Aisaia 40:3 - Godigo dwagi yai po buku

³ Odao. Bidi me deligo te tiwai i wali, “Te Genuai Bidigo sunumi te wa pai bulu tǫ pesagede dodolao,” wali. “Te bulude dena Godigo genuai sunumi pebeli diliba ilao.

Aisaia 40:3 Referans Kwoze

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Dwagi Yai Gesi Po Jongo Asęani 1:23

Tama Jongo te po wai, “Te polobadu bidai bidi nogi Aisaia, Godigo po polo ola mani profet bidi, agai te tobage po wai, ‘Bidi me deligo bidi meni yai bulu tomode agai bomonama i weyu, te po obao, “Te Genuai Bidigo asabo tų dodolao.” ’ Te po wabo bidi ena dao,” Jongo te po wai.

Aisaia 57:14

Genuai Bidigo te tama po wali, “Te eno we bidi dabe enaba ma asomainu yaibao. Te augwa sunumi bugagia dodolama, te sunumi paliabo nai tigidali sela sąwaibao, tiyu te nai dabego augwali sągąde dolama, te augwali tula muidalio,” wali.

Aisaia 43:19

Dagego te gesi sę eno eboba tonono yao. Te megi pedaludubo sę te dagego sube da, agawe? Te wa pai pesage badu te eno sunumi nigilama, tama eno te ąį dabe tebadu pomainu ilaibao.

Aisaia 35:8

Tama genuai sunumi me deli te badu elalueibao. Te genuai sunumi nogi e tiwai waibao, “Godigo Tedali Gasagi Yai Genuai Sunumi Digi Dao,” wai. Te God gedude wiegi yai isąwani bidi dabe, augwali te sunumide me biligobeo. Mu menio. Te Godigo we bidi dabego sunumi naga elalueibao. Te homu kolesaga meni yai bidi dabe, te augwali te pąba me pogobeo.

Aisaia 49:11

“Te eno nigali bulu du dabe te pepedama, dodolaibao, te eno ena genuai sunumi pedalumainu yaibao.

Godigo Nogi Ugwaba Sabo Tęąbi Po Wabo Buku Dabe 68:4

Dago te Godigo nogi ugwaba sabo tęąbi po wao. Aga te pǫ dabede dugulasa, tama pabo dao. Agai sunumi dodolao. Aga nogi te Genuai Bidi dao. Dago aga gedude wiegi yai pemene yao.

Aisaia 40:4

Te tǫ odogo igulali pesage tigidali pągąniyu, te bulu du tigidali pebela aiyaba tulao. Te dolo si elalusiąwani pesage te dolo si elama, te du du yali pesage te malu tǫ naga pedelaibao.