Aisaia 39:6 - Godigo dwagi yai po buku

⁶ Genuai Bidigo te po wali, te nosali sogo me sogo deli pedalubo si da, te Babilon dabe aselama, te kingo bede munalubo nai doado bage, te naga bulai wąį dabego te bakstuaba sisinama muani nai saibao. Te nai me deli te augwaligo me sula tagalogobeo. Mu menio. Augwaligo te tigidali nai doado bage Babilonba selasa paibao.

Aisaia 39:6 Referans Kwoze

Te Israel me Juda Hani Sigo Tuni Bidigo Po Elalubo Buku Si 24:13

Tama te king Nebukatnesar aga te Genuai Bidigo tempel be tomoba pelama, tama agai te tigidali gol te king Solomongo nigali naide muani gol dabe tigidali sali. Tama me te gasa dwagi yai doado bage te Genuai Bidigo tempel bede muani me, me te kingo bede muani doado bage me, tama tigidali te agai te Babilon buluba selasa pali. Agai te tama tiali sę te Genuai Bidigo polobadu wali poba usu nigi peyu, tama sę yali.

Jeremaia 20:5

Tama eno te boi bidi dabego te taunde tigidali mone somainogo ilaibao, te we bidi dabego wiegi wiegi yai tigidali doado bage, me te Juda king dabego mone doado bage saibao. Te boi bidi dabego hwįbo bomo elama, te tigidali nai gigilama, te Babilonba selasa paibao.

Daniel 1:2

Godigo te Nebukatnesargo te Jehoiakim me te Juda we bidi hauwa somainu elama, tama te Godigo bede muani wiegi yai nai, te kap, me plet pou dabe meba salio. Tama agai te aga tibo godigo beba digibulu sela pali, te be te tǫ pedai Sinarde elaluali, te Babilon hanude digi dao.

Tuni Bidi Dabego Po Elalubo Buku Si 36:18

Tama te Babilon kingo te haniani genuai me dwasianu dis dabe, me Genuai Bidigo tempel bede plet dabe, me Genuai Bidigo bede wiegi wiegi yai nai dabe siyu, me Juda dabego kingo doado bage, me aga ofisa bidi dabego doado bage siyu yali, te king aga ofisa dabego nai dabe sali, tama agai sese tama Babilonba selasa pali.

Tuni Bidi Dabego Po Elalubo Buku Si 36:10

Te kibu bede te kedau sogo silainu ebadi, king Nebukatnesargo te ami bidi dabe tagala palama, Jehoiakin kalabus igi pelama, tama Babilonba odasa pali. Tama me te ami dabe augwaligo te Genuai Bidigo tempel bede munaluai te dis dabe me plet dabe te Babilonba sela pali. Tama Nebukatnesargo te Sedekaia, te Jehoiakin aga ama, te Juda dabego king Jerusalemde bidimainu magi ilali.

Esekiel 23:26

Te bidi dabe augwaligo nago ugwa pepeda sąnama, te nago wiegi yai beli me nogode muani ring dabe saibao.

Daniel 1:3

Tama king Nebukatnesargo te Aspenasbolo walali, te aga bede sę ebo bidi dabego polalubo ofisa bidi dao, te Juda tomode te gesi ogwa bidi meba somainu yabo po wali. Agai te king Jehoiakimgo hani sibi, me te polalubo genuai bidi dabego hani sibi, te tomode gesi ogwa bidi dabe sao po wai dao.