Aisaia 38:10 - Godigo dwagi yai po buku

¹⁰ “Eno homugo tama tiali, hobede ya, te megi tebogo ena gesi bidi tigi elalubadi, te ena isiyu, te tǫ taga paibao homu yai. Tama ena te isali bidigo bulu pesageba bidigi paibao.

Aisaia 38:10 Referans Kwoze

2 Korin 1:9

Mu po da wali, te da homu sęgę ebo te po tų ebo bidi jasgo te da isimainao po wali tiwai elama bidali. Te sęgę dabe te tiwai magi baso pedalaliwe? Te dena bomogo usu yabo homu idali weyu te sęgę daba pedalali. Dago te Godigo bomoba homu tialumainogo yai, te agai te isai bidi dabe augwali hodolobo bidi dao.

Godigo Nogi Ugwaba Sabo Tęąbi Po Wabo Buku Dabe 102:24

Eno God, nage sesemane bidada peyu, bidada pobao. Nago megi ena me tagaligio. Ena monu dabe me ebeo, ena gesi bidi tigi me elalubao.

Godigo Nogi Ugwaba Sabo Tęąbi Po Wabo Buku Dabe 107:18

Augwa te nai tubo hagela yai, tama tiyu, augwa pąde isainu yali.

Jopgo Po Asęani Elalubo Buku 7:7

Jop agai po genina ma weyu, e tama wali, “God, nago koneani, eno e tǫde bidabo sogo te pęwadage mu da, te eno gunidu mobo selama, buluba polo ma soabo tiwai mu dao. Tama tibaso, dwagi yai sogo ena tigiba ma asogobeo.

Aisaia 38:1

Te Asiria dabego te Juda dabeba dwai sę idu doludali sogo, king Hesekia te genuai gasi selama, te aga pąde isainogo yai. Tialima, profet Aisaia, te Amosgo ogwago, aga sugi pelama, agaba te tiwai po wali, “Genuai Bidigo te po wali, nago gasi te me siligobeo, nage te isaibao wali. Tama nago te naga bede bidibo bidi dabebolo po olama, te nago sę tigidali dodolao po wao,” te po wai.

Jopgo Po Asęani Elalubo Buku 6:11

Eno bomo tigidali sia sali, tama eno mena dwagi yai nai enaba ma pedalobo tonaluaibawe? Ena bididuabo page da, mu meni. Tama magi baso ena homu nagame elama bidaiba? Te mu dwagi yai da, eno bidibo ula sia siyu da.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Aisaia 38:9

Tialima, te Hesekia usu ma igulali sogo, agai te po asęani,

Jona 2:6

Ena te tamu ąį tomoba te tigidali bulu du page aiyaba mu dulali. Te dwai bulugo ena kalabus mu ilai. Tiali goli, Genuai Bidi, nage eno God, nago ena ma dobola salio. Tama eno te dwai bulu tagalama, ena te bidibo ulade bidibao.

Godigo Nogi Ugwaba Sabo Tęąbi Po Wabo Buku Dabe 31:23

Te Godigo we bidi dabe, dagego aga wei eyu, godolo mu yao. Agai te aga wali asobo we bidi dabe bugagia tonalubo da. Tiali goli, agai te hagoma ebo we bidi dabeba te dwai dene dolo wei ponobo dao.

Godigo Nogi Ugwaba Sabo Tęąbi Po Wabo Buku Dabe 102:25

Polobadu mu nago te tǫ nigali. Tama naga nogogo digi nago te dagalu nigiyu, tama ugwade elalubo nai tigidali nigai dao.