Aisaia 39:3 - Godigo dwagi yai po buku

³ Te Babilon bulu bidi dabe ma pela silai madi te sogo, teda te profet Aisaia aselama, te king Hesekia suagasali, te agaba te tiwai po hanalu wali, “Te aselawali bidi dabe, augwali te mena bulu bidi dawe? Te augwaligo mena po nageba waliwe?” Tama Hesekiago agaba te tiwai po wei ponani, “Augwaligo ena suagasu asali, augwali te digibulu buludu mu asalio, te bulu tǫ kantri buludu mu asalio, te bulu tǫ kantri Babilon dao.”

Aisaia 39:3 Referans Kwoze

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Jeremaia 5:15

Ena Genuai Bidi, eno dage Israel we bidiba te tama po obao, eno te digibulu bidi hani bage selama, odasa aselama, te dage dali boi hwįmainu yaibao. Augwali te bomai hani bidi te augwa tǫ kantride polobadu mu bidali. Dagego te augwaligo wabo po page me konegobeo, magi baso meni, dagego augwaligo po konebe dao.

Tuni Bidi Dabego Po Elalubo Buku Si 16:7

Tama te sogo profet Hanani pelama, te king Asa sugi pelama, agabolo e tama po walali, “Nago homugo Siria king bidigo nage tau sabo bomo genuai elalubao homu elama, tama nago dago Genuai Bidi dena Godiba homu dąų wabeo, tama agabolo nage tau sao olama hanalubeo. Tama tialima, nago naga boi bidi dabe aiyaba me elalubeo, me te Siria ami bidi dabe me nago aiyaba me elalugobeo.

2 Samuel 12:1

Te Genuai Bidigo te profet Natan Devitba tagala palama, tama Natango te tiwai po Devitbolo wai, “Te bidi me si te taun hanu me delide bidali. Me deligo te mone me doado bage hauwa elaluyu, tama gasa me bidi te magi nai meniama, tama dwasianu doado bage naga elaluai.

Aisaia 38:5

“Nago Hesekiabolo te tiwai po wagi pao, ena Genuai Bidi, te aga bulai wai Devitgo God, eno agai gedu haluasa po wali odolama, te aga gela genuagia wabo sualio. Tama tialima, eno aga te kibu be nogo si olama, sągągo a naga bidimainu yaibao wai dao.

Aisaia 38:1

Te Asiria dabego te Juda dabeba dwai sę idu doludali sogo, king Hesekia te genuai gasi selama, te aga pąde isainogo yai. Tialima, profet Aisaia, te Amosgo ogwago, aga sugi pelama, agaba te tiwai po wali, “Genuai Bidigo te po wali, nago gasi te me siligobeo, nage te isaibao wali. Tama nago te naga bede bidibo bidi dabebolo po olama, te nago sę tigidali dodolao po wao,” te po wai.

Tuni Bidi Dabego Po Elalubo Buku Si 25:15

Genuai Bidigo king Amasiago ebo kolesaga sulama, agai aga dali sębę mu yali. Tama tialima Genuai Bidigo profet me deli tagala palama, te Amasiabolo te po waligi pali, “Magi baso naga gasa hanigo tibo godiba lotu po obawe? Te god dabego augwa we bidi tau selama, nago nogode dobola sabo suai menio, nago polo koneani. Tama tialima, nago magi baso augwaliba lotu obawe?” wali.

Josua 9:9

Tialima, augwaligo agabolo te tiwai po wai, “Da te digibulu bulu me delidu asali, magi baso meni, dago te dagego Genuai Bidi Godigo genuai nogi elalubo po odalio. Dago te tigidali sę agai te Isip tǫde yali odai dao.

Josua 9:6

Tama nosali augwali te Josua bidibo pesage te Gilgal teba sabolama, tama augwaligo agabolo me te Israel bidi dabebolo te tiwai po wai, “Da te digibulu asalio. Te dago dage dali bomai po dąų walama, te da bugagia bidiyu, te me hwįgobeo, menio,” wali.

Tuni Bidi Dabego Po Elalubo Buku Si 19:2

Tama asidubadi te sogo profet Jehu te Hananigo ogwago te Jehosafat tiąba pelama, e tama po walali. “Nago homugo te dwai bidi dabe tau siyu, tama Genuai Bidi godolo isąma ebo bidi dali kisabo, te usu da, agawe? Nago te tama kolesaga yaligo da, Genuai Bidigo nage dali sębę homu yalio.

Aisaia 39:4

Tama Aisaiago te po wai, “Augwaligo te mena mena nai mu te nago genuai wiegi yai be tomode sualiwe?” Tama Hesekiago agaba po wei ponoyu, te tiwai po wali, “Eno te tigidali nai doado bage mu augwaliba ola mawai, te eno magi nai deli augwalide geme me dualubeo,” wali.

Jeremaia 4:16

Genuai Bidigo te bidi dabeba te tiwai po wali, ‘Dagego te gasa tǫ kantri bulu bidi dabeba wayąo, te boi bidi dabe te tǫ kantri Judaba pedelali,’ po wao. Te Jerusalemba tama tiwai po me walao, ‘Te boi bidi dabego bulu digibulu taga solama, te Juda dabego taunba hwįagasainu asali,’ wao. ‘Augwaligo te taun bagua sagaselama, te i hai bomonama weyu, te we bidi dabeba po dągą genuagia mu waibao,’ wali.

Jeremaia 8:19

Hobede dao, te eno hani dabe tigidali tǫ kantride bidalu, te augwa gela weyu, te tama i obao, “Te Genuai Bidi te taun Saionde king munu ma bidigobe homu yaiba, agawe? Magi baso agai da tau sabewe?” Tialima, Genuai Bidigo po wei ponoyu, te tiwai po wali, “Magi baso eno we bidi dagego te gasa tǫ kantri dabego tibo dwai godigo piksa nigilama, te augwaliba lotu waliwe? Duga te tama tebo kolesagago te ena dwai haliga sębę ilali.”