Aisaia 40:13 - Godigo dwagi yai po buku

¹³ Dego te Genuai Bidiba te nai dabe nigibo kolesaga ola mawaibawe? Te agaba homu kolesaga ola maiabo usu elalubo homu ebo bidi me deli bidiba, agawe?

Aisaia 40:13 Referans Kwoze

1 Korin 2:16

Awe, te Godigo po bukude po me elalubo e tiwai wabo, “Dego te Genuai Bidigo homu konebaso, te agai Genuai Bidi mobo mabo usu egowe? Bidi meni,” te asęani po tama wabo. Tiali goli te Kraisgo homu kolesaga dago elalubo dao.

Polgo Po Pas Rom Dabeba Asęani 11:34

Te agai po bukude te tiwai po me asęani, “Dego te Genuai Bidigo homu kolesaga koneai dawe? Dego te mobo mabo po agabolo mabo usu egowe?

Jopgo Po Asęani Elalubo Buku 21:22

“Te ensel sibigo da edelalio. Tiali goli, Godigo augwaligo kolesaga osola subo dao. Tama tibaso, dego God ola mabo usu yaiba, te mena kolesaga dwagi yai dabe emainu. Bidi meni.

Dwagi Yai Gesi Po Lukgo Asęani 10:22

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deli agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Efesus 1:11

Ao, te God agaduba agai te nosali pedalabo sęde homu bugagia konea pelama, tama agai homugo magi sę yainogo ebo sę, te sę tigidali mu pedalobo dao. Tama agai te homu kolesaga wali peyu, tama polobadu agai da Juda dabe sa muai. Tama aga homugo da Juda dabe da aga hani we bidi mu bidimainogo agai da Krais dali wadolali. God agai te sęde hasia mu konea pelama, tama tiwai dao.

Dwagi Yai Gesi Po Jongo Asęani 1:13

Tama augwali Godigo wai puluba gagawainogo, augwali augwa ida ayago kanemego ame nabeo. Te augwali Godigo wai te augwa tigigo homugo me ame nabe. Bidigo homugo menio. God aga digi augwali aga wai puluba pedalali dao.

Tigidali Nai Gagalama Nigali Side 1:2

Te olo elaluyu, te gasagi yai tedali elaluali. Tama te megi te tǫde bidibo nai dabe augwali te sogo meni yai yai. Tama te be hulia saligo te genuai wę halua sai elalubadi, tama Godigo Mobo Bidi te daidu iba peyu, eda asu yai.

Aisaia 41:28

“Eno te tibo god dabe gegali sogo, te eno suali, augwaligo te po deli me wasiąwai. Augwaligo homude te wiegi yai homu kolesaga elalubo po pusabo homu meni yai. Te me deligo eno hanalubo po wei me ponabo usugobeo.

Jeremaia 23:18

Tama Jeremaiago te tiwai po wali, “Te profet dabe me deli te Genuai Bidigo po sisinama mibo pesagede bidama, te po me sagasobeo. Te augwali me deligo te Genuai Bidigo poba bugagia olo me mubeo.