Aisaia 40:22 - Godigo dwagi yai po buku

²² Te Genuai Bidi aga naga te dagalu daide te sia kingde dugulaluali, agai te tigidali nai nigai dao. Agai te dagalu te name ugwa tiwai dinigina palama, te aga sel ugwa be sęalubo tiwai elaluai. Te agai gedude, te tǫde we bidi te olo nai kuli mano tiwai dao.

Aisaia 40:22 Referans Kwoze

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Bugagia Bidibo Kolesagade Po Asęai Buku 8:27

Te ena Genuai Bidi dali bidibadi, te sogo agai te dagalu nigilama, te tamu ąį te dąįgo bagulali,

Aisaia 66:1

Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?

Jeremaia 10:12

Te God da, aga bomogo digi te tǫ nigai dao. Awe, aga wiegi yai koneani homu kolesagade agai te tǫ dodolama muai dao. Aga homu kolesagade agai te dagalu nigiyu elama, diniga palali.

Aisaia 40:17

Te tigidali tǫ pedai kantride bidibo we bidi augwali te Genuai Bidi gedude olo bage tiwai elalubao. Augwali te olo nai mu tiwai dao.

Godigo Nogi Ugwaba Sabo Tęąbi Po Wabo Buku Dabe 68:33

Agai te dagalude bilibao, tama te dagalu polobadu digi elaluai. Odao. Godigo te be kulukulu wabogo i bomonama mu wabo dao.

Jopgo Po Asęani Elalubo Buku 9:8

Agaduba deligo naga dagalu ugwade dinigina palai dao. Te tamu ąį holobo sogo da, te ąįba hologobe aga ugwadu bilibo dao.

Aisaia 51:13

Te dagego Genuai Bidi, enaba homu kone gegeda palali homu yali. Eno tama eno dage nigali. Eno te dagalu aga pesagede muani, te eno nigilama, eno te tǫ page dąų walali. Magi baso dage te elaluama, te dolainu ebo dwai bidi dabede wi ebawe? Te bidi dabego dageba magi sę me egobeo. Augwa haliga sębę te odolali silaibao.

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 40:15

Genuai Bidigo te haniani kantri tǫde we bidi suali, te olo nai gagawai tiwai ebao. Augwali te tǫ hogomu tiwai elama, te dwasianu ąį tedebo tudulalubo tiwai ąǫ ebao. Tama agai te tigidali bulu tǫ ailango sęgę usu selama, te tǫ hogomugo sęgę tiwai elalubo dao.

Godigo Nogi Ugwaba Sabo Tęąbi Po Wabo Buku Dabe 2:4

God Genuai Bidi te dagalude dulalu, aga gisugu mayu, tama agai augwaliba posobo po obao.

Israel Hanigo Namba 13:33

Tama dago moni bobobage moni bidi dabe mu bidibo suali. Augwali te Anakgo hani dao. Dago augwali sulama, dago homugo tiali da te olo nai te kuli mano tiwai dao homu yali. Tama me ma, augwaligo da suali, te kuli mano tiwai tonani,” augwaligo te tobage tibo po wali.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Godigo Nogi Ugwaba Sabo Tęąbi Po Wabo Buku Dabe 29:10

Genuai Bidi te king bidiyu, tama te tigidali genuai tamu ąį tonalubao. Aga te king sesemane sogo bidibao.

Jopgo Po Asęani Elalubo Buku 36:29

Da tigidaligo munu me konebe, te pǫ genuai mu elama, tama Godigo ugwa be nigibo konebo menio. Tama dago konebe, mena tama te pǫde kulukulu olama ebowe olama, konebo menio.

Aisaia 19:1

Genuai Bidigo te Isip bulu dolaibao wabo po mani. Te po e dao. Suao. Genuai Bidi te pǫde ugwadu dualaluyu, tama te bulu tǫ kantri Isipba polo sabolaibao. Tama te sogo pedalobo si da, te Isip dabego tibo god dabe noma genuai mu saibao, tama te Isip we bidi noma selama, tama augwali wi mu elama, tama augwaligo bomo mu sia saibao.

Jopgo Po Asęani Elalubo Buku 37:18

God agai dagalu nigilama, tama diniginai. Tama te dagalu te gesabidi subo nai dula te brasgo nigai tiwai dao. Mena tama tiali, nago agai te sę dabe ebo tau saibawe?

Tigidali Nai Gagalama Nigali Side 1:6

Nosali Godigo te po wai, “Te wę ugwaba sagolabo dąį me deli pedelama, te wę si badu elalumainao,” wali. Tama te nai pedelali.

Godigo Nogi Ugwaba Sabo Tęąbi Po Wabo Buku Dabe 18:11

Aga digi aga te hulia sigo haluali. Aga te tulubage umabo mu elalubo husugu yai pǫ tomoba duala sai.

Godigo Nogi Ugwaba Sabo Tęąbi Po Wabo Buku Dabe 19:4

Tiali goli, ulade me, hulide me, te nai dabego da tigidali tǫde we bidi te Godigo bomo dali, genuai nogi dali si ola mabo dao. Tama augwaligo po tigidali buluba pelama, usu mu ebo dao. Tama dagalude Godigo giligago ugwa be me deli sę yai tiwai elalubao.

Aisaia 37:16

“Genuai Bidi, Tigidali Bomo Elalubo Bidi, nage da Israelgo God, nage te ensel mobo bidi daide ugwadu bidiyu, te naga king sia saide dugulalubao. Tiali goli, nage naga God mu da, tama nago te tigidali bulu tǫ habu tonalubao. Nago naga nago te tǫ me dagalu nigai dao.

Jopgo Po Asęani Elalubo Buku 26:7

Godigo dagalu nigiyu, dįnįgįlai elalubo. Me ma, Godigo e tǫ olo walumainu nigilai dao. Te magi nai mego e tǫ aga bidibo pesagede bidimainu tolalubo menio.

Aisaia 42:4

Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”