Aisaia 40:2 - Godigo dwagi yai po buku

² Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”

Aisaia 40:2 Referans Kwoze

Sekaraia 9:12

Dagego koneani, te Genuai Bidigo dage tau saibao, tibaso dage te duga page buluba ma aselama, te dage bugagia bidaibao. Dage te sęgę genuai tolali, tiali goli eno te tiwai po obao, eno dage wiegi yai bugagia ilama, tama eno te ebo wiegi yai kolesagago te sęgę aiyaba mu elalueibao.

Aisaia 61:7

Polobadu te dage hale dwai mu elama, duga gesabidi seselaluali. Tiali goli, dage te duga tǫde digi bidaibao, te dagego nai hauwa mu siyu, te dagego polobadu elaluali nai mu edelaibao, te dage pemene umabo mu yaibao. Tama dagego te ebo homu pemene sesemane sogo elalua paibao.

Hosea 2:14

Genuai Bidigo te po begelama wabo pode te tiwai po wali, “Tialima, eno te wiegi yai po te we Israel dali olama, tama aga te masigi kemi pesageba ma kekasa paibao. Tama eno aga homu bega sabo po weyu, agabolo te tiwai po waibao, ‘Eno nage godolo mu ebao,’ waibao.

Kraisgo Geme Dualali Sę Pedelabo Po Jonbolo Ola Mani 18:6

Dagego te penani wego yali kolesaga tiwai koneyu, tama dagego te kolesaga ebo usu nama aga dali wei sao. Te agai dage dali yali dwai kolesaga dali gasa me dali ugwadu daganama agabolo ma mao. Te wego dagebolo dene dali sęgę si mani, te bidigo bomo yai ąį si te kap deli tomode taluama tama gasa bidibolo mabo tiwai yai. Tama te kapde po digi po begelama, tama dagego te bomo mu yai ąįgo te wego kap pągąnama tama aga tumainao. Tama tiyu, tama agai dagebolo mani dene dali sęgę dali agabolo ma mao.

Jeremaia 16:18

Tama tibaso, hasia bolo eno augwa ebo dwai kolesaga wei ponoyu, te gasa ugwadu daganama, wei ponaibao. Magi baso meni, augwali te kugumini yai tibo god piksa noma hauwa nigilama, te eno augwaliba mani tǫ tigidali badu pągąnobao. Te god dabego bidibo ula me elalubeo, te isai bidi dabego tigi tiwai elalubao. Tama te god dabego eno gedude te tǫ meda ilibo dao,” wali.

Aisaia 44:22

Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

Habakuk 2:3

Te sę dabe pedelabo sogo, te menu gana elalubao. Tama tibaso, nago te po asęnama, munalumainao. Tiali goli, te sesabi gana bidisiąbadi, te pąde sogo digi tama, te eno nagebolo ola mawainogo ebo sę da, te pedelaibao. Nago homugo te sę polo pedalugobe da homu yaibao, tiali goli nago dwasianu sogo tonaluama gana te sę pedelaibao, te mani bodolu te geda mugobeo.

Jeremaia 29:11

Ena Genuai Bidigo, eno te dageba tau sabo sę te homude konea pali. Eno dageba wiegi yai bugagia ilaibao. Eno dageba dwai sę ebo hagela homu ebao. Dagego te eno yabo sę homu koneama, tama dagego te sę pedelabo tonaluao.

Aisaia 35:4

Te tabi haliga homu kolesaga te bomo isąwai bidi dabebolo te tiwai po wao, “Dage te bomonama dolalu, te wi me elamuo,” wao. “Te dagego God ma asiyu, dage dobola ma selama, te boi bidi dabe dwai dene mu mawaibao,” wali.

Godigo Sęba Tagala Palai Bidigo Po 1:7

Tama Jisasgo augwalibolo te po wei ponai, “Menio. Te eno Aya deli naga konealubo, te sę ebo sogo me, te agai bodolu mabo. Agai homugo. Dagego nai menio, tama tibaso dagego Ayago bodolu mani sogo si dabe konegobeo.

Daniel 11:35

Te boi bidi dabego te polalubo bidi meba dolaibao,” wali, “tiali goli, augwaligo te sęgęgo te gasa polalubo bidi meba dąų waliyu, te doloba pai kolesaga emainu yali, tama te augwali God gedude magi meda isąwai mu pedelaibao. Te tobage kolesaga te me siligobeo. Te tama elalua pidubadi, te Godigo te tigidali nai sia sabo bodolu muani siba usu naibao,” wali.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

Aisaia 49:25

Tiali goli, Genuai Bidigo Jerusalemba te tiwai po wali, “Mu tama, te eno nago hani dali ma siyu, te nago wiegi yai doado bage te bomai boi bidi dabe me te dwai king dabego nogode ma dobola saibao. Eno te nageba hwįani bidi dabeba te hwįbo wei ponaibao, te eno nago wai dabe ma saibao.

