Aisaia 34:4 - Godigo dwagi yai po buku

⁴ Giliga, me polua, me hǫ dabe hala pelama, te tutudulaluama, te mu tigidali silaibao. Tama dagalu da, te bidi dabego 1pepa yabe bebe pelama, kękę pabo tiwai yaibao. Te dagalu daide ula ebo hǫ dabe tigidali te ni wain yabe wa pai te tǫba tudulalubo tiwai eyu, te ni kaya fik yabe wa pai tudulalubo tiwai yaibao wai dao.

Aisaia 34:4 Referans Kwoze

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Joel 3:15

Tama te giliga me polua te hulia siyu, te hǫ dabe me ula ma egobeo.

Kraisgo Geme Dualali Sę Pedelabo Po Jonbolo Ola Mani 8:12

Tama te sę silama, tama te me si me si wali ensel mobo bidi aga te ona tiwai nai elali, tama tebadi, tama augwaligo te giliga me, poluade me, te tigidali hǫde me augwaligo tomode dąį sela muani. Tama te giliga ge me badu dolali, te polua me tama tiyu, te tigidali hǫ me te me badu dolali. Tama tibaso, augwaligo ula ebo sogode te ula bugagia ebeo. Ulade te me badu pedaigo te giliga gego ula bugagia ebeo. Tama hulide me te polua dali, hǫ dabe dali, augwaligo me badu ula ebo pedai te bugagia ula ebeo.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Aisaia 13:10

Te sogo te tigidali hǫ dabego ula sula saibao. Tama giliga pedalaibao, tiali goli agai ula hulia sigi paibao. Tama polua munu me nanogobeo.

Aisaia 13:13

Tama te sogo ena Tigidali Bomo Elalubo Genuai Bidi, ena te eno genuai posolai sębę dali mu asaibao. Tama eno dagalu dali, tǫ dali si mali ilaibao. Tama tǫ iba kila selama, tama aga pesage taga paibao.”

Aisaia 14:12

“Nage genuai nogi mu elaluai dao. Te tigidali tǫde we bidi dabego gedude nage te kigamu dagalude nanebo hǫ tiwai bidai dao. Tiali goli, megi da, Godigo nage polo tǫba sąwai dao. Nage boma pai hwįbo bidi dao, nage tǫ pedai kantri hauwa aiyaba elaluali bidi dao. Tiali goli, megi da, mu menio.

Hibru 12:27

Te pogo “Te deli sogo ma” weyu te po wai, agai dabolo e tama ola mawai: te polobadu Godigo nigali nai dabe tama megi agai dagalama, tama te nai dabe aga sela sąnama, tama me elalugobeo. Tama agai te dagalisiąbo nai dabe da, te me elaluaibao.

Kraisgo Geme Dualali Sę Pedelabo Po Jonbolo Ola Mani 6:12

Tama eno tonono ma bilibadi agai te buku dąų wali nai a naga olama me badu nogo deli wali te togwai, tama eno suali, tǫde genuai tǫ mali pedalai. Tama giliga ge begelama, te sisi yai gagawai. Tama te polua genuai ebadi te mama yai, te kaneme tiwai mu pedalai.

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.