Aisaia 40:1 - Godigo dwagi yai po buku

¹ Duga Godigo te po odubao, “Eno we bidigo haliga dąų walama, te augwa haliga dua nagame ilibo po pusao.

Aisaia 40:1 Referans Kwoze

2 Korin 1:4

Te tigidali dene mabo sęgę daba pedalobo agai te dago homu nagame ilibo dao. Magi basowe? Agai da homu nagame ilibo kolesagago naga dago te haniani sęgę elalubo bidi dabe augwali homu nagame ilimainogo eyu, te Godigo da homu nagame bugagia ilibo dao.

Aisaia 51:12

Genuai Bidigo aga we bidiba te tiwai po wali, “Ena digi eno dagego haliga dąų walama, te dagego tigidali sęgę sia somainu ilibo dao. Tama magi baso dage te gasa bidi dabede wi ebo dawe? Augwa bomo me elalubeo. Tigidali bidi isama, te nosai polo sia sabo tiwai gilama ebo dao.

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

1 Tesalonaika 4:18

Te sę pedalama, tama da tigidali te tiwai bidaibao. Tama tibaso, dage tomode we bidi meba augwali isibaso, dagego te pogo duga hasi tau siyu, duga homu dąų walao.

Sekaraia 1:13

Tama Genuai Bidigo wiegi yai po te ensel bidigo homu nagame elama dua bidabo po wei ponani.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Aisaia 60:1

Genuai Bidigo te po wali, “Jerusalem, nage hogodama, te giliga nanobo ula tiwai yao, magi baso meni, megi eno genuai ula me bomo, Genuai Bidigo ula te nage daide ugwadu yaibao.

Aisaia 12:1

Tama te sogo dage Israel dabego te balia po waibao. “Genuai Bidi, eno nago nogi ugwabo sobao. Nago ena dali sębę yali, tiali goli nago sębę silalio, tama nago ena wiegi yai sę ilalio. Tama megi da, eno homu bugagia bidibao.

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Aisaia 41:27

Ena, Genuai Bidigo naga eno te bulu du Saionba weyu, te nai pedelaibao wai. Tama megi da, suiąo, te nai dabe pedelalio. Te megi me, eno te bidi me deli tagala palama, te Jerusalemba wiegi yai po sela pomainu yai dao.”

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Aisaia 3:10

Te dwagi yai doloba pai kolesaga ebo we bidibolo te dwagi yai homu yao po walao. Magi baso meni, augwali dwagi yai pe saibao, augwa yali dwagi yai sęde.

Godigo Nogi Ugwaba Sabo Tęąbi Po Wabo Buku Dabe 85:8

Eno te Genuai Bidi Godigo pusubo poba olo muani. Agai te wiegi yai nagame yai homu, me te da bugagia bidabo po wali, te dago polobadu yali dwai kolesagaba da ma begasa pisąbaso da te tama tiaibao wali.

Nehemia 8:10

“Tagaliąo, dage te duga beba pelama, te genuai nai daa tugi piąo. Tama dagego te meba nai me, wain me, te nai sǫą pali we bidi dabe maiąo. Megi te Genuai Bidigo side digi da, tama tiyu dagego haliga sęgę me igimio. Menio. Dagego wiegi yai homu pemene te Genuai Bidiba elama, tama agai dage bomo mawaibao,” wali.

Aisaia 61:2

Agai ena tagala palu, te tama po pusao wali, te dago Genuai Bidi, Godigo sę yabo sogo pedelalio, te aga we bidiba wiegi yai sę bugagia ilama, te boi bidi dabeba dwai dene mawaibao, wai. Te agai ena tagala palali, te homu dene eyu, gela wabo we bidi dabego haliga dąų walomainu tagala palai dao.

Esekiel 16:42

Tialima, te tama tebo kolesagade te eno wado genuai ebo po me eno haliga sębę ebo silaibao. Te ena dua digi bidaibao. Te eno nageba wado po me haliga dwai munu ma egobeo, te po wai dao.

Godigo Nogi Ugwaba Sabo Tęąbi Po Wabo Buku Dabe 85:3

Polobadu nago daba wado yali, tiali goli, megi nago wado po ma wabeo. Mu tama, nago daba haliga sębę yali, tiali goli megi da, menio wali.

Kolesaga Koneai Bidigo Pusali Po Elalubo Buku 3:4

Agai te gela wabo sogo muyu, te gisugu wabo sogo bodolu muyu yali. Agai te hobede yabo sogo muyu, te tęąbi po wabo sogo muyu yalio.

Sekaraia 1:17

Tama ensel bidigo enabolo gasa me po me e tama pusao po walali, “Tigidali Bomo Elalubo Genuai Bidigo te po wali, te tigidali nai dabe agai taunde pągąna yaibao po wali, tama te we bidi wiagila mu bidimainu yaibao po wali. Tama agai Jerusalem aga taun mu tiwai ma magi ilaibao po wali. Tama agai te Jerusalem we bidi homu tegaluama bugagia bidimainu ilaibao,” wali.