20

Tama te we bidi dabego sulama, tama augwa te tiwai koneaibao, ena God, te Israelgo Genuai Bidi, ena te Wiegi Yai Doloba Pai Kolesaga Ebo God dao, ena digi eno te sę pedalumainu ebo dao,” te po wali.

Te Israel me Juda Hani Sigo Tuni Bidigo Po Elalubo Buku Deli 14:11

Tialima, nago deli hani me deli e taun tomode isibaso da, teda augwaligo tigi te yowigo tuaibao. Tama tialima, te me badu bidi dabe te taun bulu badu isai baso da, te bidi tigi te ba kemodage aselama tuabuo. Ena Genuai Bidi, eno po mu walio,’” te Ahiyago te po wai.

Godigo Nogi Ugwaba Sabo Tęąbi Po Wabo Buku Dabe 102:17

Tama agai te aga we bidi dabego gedu haluasa po odaibao, te polobadu agai augwali tagalama, te augwali odolali bidali. Te agai augwaligo gedu haluasa po wabo te tudiba ma mugobeo.

Aisaia 26:15

Genuai Bidi, nago dago hani genina mu ilalio. Awe, nago we bidi hani moni hani mu pedelalio. Tama dago bulu genuai mu pedalumainu eyu, nago dago tǫ dąį ibanu mu kidilalio. Tama te tialigo naga genuai nogi genuai mu pedalumainogo yalio. Awe, dago bulu genuai mu pedalomainu ilalio.

Aisaia 66:18

Genuai Bidigo te po wai, “Eno te we bidi dabe homu kolesaga sulama, tama eno konebao, te megi da, eno te tigidali we bidi dali sisinibo sogo dao, te mena po haniani wabo bage me sisinaibao. Te augwali sisinagasobo sogode, teda augwaligo te eno genuai ula me bomo sueibao.