Aisaia 37:4 - Godigo dwagi yai po buku

⁴ Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.

Aisaia 37:4 Referans Kwoze

Aisaia 36:20

Dago te bulu tǫ kantri hauwaba boi hwįgi pali, te augwa god hauwa elaluali. Tiali goli, te god me deligo te aga bulu tǫ kantri me tau selama, te da hwįgi pali aiyaba me elalubeo. Tama tialima, magi baso dage Jerusalem bagego homugo te duga Genuai Bidigo dage tau saiba homu elama, te dago dage aiyaba me elalugobe da homu ebawe?” wali.

Aisaia 1:9

Ma, Genuai Bidi Tigidali Bomo Elalubo Bidigo da meba bidimainu sula tagalisąma menigi sogo da, mu tama, teda da polo dolama siligi dao, te hanu Sodom de Gomora si dolali yali tiwai gilama, polo dologi dao.

Aisaia 10:22

Megi da, te Israel we bidi hauwa mu te bidibao, te tamu węde kemi sane tiwai dao. Tiali goli, augwali dolaibao, tama dwasianu we bidi naga ma pedalaibao. Genuai Bidi Tigidali Bomo Elalubo Bidigo te bulu sese tama dolabo po polo wai dao. Tama da agai dolaibao. Tama agai doloba pai kolesaga genina mu ma haninaibao, tama te we bidi dabego sueibao.

Godigo Nogi Ugwaba Sabo Tęąbi Po Wabo Buku Dabe 106:23

Tialima, me sogo nosali Godigo te aga we bidi augwali dolaibao po wali. Tiali goli, Moses, te Godigo dąį muani sę bidi, aga te God geduba doligi pelama, tama agai te Israel dabe tau siyu, tama Godigo haliga sębę yali togolama panibaso, tama Godigo augwali me dolobeo.

Jems 5:16

Tama tibaso, dagego duga dwai sę yali te duga ama dabebolo pusao, te duga hasi tau somainogo Godibolo te po hanalu wao, te God agai dage dwagi yai ma usu ilimainogo yao. Tama tiyu, te doloba pai bidigo gedu haluasa po wabode bomo elaluyu, tama agai te gedu haluasa po wabogo te we bidi tau sabo sę ebo usu yaibao.

Polgo Po Pas Rom Dabeba Asęani 9:27

Tama te gasa polobadu Godigo po pusali bidi Aisaiago te Israel hanide po olama tama te tiwai i wali, “Tama te Israel dabe augwaligo hani nedebo namba te ąį sanede elalubo masigi kemi tiwai pedalubaso da, tagalao, teda Godigo augwali meba naga dią selama, tama dwasianu hani naga ma dobola saibao.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Joel 2:17

Te pris dabego Genuai Bidigo sę eyu, te aga be sunumi me alta tomode yali, augwa te gela weyu, te gedu haluasa po te tiwai waiąo wali, “Genuai Bidi, nago naga we bidi dabe da homu dene yao,” wao. “Te nago da homu dene isąbaso da, teda te gasa hani we bidi dabego da tudiba muyu, tama daba posobo po te tiwai waibao, ‘Te dagego God mena bidibawe?’ te po waibao.” Te pris dabego te po waiąo.

Aisaia 36:18

“Hesekiago dage tibo po ola mayu, te po obao, ‘Genuai Bidigo da tau sobaso, te dago augwali aiyaba elalueibao,’ po wai. Tiali goli, te Hesekiago tibo po wabo po odogio. Dagego homugo te gasa hani dabe augwa godigo te augwali tau selama, te boi hwįani augwaligo da Asiria dabe aiyaba elaluali da, agawe? Mu menio.

Aisaia 36:13

Tialima, te Asiria ofisa bidigo te obo daide bidibo hani bidiba tonalu, te Hibru pogo genuai po dagą olama, i weyu, te tiwai po wali, “Dagego te bomai kingo poba olo bugagia muiąo, aga te Asiria king dao.

Godigo Nogi Ugwaba Sabo Tęąbi Po Wabo Buku Dabe 50:21

Dagego te tiwai yali, tama eno po deli me wabeo. Tama dagego te ena te dage tiwai tobage da homu yai. Tiali goli, mu menio. Megi eno dageba wado po olama, tama dage te pepeli diliba sela munama, te po tų ilaibao,” wali.

Tuni Bidi Dabego Po Elalubo Buku Si 28:19

Te sęgę te king Ahas me Juda we bidiba te pedelali po page da e dao, Ahasgo dwai kolesaga hauwa mu yali, tama agai Genuai Bidiba tudi ola mani. Tialima Genuai Bidigo te genuai sęgę pedelama, te kantri Juda aiyaba elalumainu sula tagalali.