Aisaia 33:24

Tama te sogo te Jerusalemde bidibo we bidi dabego e tama po munu ma wagobeo, “Ena gasi ebo.” Tama Genuai Bidigo te Jerusalemde bidibo we bidigo dwai sę yali sęgę sela sąwaibao.

Godigo Nogi Ugwaba Sabo Tęąbi Po Wabo Buku Dabe 32:1

Te Godigo bidi me deligo dwai sę yali sęgę tagaliyu, tama agai sęgę sela sąbo si da, teda te bidi aga wiegi yai homu pemene eyu, bugagia bidibao.

Sekaraia 1:15

Polobadu ena we bidi dali sębę dwasianu yai dao, tama gasa hani bidi dabebolo augwali dene magasao po wai dao. Tialima augwali aselama, tama augwaligo eno we bidi dwasianu gana me dolobeo. Menio. Augwaligo te magi edelama, tama augwali mu tama mu dolama tagalalio. Tama tede megi te kantri dabe augwali bugagia bidiyu augwali sęgę meni yai goli, eno augwali dali sębę dwai mu ebao.

Daniel 12:9

Tiali goli, agai po wei ponoyu, te tiwai po wali, “Daniel, nage pao. Magi baso meni, te buku te halualio, te ma dagabo te habu selali, magi baso meni, te po page te geme dualaludubadi, te dagalu me tǫ silibo sogoba usu naibao,” wali.

Daniel 12:4

Tialima, megi da, Daniel, nago te po dabe elalubo buku te haluao. Tama nago dąį tede muao, te bidi dabego te buku habu seliyu, tama tiao. Te buku te halualudubadi, te tigidali dagalude me tǫde nai silibo si te pąba usu naibao. Tama we bidi hauwago te po page koneainu, iba soyu, eda soyu eyu, sę dene mu yaibao. Tiali goli, te augwali usu me egobeo,” te bidigo te po wali.

Daniel 9:12

Nago te sę yaibao wali gilama tama te sę nago te dabolo me, dago tobolu bidi dabeba me yali. Nago te Jerusalemba te dwai sę mu elama, tama mu dolali. Te gasa taun me deli te Jerusalem taun dolali tiwai munu me ebeo.

Daniel 9:2

Te hasia kibu bede aga te king bidali, ena Daniel, eno te Godigo buku dabe nededuali. Tama eno te Genuai Bidigo te profet Jeremaiaba mani pode homu kone palali. Agai te po weyu, te Jerusalem dolama elalubadi, te kibu be bidi sese sela olama, te nogo si, te 70 yiaba usu naibao walio.

Jeremaia 17:18

Tama megi eno homugo nago te enaba dwai posobo po sę ebo bidi dabeba hale ilama, te augwa homu dolomainao. Tialima, nago ena homu dolobo sę me isąyu, te ena hale me iligio. Eno homugo nago te dwai sę ebo sogo augwaliba pedalumainogo ilao, te nago augwali dwagila augwali mu doloyu da yao, ena Jeremaiago te po wai.

Tuni Bidi Dabego Po Elalubo Buku Si 30:22

Te Livai dabe augwaligo te lotu wabode me Genuai Bidiba ofa ebode augwaligo wiegi yai sę mu yali. Tama tibaso Hesekiago augwalibolo wiegi yai homu ebo po wali. Te we bidi augwali lotu weyu te nai ulubo sę idubadi, te 7 sogo tama bidali. Tama augwaligo God dali homu deli ebo ofa yali. Tama augwaligo gedu haluasa po weyu Genuai Bidi augwa wąįgo Godibolo buba hwi po wali.

Tigidali Nai Gagalama Nigali Side 34:3

Tiali goli, Sekemgo te Jekopgo wegi Daina te wei mu ebaso, tama agai te aga homu wiegi yai ilibo po dua digi wai.

Aisaia 6:7

Agai te isi eno pedauwalide munama, agai te po wali, “Eno te isi nago pedauwalide muani dao. Tama nago dwai sęgę sia selama, tama megi Genuai Bidigo nago yali dwai sę sela sąwai dao,” wali.

