Aisaia 34:6 - Godigo dwagi yai po buku

⁶ Tialima, te Idom dabego kaneme me iligo te Genuai Bidigo bainat hwą halua saibao. Te sipsip me meme dabe te bidi dabego te ofa yainu elama, te ofa yainu ebo bidi dabego nogode kaneme piliga pabo tiwai yaibao. Genuai Bidigo te genuai hani we bidi dabe mu te taun Bosra te Idom bulu tǫ kantride elaibao wali, te aga digi genuai ofa ebo tiwai dao.

Aisaia 34:6 Referans Kwoze

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Jeremaia 49:13

Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.

Sefanaia 1:7

Tigidali Nai Tonalubo Genuai Bidi Godigo bubuga pąba polo yagasalio. Tialima, dage aga pageba aselama, tama pedauwali pania selama elaluao. Genuai Bidigo aga we bidi elabo dola selama elalubao, te bidi dabego ofa ebo hasa dabe elebo tiwai yaibao. Tama agai meba bidi dabe i wali, te agai ebo sę dabe suagasomainu. Tama agai augwalibolo agai gedude wiegi yai pedalobo kolesaga emainu yao po wali.

Jeremaia 51:40

Te eno augwali te ela muabo pesageba odasa paibao, te bidigo te omai sipsip dabe, me meme dabe, augwaliba ebo tiwai gilama yaibao,” po wai dao.

Jeremaia 50:27

Te Babilon bomai ami tigidali ela silao, te bidi dabego te bulmakau omai dabe ela wialubo tiwai yao. Tigidali dolomainao, magi baso meni, te Genuai Bidigo augwaliba dwai dene mabo sogo te pedalubao.

Aisaia 63:3

“Eno bulu tǫ kantri dabe agawali, te bidigo wain du wai te masigi pou tomode agabo tiwai yali, te gasa tǫ kantri bidi me deligo ena tau me sabeo. Eno augwaliba haliga sębę eyu, wado dwai mu olama, te eno augwali bomonama mu agawali madi te augwa kaneme gela tagalu, te eno gudali ugwa dabede kaneme dagana salio.

Aisaia 34:5

Genuai Bidigo te tama po wai, “Eno haliga sębę yali, eno te ena bainat hwą sisi elama, tama te bainatgo hwawa mu weyu, te dagalu tagalama, te Idom dabe eligi painu yali, te eno augwali dolaibao po wali hani dao. Te megi eno aga tagala palubo te augwali ela mugi pomainu yaibao,” wali.

Bomai Po 32:14

Augwaligo kau kibu dabe, me meme kibu dabego ame pę hauwa augwaligo sali. Tama augwaligo kau kibu, me sipsip kibu, me meme kibu dabe moni bage mu nisali. Tama augwaligo wit me wain dabe wiegi yai mu holali.”

Esekiel 21:10

Te hwą poa pai mu pedelali, te gegemani ula emainu augwaligo meda holali, te dagalu ula tiwai yali. Dage eno we bidi dabe, dagego homugo te dage bugagia bidaiba homu eyu, te wiegi yai pemene eba, agawe? Mu menio. Eno dila pai po dageba mani, tiali goli dagego hagoma ebo sę me iduai dao.

Bomai Po 32:41

te eno bidi dabego kolesaga osola suaibao. Tama eno moni ge hwą dulama, tama aga mu poa pelama, tama ula mu yaibao, tama eno te hwą selama, tama eno ena boi bidi dabe ela muaibao, tama ena godolo isąma ebo bidi me ela muyu yaibao. Tama eno te bidi dabego ena dali hwįainu ebo bidi enaibao, tama augwaligo kaneme te enesigigo eneba geasa dulaibao. Tama tialima, bidi meba te boide isisąma ebaso da, teda eno augwali me ela muaibao,’ Genuai Bidigo te po wali.”

2 Samuel 1:22

“Te Jonatango enesigi te nai dwai mu elaluali. Te munu me geda musiąwai. Tama te Solgo bainat hwą te olo me munalubeo. Menio. Te bainat hwągo te bomai ami bidi dabe eliyu, tama te boi bidi dabego kaneme tede pągąnaluai dao.

Tuni Bidi Dabego Po Elalubo Buku Deli 1:44

Tama Bela isibaso, Jobap, te Serago ogwa, te taun Bosra bidi, te king pedelai dao.

Godigo Nogi Ugwaba Sabo Tęąbi Po Wabo Buku Dabe 137:7

Genuai Bidi, nago te Idom dabego yali kolesaga homugo ma kone palao, te augwa hwįani sogo te Jerusalem sai. Augwa te wali po ma homude koneao. Augwaligo te tama po wali, “Te Jerusalemde tigidali be me te tigidali aluama, tama tigidali dolao,” po wai dao.

