Aisaia 40:18 - Godigo dwagi yai po buku

¹⁸ Tama tialima, God te de mu tiwai dawe? Te elalubo nai me deli te God tonobo tiwai ebo da, agawe?

Aisaia 40:18 Referans Kwoze

Aisaia 46:5

“De mu ena tiwai dawe? Te dagego eno kolesaga te de dali mu dagalaibawe? Te eno kolesaga tiwai gagawai ebo bidi deli bidiba, agawe?

1 Samuel 2:2

Genuai Bidi, nago kolesaga te gasagi yai tedali mu ebo, tama nage wiegi yai gagawai, tama nage tiwai bidi tobage bidi me deli me elalubeo. Mu menio. Nago tigidali mu aiyaba elaluai. God, nage deligo te da tudi badu pogalu, tama da tau sobao. Te niwai bidi me deligo te nago ebo tiwai gilama me egobeo, te dago God nage naga dao,” wali.

Ma Dobola Sali 15:11

“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.

Godigo Sęba Tagala Palai Bidigo Po 17:29

Tama da bidibo Godigo wai dabe bidibao. Tama tibaso, dago te homu egio, te God masigi tiwai dao, te bunuwaligo nigai piksa tiwai God da, olamuo. Dago te homu ilamuo, ‘God da dago nogogo nigai dao,’ te homu egio.

Aisaia 40:25

“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”

Jeremaia 10:6

Genuai Bidi, te nage tiwai gasa me menio. Nago genuai bomo, me genuai nogi elalubao. Te nago naga bomo waseliyu, te tobage sę dabe ebo dao.

Godigo Nogi Ugwaba Sabo Tęąbi Po Wabo Buku Dabe 89:6

Genuai Bidi, te dagalude nage tiwai tobage me deli me elalubeo. Te ensel me te nage tobage tiwai deli me menio.

Jopgo Po Asęani Elalubo Buku 40:9

Te nago bomo genuai mu eno bomo tiwai tama dawe? Eno i wabo da, te be kulu wabo tiwai tama wabo dao. Nago me eno te ebo tiwai yaibawe?” wali.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Godigo Nogi Ugwaba Sabo Tęąbi Po Wabo Buku Dabe 89:8

Genuai Bidi, nage te Tigidali Bomo Elalubo God dao, te me deligo nago te genuai bomo tiwai me elalubeo. Nago naga po sesemane sogo wali peyu yaibao. Nago po me hasegelama eyu, me egobeo.

Ma Dobola Sali 9:14

Tama nago te we bidi tagala palisiąbaso da, megi eno nagebolo dali, te nago sę ebo tobolu bidi dabe me, te nago we bidi dali, dageba te dene ilibo sę dabe mu mawaibao. Tama dagego te tigidali tǫ habu badu te bidi me deli, me te tibo god te ena tiwai me bidibo meni, te megi dagego mu bugagia konea saibao. Ena te God mu dao.

Ma Dobola Sali 8:10

Tama tuni bidigo te po wai, “Gedu haluasa po do wagameo.” Tama Mosesgo te po wali, “Te eno nago po wabo gilama tama tiaibao, tama nago koneyu, te God tiwai Genuai Bidi Yawe me deli meni yai, te aga dago God dao.

Bomai Po 33:26

Tama Mosesgo te po wali, “Israel dabe, dago God tiwai gasa god me menio. Agai genuai bomo elaluyu, tama genuai ula tomode bidiyu, tama te dagalu pǫ daidu ugwadu asali, te da tau sainogo.

Ma Dobola Sali 20:4

“Nago tibo god me nigigio, tama nago te dagalude me, te tǫde me, ma te wę tomode elalubo naigo me, te tǫ dologode elalubo naigo te gasa nai piksa noma me deli munu me nigilamo dao.

Aisaia 46:9

Tama dagego eno te polobadu mu yali sę homu kone palao, magi baso meni, enaduba deli naga ena te God, te gasa god me bidibeo. Ena naga ena God, te ena tiwai god me bidibeo.

Godigo Nogi Ugwaba Sabo Tęąbi Po Wabo Buku Dabe 113:5

Dago God Genuai Bidi tiwai bidi me deli elalubeo. Aga te ugwadu mu bidibao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Kolosi 1:15

God aga te dago susiąbo bidi goli, Krais te God tiwai mu bidiyu tama bidigo gedugo suali bidi bidai. Aga Godigo hasia ogwa dao, te tigidali nigali naigo nogi agai nogigo aiyaba elalubo dao.

Jeremaia 10:16

Tialima, Jekopgo God te tama me tegobeo. Aga te tedali gasagi yai mu dao. Agaduba deligo naga te tigidali nai nigali. Tama agai te Israel dabe dąį elama, sa muani, te aga hani tiwai da wali. Aga nogi te e dao, Tigidali Bomo Elalubo Genuai Bidi dao.

Bomai Po 4:15

Te Mosesgo po geninama weyu, te po wali, “Te Sainai bulu dude te Genuai Bidi te isi dabo tiwai ebo tomoba bidagaselama, te dage dali po miani sogo, dagego te God e tiwai nai me deli da olama dąį ilibo dagego me subeo. Tama tialima, dage bugagia dolasa bidiąo,

Godigo Nogi Ugwaba Sabo Tęąbi Po Wabo Buku Dabe 89:7

Te ensel dabe augwa polalubo dabe te po miting ebo sogo augwali te nagede wi ebo dao. Tama te nage bagualubo gasa ensel tigidali, augwali te nagede wi mu ebo dao.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Jeremaia 10:1

Dage Israel, te Genuai Bidigo poba olo bugagia muao.