Biblia Todo Logo
Bib sou entènèt

- Piblisite -




Aisaia 38:12 - Godigo dwagi yai po buku

12 Ena te isai bidi tiwai yalio. Eno bidibo ula te sel ugwa be bidigo aluama, dolasa pali tiwai yalio. Te eno bidibo ula te bidigo tigi ugwa dinigilibo sę tiwai yalio. Eno homugo te bobobage igi paibao homu yali, tiali goli polo tama augwaligo togolama, te masinde ugwa hobolainu ebo tiwai yali. God, polo tama nago eno bidibo ula silimainu yalio.

Gade chapit la Kopi




Aisaia 38:12
20 Referans Kwoze  

Te nago augwali pedeyu, te bidigo badia pai ugwa pedebo tiwai yaibao. Te nago augwali hasegeleyu, te bidigo ugwa hasegelebo tiwai yaibao. Tiali goli, nage da, tama naga bidibo dao. Nage me hasegelegobeo. Tama nage bidibo sogo te munu me siligobeo.”


Dago te daba pedalobo haniani sęgę tede moni homu me ebo menio. Magi baso meni. Dago te tiwai koneanio: te da e tǫde megi elalubo tigi da, te dena osogo bidabo be tiwai dao, te nami ugwa be tiwai dao. Tama te osogo bidabo be hųgibaso da, teda Godigo da maiabo be me deli elalubao. Te be bidigo nogogo me sę ebeo. Te dagalude elalubo, tama te be sesemane sogo elalua peyu, elalua paibao, te be gamonaibao.


Magi baso meni, te giligade me hulide God, nago dene enaba mani, tama tigidali kigamude nago te dene enabolo mawai.


Dagebolo magi nai te do pedalabo te dagego konebeo. Tama dagego bidibo ula te mena tiwai dawe? Te dagego bidibo ula e tiwai elalubao te kigamu pǫ holama, tama te giliga asobode te po polo hagabo tiwai, te da bidigo bidibo ula te tiwai osogo naga ebo dao.


Awe, da e osogo bidabo ugwa bede me bidaludu, tama da sęgę siyu gela weyu bidibao. Te dago poloba tigi tagalainogo homu eyu me wabeo. Menio. Dago homugo dago gesi tigi mubode, te gesi ugwa tiwai elama, teda te isibo tigi te aga bidibo ula somainogo ebo dao.


Te bulude bidi munu me ma bidigobeo. Tama me ma, te Arap dabe augwaligo sel be teba sę yagasogobeo. Tama te sipsip kibu tonalubo bidi dabego te sipsip kibu teba nosai tumainu teba me tonaluagasogobeo.


Hobedagia! Jerusalem deli naga augwaligo tagalali. Agaduba deli naga elaluyu, tama bomo mu meni. Aga te bidi dabego olo gi be sę yai ąǫ elalubao, te bobi gide sę yani dwasianu be tiwai naga elalubao. Aga te boi bidi dabe bagua sai hanu ąǫ elalubao.


Tobolu bidi augwaligo po miyu, ena elabo tų gegebo dao. Tiali digi, ena nago sę bidi, te eno homugo sesemane sogo nago dwagi yai bomo yai po koneaibao.


Eno bidibo ula te pęwadage sogo naga bidibao, te giliga pio dega sabo tiwai yali. Ena te nosa wa pai tiwai yai dao.


Genuai Bidi, polobadu ena wi mu elama, tama eno homugo te nago ena sela sąyu, tama ena nage pąde ma bidigobe homu yalio. Tiali goli, nago eno gela wabo odoyu, tama nago ena tau sali, te eno nageba i olama, enade homu dene eyu, tau sao po wali sogo te tama tiai dao.


“Ena mu dolama, eno hoboludu ogwa wai bomo meni yai pedelama, tama ena isabo sogo maga mu yagasalio. Tama gų pagego ena teba asobo tonalubao.


Da te plauwa tiwai kigamu pedalama, pio ma sasia pabo tiwai dao. Tama me e tiwai dao. Giliga noma pedalobo tiwai, tama pǫgo giliga polo halua sabo tiwai dao.


Eno godolo ebo da, God agai ena sągągo agalama, tama elama, isilimai homu eba.


Bidi me deli kigamu bugagia bidiyu, tama pio aga isilama, tama me badu we bidigo aga mu gegeda palaiba, agawe?


Nago te bidi dabe sela sąbo, te wę asiyu, bidi selama, tama augwali isibo tiwai yaibao. Augwali te pęwadage sogo bidiyu, te naa tiwai naga ebao. Augwali te gesi nosa te kigamu pedalubo tiwai elama,


Swiv nou:

Piblisite


Piblisite