Aisaia 37:11 - Godigo dwagi yai po buku

¹¹ Naga digi nago te da Asiria king dabego ebo kolesaga koneai dao, te dago gasa bulu kantri hauwa mu dolali. Nago homugo eno nago bulu kantriba te tama tegobe da homu eba, agawe?

Aisaia 37:11 Referans Kwoze

Aisaia 14:17

Aga tama dawe, te hanu dabe dolama, tama te bulu dabe olo bulu nigilali bidi dawe? Te tama dao, te bidi agai te aga kalabus ilali bidi dabe hobede elama, tama agai augwa buluba ma pomainu sula tagalai menio,’ augwaligo te tobage po augwa hasi hanalu waibao.”

Aisaia 36:15

Dagego te Hesekiago dage homu bega sabo po me odigio, dagego konealubo homu te Genuai Bidiba dąų wabo te agai dage tau selama, te da Asiria dabego dage aiyaba elaluama, te taun Jerusalem sogobeo wabo po, te po odogio.

Esekiel 31:5

Te wę hauwa mu elaluyu, tama te ni genuai mu holali, tama gasa meba ni dabe aiyaba elaluali. Tama agai nologo dabe genuai mu elama, tama bobobage mu yali.

Nahum 3:19

Te nago keni dabe pedela somainu yabo marasin deli me elalubeo. Mu menio. Polobadu te nago augwaliba yali dwai kolesagade te bidi me deli wi painu ebaso usu ebeo. Tialima tigidali bidigo te nage dolali po sabilibo odolama, augwali te wiegi yai homu pemene mu elama, nogo elaibao.