Te Israel me Juda Hani Sigo Tuni Bidigo Po Elalubo Buku Si 19:4

‘Asiria king bidigo aga sę ebo gavman ofisa bidi tagala palali bidigo aselama, dago God dolo agai dwai po mu wagasalio, dena Genuai Bidi dao, aga te tigidali sogo bidada peyu, bidada pabo God dao. Tialima, te aga dolo te dwai po wali aga odali bogo, tama aga digi te po wali bidibolo wei ponoyu, sęgę mawaibao,’ wali. ‘Tama teyu, dago homugo nago te God dolo gedu haluasa po wao, tama agai da dwasianu hani bidibo tau somainao,’ kingo te po wali,” augwaligo te po wai.

Te Israel me Juda Hani Sigo Tuni Bidigo Po Elalubo Buku Si 17:18

Tama Genuai Bidigo te Israel hani dabe augwali dali agai sębę genuai mu me eyu, tama agai te Israel hani subo hagela mu yali. Tama tibaso, agai augwali augwa aga dali bidali buludu digibulu mu sela sąyani. Tama te Israel hani bidi dabe me deli te bulude me bidibe. Te Juda hani augwa naga te augwa tǫde bidali.

2 Samuel 16:12

Genuai Bidigo te eno ebo dwai kolesaga koneama, tama Genuai Bidigo te homu eyu, te agai enaba te dwai po wali dabe hasegelama, tama aga te wiegi yai sę enaba yaibawe? Te dago sueibao,” wali.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

1 Samuel 14:6

Tialima, Jonatan te masigi elalubo pesageba sabolama, tama aga te aga dali hodobo asali bidibolo te tiwai po wali, “Ae, da u badu pedai badu pelama, tama da te Genuai Bidigo po odisiąbo bage, te Filistia dabe bidalubo pesageba paibao. Te Genuai Bidigo da tau siyu, te dago augwali aiyaba elaluabo homu ebao. Te Genuai Bidigo te hwįabo bidi hauwa selama, te boi bidi dabe augwali aiyaba elalumainu me egobeo. Menio. Te dwasianu hani naga te usu dao,” wali.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

1 Samuel 12:19

Tama teyu, te we bidi dabego te tiwai po Samuelbolo wali, “Genuai bidio, dago homugo te nago gedu haluasa po te Godiba omainu homu ebao, te dago Genuai Bidibolo, tama agaba hanalu, te dabolo olo mu tau sabo wiegi yai homu kolesaga emainao, teda da isimainu me egobeo. Dago te dwai sę hauwa yali, tama megi dago koneani, dago te gasa sę me ma eyu, te dago nageba hanalu, te king me deli sa muyu nigilao po wali sogo, te sęgę me dago salio,” augwaligo te po wai.

1 Samuel 7:8

tama augwaligo Samuelbolo te po wai, “Nago te Godiba gedu haluasa po wabo bomo yao, te dago Genuai Bidi, te da tau sobaso, te Filistia dabego da dolainu ebo usu me egobeo. Nago te gedu haluasa po wabo munu me tagalamu dao,” wali.

Josua 14:12

Tialima megi da, te Genuai Bidigo enabolo te mawaibao wali te bulu du tǫ pesage te enabolo mao. Te polobadu sogo nago odali, te ena me, te ena dali pali bidi dabe, dago te nai suali po Mosesbolo pusali. Te Anakde moni bidi dabe te bulude bidalubadi, tama dago nagebolo wai. Augwali te genuai obo yai hanude bidalubo po wali. Te Genuai Bidi ena dali bidiyu da, teda te bidi dabe augwali eno ela gudulaiba homu ebao, te agai wali po tiwai gilama yaibao,” Kalepgo te po wai.

Aisaia 10:20

Genuai Bidigo bodolu me polo muai dao wali, te Israel hani dwasianu te Jekopgo wąį tomode bidibo hanigo i agabolo omainu. Te Israel dabe augwali augwa boi bidi dabede wi ebaso, tama augwaligo gasa bulu bidi dabego augwali tau somainu i wali. Tama te bulu bidigo augwali tau somainu tonaluali. Tiali goli, te bulu bidigo begelama, augwali ma dolaibao. Tama te sogo augwaligo te Israel dabego Genuai Bidiba i waibao. Aga te Wiegi Yai Doloba Pai Kolesaga Naga Ebo God dao. Tama augwaligo agai tau somainao olama, tonaluaibao.

