Aisaia 36:13 - Godigo dwagi yai po buku

¹³ Tialima, te Asiria ofisa bidigo te obo daide bidibo hani bidiba tonalu, te Hibru pogo genuai po dagą olama, i weyu, te tiwai po wali, “Dagego te bomai kingo poba olo bugagia muiąo, aga te Asiria king dao.

Aisaia 36:13 Referans Kwoze

Tuni Bidi Dabego Po Elalubo Buku Si 32:18

Te Asiria ami bidi dabe augwaligo te Hibru pogo po bomona mu olama, te Jerusalem we bidi augwali te obo daide ugwadu bidiyu, augwaligo te po odama tama augwali wi dwai mu emainogo. Tama te Asiria dabe augwaligo te taun sainogo bomai sę idali weyu.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Aisaia 36:4

Augwali sela bidi te Asiria ofisa bidiba sabalubo si da, agai po bomonama, augwaliba te tiwai po wali, “Dage pelama, Hesekiaba te kingo bomai po magi pao, aga te Asiria king dao. Agai te tiwai po wali, ‘Hesekia, nago mena tobage tiwai bomo elalu, tama nage ena dologode bidisąyu ebawe?

Aisaia 8:7

Tama tibaso, ena Genuai Bidi, te eno te wę Yufretis genuai mu ilama, tama te wę gisigiluyu, tigidali pesage mesega sigi pomainu yaibao. Te węgo tigidali bulu mesega saibao. Te wę Yufretisdu gagalama, tama Juda buluba sabolagasaibao. Tama te wę gebo dabo te bidigo dogoni dąį yagasaibao. Te wę Yufretis te Asiria tuni bidigo piksa tiwai dao, te aga ami bidi dabe dali sigo tiwai. Te bage augwali aselama, te Emanuel nago tǫ usu nagasaibao.” Godigo te po wali.

Aisaia 36:11

Eliakim, me Sepna, me Joa, augwali selago te po odama, tialima augwaligo te Asiria ofisa bidiba te po wali, “Nago te po dabolo te Siria pogo wao, magi baso meni, dago te bulu po koneai dao. Nago te Hibru po me wagio, tiyu te taun obo daide dodolalu bidibo bidi hani dabego nago te wabo po odabuo,” wali.

Aisaia 36:12

Tiali goli, te ofisago po wei ponoyu, te tiwai po wali, “Eno kingo ena tagala palali, te po dage dali, me dagego king dali naga omainu me tagala palobeo. Menio. Te obo daide dodolalubo hani bage, augwaligo me te po odomainao. Magi baso meni, te boi hwįbaso, dago te Jerusalem bagua sagasobo si da, teda te dwai sę ebo si dage tigidaliba pedelaibao. Tama te obo banisde dodolalubo hani bage te nai mu sǫą paibao, tama augwa di ma tuyu, poi wę ma tuyu yaibao, te tiwai dage me yaibao,” wali.

Aisaia 37:4

Te Asiria kingo aga ofisa tagala palama, te dago God Genuai Bidiba dwai po wagasomainu yalio, aga te sesemane sogo bidada pabo God dao. Dago homugo Genuai Bidigo te dwai posobo po dabe odama, tama agai te dwai po dabe pusagasali bidi dabeba te dwai dene ilaibao. Tama tiyu, dago homugo nago te Godiba gedu haluasa po weyu, te agai da dwasianu bidalubo hani bidi tau somainao,” po wali.