Aisaia 14:3

Genuai Bidigo dage Israel dabego dene me dwai sogo silama, tama dage Israel dabe bugagia bidaibao. Te gasa bagego dage aiyaba elaluama, tama augwaligo dage tonaluai dao. Tama dage bomai sę mu yai dao. Tiali goli, te tigidali sęgę dabe sia saibao.

Aisaia 53:5

Te dago yali dwai sęgęde naga aga dolali. Te augwaligo aga dodagia mu elama, te aga tigi tologola pali, agai te tolali sęgęde aga da usu ma ilama pedelali, te da bugagia mu bidibo dao.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Aisaia 54:15

Te hani mebago nage dali hwįai olama, asobaso da, te nago te tiwai koneao, te augwali eno tagala palobaso me asobeo. Menio. Te augwa homugo digi asali. Tama augwali te eno nago nogoba mueibao,” wali.

Aisaia 54:17

Tiali goli, te hwįbo nai dabe me deligo nage me dologobeo. Te nage bomonama dolalu, te bidi dabego nageba haniani po kisilama wabo po te wei ponoyu, aiyaba elalueibao. Eno te kolesagade ena sę bidi dabe tigidali bugagia tonalu, te augwali doloba pai we bidi pedelaibao. Ena Genuai Bidi, eno te po wai dao.”

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Aisaia 66:13

Te eno dage bugagia mu tonalu, te idago aga wai bǫų bugagia tonalubo tiwai eyu, te aga waigo haliga dua nagame ilibo po wabo tiwai yaibao. Dage te Jerusalemde bidiyu, te duga haliga nagame elama bidaibao.

Jeremaia 51:10

Genuai Bidigo te Babilon dolobaso, tama te kolesagade agai te da dali yali kolesaga te doloba pai kolesaga naga dao, te hania ola mani. Tegobao, da te Saionba pelama, te dena Genuai Bidi, Godigo yali sę tigidali hanilaibao,” augwaligo te po waibao.

Te We Bidi Dabego Jerusalem Hagede Gela Wali 4:22

Saion, nago sęgę saibaso, Genuai Bidigo nago sęgę wei ponani dao. Tialima, agai nago kalabus yali silaibao. Te nago we bidi kalabus yali pįsigina sąwaibao. Tiali goli, Idom, Genuai Bidigo nago yali dwai sęde sali sęgę haninaibao, tama agai nage me dene mawaibao, te sęgę wei ponoyu.

Esekiel 16:42

Tialima, te tama tebo kolesagade te eno wado genuai ebo po me eno haliga sębę ebo silaibao. Te ena dua digi bidaibao. Te eno nageba wado po me haliga dwai munu ma egobeo, te po wai dao.

Sekaraia 1:13

Tama Genuai Bidigo wiegi yai po te ensel bidigo homu nagame elama dua bidabo po wei ponani.

Godigo Nogi Ugwaba Sabo Tęąbi Po Wabo Buku Dabe 85:3

Polobadu nago daba wado yali, tiali goli, megi nago wado po ma wabeo. Mu tama, nago daba haliga sębę yali, tiali goli megi da, menio wali.

Kolesaga Koneai Bidigo Pusali Po Elalubo Buku 3:4

Agai te gela wabo sogo muyu, te gisugu wabo sogo bodolu muyu yali. Agai te hobede yabo sogo muyu, te tęąbi po wabo sogo muyu yalio.

Aisaia 27:9

Tiali goli, tebogo agai te Israel dabe augwa digi yali te sęgę mu tama sia sąwainu da. Teda augwaligo te tibo godigo alta dabe sese toga sąyao. Tama te alta masigi dabe te olo hogomu gagalao. Tama me, augwaligo te tibo god we Asera piksa elalubo ni pos gelama tagaliyu, me augwali te dwagi yai hano denami ebo pauda ulubo alta doliyu emainao.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Hosea 2:16

Tama agai enaba te tama po waibao, ‘Nage eno bidi da,’ waibao. Tama agai homugo ena te tibo god Bal da, te homu munu me ma isąyu, tama enabolo te tobage po weyu, ‘Nage Bal, nage eno genuai bidi da,’ te homu me egobeo.

Sefanaia 3:15

Magi baso meni. Genuai Bidigo te po wai dao, agai dage dene mawaibao po wai dao, tiali goli megi da, dagego dene sabo usu eyu silama, agai te po tagalali dao. Agai dagego boi bidi dabe sese sela sąwani dao. Genuai Bidi da, aga Israel dabego king dao, tama aga dage dali bidibao. Tialima, dage nai me delide munu ma wi igimio.