Aisaia 65:12

Tiali goli, eno gasagi yai sogo dageba sa muai. Te boi dabego dageba hwįagaselama, te dage augwa bainat hwą dabego ela mueibao. Te duga kidu sugunama, te tobolu tǫba basigulama, te boi bidi dabego dage tobolu mage togwaibao. Te sę dabe pedelaibao, magi baso meni, eno dage i wali, te dagego eno i wabo wei ponobeo. Te eno po me dageba pusali, tiali dagego wali pabeo. Menio. Dagego eno po sela sąyu, te eno gedude dwai kolesaga naga yali, te eno godolo homu isąwai kolesaga dabe mu ebao wali.

Jeremaia 12:12

Te tǫ wa pai bulu pesagede te boi bidi hauwa pedaliyu, te augwaligo tigidali nai doado bage dolabo homu yaibao. Magi baso meni, te eno dagego tǫ kantri we bidi tigidaliba dene maiabo homu ebao. Tama te bidi me deli bugagia bidainu ebaso, usu me egobeo.

Jeremaia 25:34

Dage tobolu bidi dabe, me we bidi tonalubo bidi dabe, dage gela weyu, hobede dwai mu yao. Te dage tǫba degasa dulama, hogogobe paibao. Magi baso meni, megi da, te boi bidi dabe aselama, te dage ela munama, te bidalubo we bidi dabe sela sąbo sogo elalubao. Te dage tulaluama doloyu, te wiegi yai tǫgo nigai sospen tǫba tulaluama dolobo tiwai yaibao.

Jeremaia 46:10

Isipgo te tama po wai, tialima, te hwįbo sę te Godigo sę tama, te Tigidali Bomo Elalubo Genuai Bidi dao. Te sogo aga boi bidi dabeba dwai dene wei ponaibao. Te bomai boi mu hwįnama, te bidi dabe isila paibao. Te bainat hwągo nasi mu ebaso, te bidi dabe tigi tuyu, te kaneme tueibao, tama te bainat mu pągąna paibao. God, Genuai Bidi Tigidali Bomo Elalubo dao, te hani dabe elama, te aga te wę Yufretis badu pąde te ofa ebo tiwai yaibao, te not badu dao.

Jeremaia 49:7

Genuai Bidigo te Idom kantride po elalubao. Tigidali Bomo Elalubo Genuai Bidi, agai te tiwai po wali, “Magi yaliwe? Te Teman hanu we bidi dabego te wiegi yai homu kolesaga munu me elalubo homu meni da, agawe? Te augwaligo wiegi yai homude koneani kolesaga te hagawali da, agawe?

Esekiel 35:8

Te eno te boi bidi dabego dage Idom dabe elemainu ilaibao, tama dagego tigi dabego te bulu du dabe, me odogo malu dabe mesega siyu yaibao.

Esekiel 35:15

Dagego te eno we bidi Israel dabe dolobode dage wiegi yai homu pemene yai dao. Tialima, eno dage Idom dabeba me deli tiwai sę naga elama, dage Idom dabe me dolaibao. Tama te bulu du Seir, me te gasa bulu dabe te kantride elalubo bulu dabe te olo bulu mu pedelaibao. Tama te Israel dabe augwaligo e tama bugagia koneaibao, ena deli naga ena Genuai Bidi dao homu yaibao.’ Te po te Idom bagebolo wao,” Genuai Bidigo enabolo te po wali.

Amos 1:11

Genuai Bidigo wabo po e dao, “Hauwa sogo te Idom tǫ kantri we bidigo dwai sęgę sabo sę idu geai. Augwaligo te tebode dwasianu toma me nabeo. Augwaligo te Israel hani we bidi dabe pobeasa pali, te augwa ama dabe digi te augwali bobage hwą ge bainatgo elalio. Te augwali hobede eyu, tau sabo homu eyu, tama augwali tagalabo homu dwasianu me ebeo. Mu menio. Augwaligo haliga sębę ebo wado yabo homu sębę genuai mu elama, posolo mu yai, tama te haliga sębę yali me silibeo. Te me elalualio. Tialima, mu tama, eno te Idom dabe augwaliba dwai sęgę mabo dene mu ilaibao.

Aisaia 29:2

Tiali goli, ena Genuai Bidi, eno te sęgę nageba sela asaibao. Nage eno alta tiwai bidali. Tiali goli, nage gela olama, hwą dwai mu waibao. Tama kaneme nagede pągąna paibao, te bidi dabego te alta saide te hasa dabe elama, te kaneme alta saide pągąbo tiwai yaibao.