Aisaia 11:11

Tama te sogo Genuai Bidi agai bomo te si wabo sogo ma ola mayu, tama aga we bidi hani augwa buluba ma odasa asaibao. Te we bidi dabe te bulu Asiria, me Isip, me Sudan, me Elam, me Babilon, me Hamat, me te Mediterenian tamu ąįde ailande bidibo dabe me dao.

Aisaia 37:5

Te Aisaiago te Hesekiago po odobo si da,

Aisaia 37:17

Genuai Bidi, eno homugo nago olo eno gedu haluasa po waboba bugagia munama, te eno gedu haluasa po odolama, tama nago daba te pedalubo dwai sę dabe bugagia suao. Tama eno homugo nago te tigidali dwai po wabo odomainu hagede ilali, Senakeripgo nageba te sę yai, God nage te sesemane sogo bidada pabo dao.

Aisaia 37:31

Te Juda we bidi dabe, te boi bidi dabego augwali dolisąwani bage, te augwali bugagia bidiyu, te hauwa pedelama, te gide wit waigo pedali tǫ aba munama, tama te nai ge hauwa walobo tiwai yaibao.

Aisaia 37:32

Te boi bidi dabego te Jerusalem we bidi tigidali me dologobeo. Menio. Te augwali dwasianu hani me bididuaibao. Te Tigidali Bomo Elalubo Genuai Bidi, agai bomai homu kolesagade te sę dabe pedalumainu yaibao.”

Aisaia 46:3

“Tialima, dage dwasianu Israel te bidibo hani, dage te Jekopgo hani, dage hani eno selama, te bugagia negeyu tonaluali, te dage gesi hani we bidi pedelali sogo gagalasa, tama tiali, dagego odao.

Jeremaia 26:19

Maikago te tiwai po obaso, te Hesekiago me tigidali Judago aga ela muai da, agawe? Mu menio. Hesekia wi elama, te Genuai Bidi dologoba pelama, te Genuai Bidiba hanaluama, te agaba te olo mu tau sabo wiegi yai kolesaga emainogo yali. Tama Genuai Bidigo homu hasegelama, te agai augwaliba yaiba po wali sę te ebeo. Tialima, megi dago te Jeremaiabolo yainogo ebo kolesagago da, te daba digi genuai sęgę sesaibao,” te tama po wai.

Jeremaia 42:2

te Jeremaia bidibo madiba pali. Te augwaligo agabolo te tiwai po wali, “Edao, te nago Genuai Bidi Godiba nago gedu haluasa po weyu, te agabolo hanalu, te da dwasianu hani we bidi tau somainogo yao. Polobadu da hauwa elaluali, tiali goli megi nago suali, da dwasianu hani naga bidibao,” wali.

Daniel 2:18

Tama agai augwaliba te tiwai po wai, “Dago te dagalude bidibo Godiba gedu haluasa po wainao, te Godigo olo tau mabo wiegi yai kolesagago te dabolo te geme dualali nai page ola momainu elama, tama da te gasa po page koneani bidi te Babilon bulu bidi dabe dali isidali weyu, te dago tama tinao,” wai.

Amos 7:2

Te nade eno suali, te kuli mano dabego te tǫde nosai dabe me ni yabe tigidali silai yalio. Tibaso, tede noma siyu, eno te tama po i wali, “God, Genuai Bidio, nago naga we bidi dabe augwaligo dwai sęgę sela sąyao, te Israel dabe dao. Augwali dwasianu hani naga dao, te augwali bomo meni yai. Te nago te kuli mano dabe tagala palama, te Israel dabego dwai kolesaga te tiwai wei ponogi sogo da, tede augwali magi ilama bugagia bidaibawe?” wali.

Tuni Bidi Dabego Po Elalubo Buku Si 34:21

“Te bomai po buku eno megi sali da, tede Genuai Bidigo homugo dago wali pomainu homu yali po e bukude haninama te wali dao. Tiali goli dago wąį nǫų dabego te po wali pai menio. Tama tialima, te tama tialigo da, Genuai Bidigo da dali sębę genuai mu emainu ilali dao. Tiali goli dago megi Genuai Bidigo te buku polo te sali dao. Tama tialima, eno homugo dage pelama, Genuai Bidibolo hanalugi pao, tama ena dali Israel bulude bidibo we bidi me Juda bulude bidibo we bidi, dago mena sę emainu egowe page sugi piąo,” king Josaiago te po wali.

Aisaia 1:8

Hobedagia! Jerusalem deli naga augwaligo tagalali. Agaduba deli naga elaluyu, tama bomo mu meni. Aga te bidi dabego olo gi be sę yai ąǫ elalubao, te bobi gide sę yani dwasianu be tiwai naga elalubao. Aga te boi bidi dabe bagua sai hanu ąǫ elalubao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.