Aisaia 37:16 - Godigo dwagi yai po buku

¹⁶ “Genuai Bidi, Tigidali Bomo Elalubo Bidi, nage da Israelgo God, nage te ensel mobo bidi daide ugwadu bidiyu, te naga king sia saide dugulalubao. Tiali goli, nage naga God mu da, tama nago te tigidali bulu tǫ habu tonalubao. Nago naga nago te tǫ me dagalu nigai dao.

Aisaia 37:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 99:1

Genuai Bidi king bidibao. Te we bidi dabe wi elama, noma sai. Aga te sia kingde te ensel dabe daide dugulalubaso, tama te tǫ mali ebo dao.

Ma Dobola Sali 25:22

Tama ena nage dali te dwai sęgę sela sąbo buluba sisinaibao. Tama ena te mobo bidi si daidu tomode ugwadu bidiyu, tama nage dali da si deliba sisinama, tama eno te bomo yai po tigidali nagebolo pusaibao. Tama nago te bomo yai po te Israel we bidi dabe augwalibolo menama, tama augwaligo wali pomainao,” wali.

Godigo Nogi Ugwaba Sabo Tęąbi Po Wabo Buku Dabe 86:10

Magi baso meni, nago naga te genuai bomo elaluyu, tama nago te we bidigo isiąbo genuai sę dabe ebo dao. Tama nago naga te haniani wiegi wiegi yai sę ebo dao. Nagaduba deli naga, nage God mu dao.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

1 Samuel 4:4

Te polalubo bidi te hetman dabego te po wali silibo side, teda te ami bidi dabego te bidi meba Siloba tagala palama, tama augwaligo te Dąų Wali Bomai Po Munalubo Halobage te Genuai Bidigo Tigidali Bomo Elalubo, te halobage sigi pomainu tagala palai. Te halobagede te ensel bidi noma nigali elalubo, te ugwadu daide elaluai, tama te Genuai Bidi king duabo sia sai tiwai elaluai. Tama augwaligo te halobage sela asobo sogo da, teda te Eligo ogwa si, Hopni me Finias sigo te Dąų Wali Bomai Po Munalubo Halobage sela asobo tonalua asu, te bidi dabe dali asai dao.

Hibru 4:16

Tama dago te tobage genuai pris tobolu bidi elalubaso, da te dwagi yai homu eyu tama God pąba pao, te da wi me egimio. Aga da te olo tau siyu wiegi yai kolesaga mabo bidi dao. Tama da agaba peyu, tama agai da homu dene ebo homu eyu te da tau saibao. Tama dago sęgę elalubaso da, teda agai te olo tau sabo wiegi yai homu kolesaga ebogo te da tau saibao.

Kolosi 1:16

Magi baso meni. Godigo agabolo te sę yao olama, tama agai te dagalude nai tigidali dali, tǫde nai tigidali dali nigai. Agai dago subo nai me dago susiąbo nai te tigidali agai nigai. Te dago gedugo susiąbo dagalude bidibo ensel mobo bidi tonalubo bage dali, te haniani tuni bidi dabe dali, te tobolu bidi dabe dali, te bomo elalubo bidi dabe dali, agai augwali tigidali nigai. Tigidali elalubo naide Godigo agabolo nigao olama, tama agai nigilama, tama te Krais aga nogi ugwaba somainogo eyu bidibo dao, te aga te tigidali naigo peni dao.

Dwagi Yai Gesi Po Jongo Asęani 1:3

Godigo te Pobolo po weyu, tigidali nai nigao wai. Tama Pogo tigidali nai nigai. Tama gasa nai gasa tųdu me pedalobeo. Menio. Tigidali nai pedalali te Po aga digi nigilama, pedalai.

Aisaia 44:24

“Ena Genuai Bidi, ena dage tudibadu pogwalu, te dage ma dobola sabo bidi, eno naga eno sisilama, dage dąį ilali, te ena hani da olama, te dage e tǫba pedalisiąbadi tama tiali. Eno te tiwai po dageba wainu ebao. Enaduba deligo naga eno te tigidali nai pedela silimainu ilali. Eno naga eno te dagalu me tǫ nigilama, te augwali bidabo pesageba munama, te megi elalubo dao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

Aisaia 45:22

“Dage tigidali bulu tǫ habu we bidi dabe, dage enaba asiąo, te dage bugagia bidaibao, magi baso meni, enaduba deli ena God, te gasa god munu me bidibeo.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Aisaia 40:28

Te dagego konebe da, agawe? Te dagego odobe da homu eba, agawe? Genuai Bidi te sesemane bidada pabo God dao, tama agai te e tǫ tigidali badu sese nigai bidi dao. Te mena bidi mego agai homu kolesaga tigidali me konea siligobeo. Agai bomo kimi te meniama, te me sia sogobeo.

Aisaia 37:20

Te Genuai Bidi, dena God, eno homugo te megi nago da tau somainu homu eyu, tama da te king Senakeripgo nogode ma dobola sao homu yai. Tama te tigidali tǫde we bidi hanigo te tiwai bugagia koneyu, nage naga nage te Genuai Bidi da waibao,” po wai.

Aisaia 8:13

Dagego e tama koneao. Ena Genuai Bidi Tigidali Bomo Elalubo Bidi, ena te wiegi yai doloba pai kolesaga naga tigidali sogo ebo God dao. Dagego ena deli naga wi elama, noma sao.

Aisaia 6:3

Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali.

