Aisaia 34:17 - Godigo dwagi yai po buku

¹⁷ Te Genuai Bidigo digi te Idom tǫ pedaide deli delide dąį ilama, te augwaliba dobawaibao. Tama augwali te Genuai Bidigo dąį ilama, muani madi sesemane bidada paibao wai dao. Godigo tigidali nai wiegi yai ma pedalumainu ilaibao

Aisaia 34:17 Referans Kwoze

Aisaia 34:10

Te sia dabo munu me sia sogobeo. Menio. Te tigidali sogo ulade me hulide bomo elama, dedu, te hano sesemane sogo pedaliduaibao wai. Te Idom dabego tǫ olo sesemane sogo elalu, te bidi teba munu ma biligi pogobeo.

Godigo Sęba Tagala Palai Bidigo Po 17:26

Godigo hasia mu bidi me deli nigai (te bidi nogi Adam). Tama nosali te bidi deligo te tigidali haniani bidi dabe dalali. Tama Godigo tigidali bidi dabe tigidali buluba dobayali, augwa te bulude bidimainu yai. Tama God aga digi polobadu mu augwali te bulu dabede bidabo sogo bodolu munama, dąį ilai dao.

Jeremaia 13:25

Ena Genuai Bidi, eno te sę dabe nageba pedalumainogo dąį ilali, magi baso meni, nago enaba konealubo homu tagalama, te nago konealubo homu te tibo god dabeba mubo dao.

Aisaia 17:14

Polo tama te boi bidi dabego te bulu pio bagua sagasobo si da, te we bidi dabe wi dwai mu ebo dao. Tiali goli, kigamu da, boi bidi dabe menia saibao. Tama te tobage kolesagago Godigo te boi bidi dabego da dolama, dago nai dabe wi sela pai badi te sunumi palibo dao.

Godigo Nogi Ugwaba Sabo Tęąbi Po Wabo Buku Dabe 78:55

Agai te gasa hani dabe te aga hani dabe asobo si, te augwali sela sąwani. Tama agai te tǫ te Israel hani dabeba doba yali. Tama agai augwali te augwa ugwa be dabede bugagia bidimainu yai dao.

Josua 18:8

Josuago te tǫ sugi pelama, te po asęabo bidi dabebolo te e tiwai po wali, “Dage pelama, te tigidali tǫ sulama, tama tǫ po asęnama, tama enaba ma selasa asao. Tama e bulu Silode eno te tǫ sabo po dodolobo sę gagali elama, te mena tǫ te Genuai Bidigo dagego hani deli delibolo mabowe naga koneaibao.” Josuago te po wai. Tialima, te bidi dabego te Josuago po odama, tama augwali pali.

Godigo Sęba Tagala Palai Bidigo Po 13:19

Tama Godigo te Kenan tǫde bidali hani a nogo olama, me badu nogo si wagi solama bidai bidi hani ela silali. Tama ela silama, Godigo te tǫ te Israel hanibolo mani.”

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Aisaia 34:11

Te bulu tǫ te dwai ba dabe, te ba kemodage dabe, me sisi yai ba kotkot, me hulide bilalubo ba dabego bulu naga pedelaibao. Godigo te Idom dabego nai doado bage tigidali sia somainu elama, te Idom dabego tǫ olo elalumainu yaibao wali. Te polobadu digi agai te tǫ nigilama, te tǫ olo mu elaluali tiwai gilama pedelaibao wai dao.

Bomai Po 32:9

Tiali goli, agai Jekopgo hani sa munama, aga digi augwali tonalumainogo yai dao.