Aisaia 40:4 - Godigo dwagi yai po buku

⁴ Te tǫ odogo igulali pesage tigidali pągąniyu, te bulu du tigidali pebela aiyaba tulao. Te dolo si elalusiąwani pesage te dolo si elama, te du du yali pesage te malu tǫ naga pedelaibao.

Aisaia 40:4 Referans Kwoze

Dwagi Yai Gesi Po Lukgo Asęani 3:5

Tigidali odogo dabe mu pągąnao. Tigidali bobiabi dabe du dabe kigila palao. Gagila bilai tų dabe me dolo ma dodolao.

Esekiel 21:26

Ena God Genuai Bidi, eno te po obao, nage te king munu me bidilamuo. Tialima, nago te kingo madi me, te tobolude bagulali ugwa nami me, peda muao. Megi da, eno te tigidali nai hasegelebo sę ebao. Te olo bidali bidi dabe te genuai bidi pedalu, te genuai bidi bidali bidi da, te olo bidali bidi tiwai pedelaibao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Aisaia 45:2

‘Te nage pabodu ena polasa peyu, te bulu du pesage dabe me alula tagalama, te doloba pai pesage nigilaibao. Eno augwaligo te brasgo nigai genuai hanu sunumi aluama, te boma pai ba aingo te dąų walali sunumi te me aluama, dala sąwaibao.

Esekiel 17:24

Tama te tǫde elalubo ni dabe tigidaligo te tiwai bugagia konemainu yaibao, ena Genuai Bidi, eno te bobobage ni gela mubo dao, me eno te dwasianu ni dabe bobobage pedalumainu ilibo dao. Eno te yabe elalubo ni dabe sasia palobo sę ilibo dao. Me te sasia pali ni dabe da, te augwali yabe ma holobo sę ilibo dao. Ena Genuai Bidi, eno te po walio, tama eno te wali po gilama te tigidali sę ela silaibao,” wali.

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Aisaia 42:11

Dage te bulu taun wa pai pesagede bidalubo we bidi dabe, me dage te Kedar hani we bidi dabe, dagego te i bomo elama weyu, te aga nogi ugwaba siyąo. Dage te taun Sela we bidi dabe, dage te bulu du dabe bageba holama, te wiegi yai homu pemene dali i waiyąo.

Bugagia Bidibo Kolesagade Po Asęai Buku 2:15

Te bidi dabego ebo kolesaga te dolo mu me ebeo.

Aisaia 40:3

Odao. Bidi me deligo te tiwai i wali, “Te Genuai Bidigo sunumi te wa pai bulu tǫ pesagede dodolao,” wali. “Te bulude dena Godigo genuai sunumi pebeli diliba ilao.

Aisaia 40:5

Tama genuai ula me te Genuai Bidigo bomo te pebeli diliba hanilama pedelaibao, tama tǫde we bidi tigidaligo sueibao. Te po te Genuai Bidigo pedauwalidu digi asai dao,” wali.

Aisaia 49:11

“Te eno nigali bulu du dabe te pepedama, dodolaibao, te eno ena genuai sunumi pedalumainu yaibao.

Sekaraia 4:7

Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.

Aisaia 62:10

Dage te megi Jerusalemde bidibo hani dabe, dage tigidaligo taun tagaliąo. Te taun tagalama, sunumi bogoba pelama, te sunumi bugagia dodolao, te duga we bidi dabe ma asobao. Te augwa sunumi bugagia sisilao, te sunumide elalubo masigi dabe sela sąyao. Tama te tigidali tǫ kantride bidibo hani we bidigo suabo plak me deli nide walao.