Godigo Nogi Ugwaba Sabo Tęąbi Po Wabo Buku Dabe 146:6

Godigo te dagalu, me tǫ, me tamu ąi, me te tigidali elalubo nai pedalumainu yali. Tama sesemane sogo te Godigo aga dąų walali po tigidali wali pabo dao.

Godigo Nogi Ugwaba Sabo Tęąbi Po Wabo Buku Dabe 46:11

Te Tigidali Bomo Elalubo Genuai Bidi da dali bidibao. Te Jekopgo God aga te da seselalubo bidi mu da.

Godigo Nogi Ugwaba Sabo Tęąbi Po Wabo Buku Dabe 46:7

Te Tigidali Bomo Elalubo Genuai Bidi aga te da dali bidibao. Te Jekopgo God aga te dago duala sabo pesage elalubao.

Te Israel me Juda Hani Sigo Tuni Bidigo Po Elalubo Buku Si 5:15

Tama aga dali, te aga sę ebo bidi dabe dali, augwali hodobo ma geasa peyu, te Elisa pageba sabolali. Te profet te Godigo profet bidi mu. Tama te Namango Elisabolo e tiwai po tama wali, “Mu tamao, megi eno koneanio, e tigidali bulu tǫde god me deli me bidibeo. Israel dagego God, te God deligo tigidali bulu usu elalubao. Tama tialima, Elisa, eno genuai bidi, eno homugo eno nagebolo eno puba hwi wabo nai nagebolo mawaio,” wali.

Te Israel me Juda Hani Sigo Tuni Bidigo Po Elalubo Buku Deli 18:32

Tialima, Elaijago te masigi dabe selama, te Genuai Bidiba ofa yabo alta nigali. Agai te alta nigila silibo si da, teda agai te alta bagulubo ąį gamia nigali. Te ąį gamiade ąį pągąwani usu te nogo si olama, sągągo me si me si, te 14 lita usu nama dao.

2 Samuel 7:26

Tama te we bidi dabego nago te tebo sę ebo dabe sulama, tama sesemane sogo augwaligo nage genuai nogi mayu yaibao. Tama augwa te po weyu, ‘Te Tigidali Bomo Elalubo Genuai Bidi te Israel dabego God da,’ po waibao. Tama nago te eno hani bidi dabede naga te sesemane sogo king bidi pedalumainu ilaibao.”

Bomai Po 10:17

Magi baso meni, God dago Genuai Bidigo te tigidali te tibo god dabe me te tigidali bomo elalubo te tigidali nai dabego bomo edelai mu elalubo. Aga te genuai bomai mu dao, tama tiyu tigidali nai dabe aga dologode naga elaluao. Agai te po tų ebode te abagi si ebo kolesaga wali peyu, me te we bidigo agaba magi nai mayu, aga homu bea sabo homu ebo kolesaga emainogo sula tagalobo menio, te haniani sę ebo kolesagade.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Esra 1:3

God te dage Israel we bidi dali bidibao, dage aga we bidi dao. Polobadu te boi bidi dabego dage te duga page bulude selama, tama dage te digibulu odasa pelama, tama megi dage eno bulu tǫ pedaide bidibao. Tiali goli, megi dage Israel te Jerusalemba ma piagameo, te duga Genuai Bidi Godigo taunba pelama, tama agai be ma sę igi pagameo,” wali. “Tama dage te Israel dabe megi bidalubo taunde bidibo te gasa we bidi dabe, dagego augwali tau selama, tama wiegi yai nai hauwa augwaliba mao,” wali. “Tama augwa te Jerusalemba sela pelama, te Godigo be ma sę igi pomainao. Dagego te Israel dabeba te silva me gol meba mayu, te nai dabe me maiąo,” wai. “Tama te nai dabe sela pabo kibu donki dabe meba augwaliba mao,” wai. “Tama te Israel dabeba te kibu hasa dabe te Godiba aga te bede ofa yabo nai dabe mao,” king bidi Sairusgo te po wai dao.

Aisaia 37:15

Tama Hesekiago gedu haluasa po Genuai Bidiba weyu, te tiwai wali,

Aisaia 40:22

Te Genuai Bidi aga naga te dagalu daide te sia kingde dugulaluali, agai te tigidali nai nigai dao. Agai te dagalu te name ugwa tiwai dinigina palama, te aga sel ugwa be sęalubo tiwai elaluai. Te agai gedude, te tǫde we bidi te olo nai kuli mano tiwai dao.

Aisaia 42:5

God Genuai Bidigo te dagalu me tǫ nigilama, te augwa pesageba munama, elalubao. Tama agai te tǫde haniani nai ni me nosai pedalumainu ilali. Tama agai te bidibo ula te tǫde we bidi dabeba mobo ponama, mawai. Te Godigo aga sę bidiba te tiwai po wali,

Aisaia 45:12

Eno naga eno te tǫ nigali, te bidalubo we bidi dabe me nigali. Te ena digi eno te giliga, me polua, me hǫ dabe tonalubo dao.

Te Israel me Juda Hani Sigo Tuni Bidigo Po Elalubo Buku Deli 8:6

Augwa te tigidali kibu dabe ofa ela silama da, teda te pris dabego te Dąų Wali Bomai Po Muani Halobage te Genuai Bidigo tempel be tomoba tolasa pelama, tama agai te muainu sisi ilali pesage te Tedali Gasagi Yai Mu Be Habuba muani, te ensel mobo bidi noma sigo bogo dologoba muai dao.