Aisaia 34:10 - Godigo dwagi yai po buku

¹⁰ Te sia dabo munu me sia sogobeo. Menio. Te tigidali sogo ulade me hulide bomo elama, dedu, te hano sesemane sogo pedaliduaibao wai. Te Idom dabego tǫ olo sesemane sogo elalu, te bidi teba munu ma biligi pogobeo.

Aisaia 34:10 Referans Kwoze

Kraisgo Geme Dualali Sę Pedelabo Po Jonbolo Ola Mani 19:3

Tama augwaligo i e tama ma wai, “Dago God nogi ugwaba sinao! Te genuai hanu sia dabo hano ebo, te sesemane sogo te hano ugwaba holobo dao!” te po wai.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Aisaia 13:20

Te bulude bidi munu me ma bidigobeo. Tama me ma, te Arap dabe augwaligo sel be teba sę yagasogobeo. Tama te sipsip kibu tonalubo bidi dabego te sipsip kibu teba nosai tumainu teba me tonaluagasogobeo.

Kraisgo Geme Dualali Sę Pedelabo Po Jonbolo Ola Mani 18:18

Tama dolalubadi, augwaligo aga te siago dabo hano ebo suyu, tama augwaligo i e tama wai, “Mena hanu te e tiwai genuai hanu elalualiwe? Mu menio,” te po wai.

Esekiel 29:11

Tama te kibu be 40, bidi sese si kibu bede, te nai dabe me deli te kantri Isip tomode me elalugobeo. Tama tede bidi ma hasa dabe tede me biligobeo.

Aisaia 1:31

Te kala sasia pai da, te isi deli sogo tama dela pabo dao. Tama te tiwai sę te doado bage hauwa elalubo bomai bidi dabede yaibao. Augwa digi dwai kolesaga ebogo augwali deli sogo tama dolaibao, sia saibao. Tama te sogo augwali tau sabo bidi meni yaibao.” Genuai Bidigo te po wali.

Jeremaia 7:20

Te ena God Genuai Bidi, eno te tama po obao. Eno haliga sębę dwai mu eyu, te tǫ kantriba me, te we bidiba me, te tubo kibu hasa me, te ni dabeba me, te naiba me dwai sę mu yaibao. Eno haliga sębę te genuai sia dabo tiwai eyu, te bidi mego sula sąyabo usu me egobeo,” te po wai.

Aisaia 24:1

Genuai Bidigo tǫ mu dolama, tama tǫ olo mu elaluaibao. Agai te tǫ agalama, tama tǫ bebegelama, tama te tǫ gasagi yai mu pedalaibao. Tama agai te we bidi dabe subigila wi tedela pomainu yaibao.

Aisaia 34:17

Te Genuai Bidigo digi te Idom tǫ pedaide deli delide dąį ilama, te augwaliba dobawaibao. Tama augwali te Genuai Bidigo dąį ilama, muani madi sesemane bidada paibao wai dao. Godigo tigidali nai wiegi yai ma pedalumainu ilaibao

Nahum 2:10

Te taun Ninive mu dolalio, te bidi dabego tagalama wi tedela pali. Tama taun te pobele bage yai olo tǫ mu elaluai. Te we bidi dabe wi dwai mu elama, te augwali nogo sągą didibili ebao. Augwa bomo kimi te isalio, tama augwa gedu te tedela dwai mu yai dao.

Jeremaia 49:18

Polobadu eno te taun si Sodom me Gomora dolobadi, te pąde elaluali taun dabe me dolali, tama te bulu pesage dabe olo mu tama elaluai. Te ena Genuai Bidi, eno te po obao, te tobage sę naga te Idomba pedelama, tede bidi deli me bidigobeo.