Aisaia 34:1 - Godigo dwagi yai po buku

¹ Dage tigidali tǫ habu we bidi dabe, asiąo. Dage sisinagaselama, te po odagasiąo. Tǫde me tigidali elalubo nai me, dagego me olo muiąo wai.

Aisaia 34:1 Referans Kwoze

1 Korin 10:26

Magi baso meni. Dago koneani, te bukude elalubo po me deli e tiwai dao, “Te e tǫde, pągąnalubo tigidali nai dabe dali, te Genuai Bidigo naga dao.”

Aisaia 43:9

Te gasa bulu tǫ kantri we bidi dabe te po tų yabo pesageba sisingasalio. Te augwaligo mena godigo te mena sę nosali pedelaibao wabo po hania pusaliwe? Te augwaligo mena godigo polobadu po weyu, te pedelaibao wali nai megi pedalubowe? Te augwaligo ebo sę suali mena bidi hani dolugulama, te tiwai po weyu, agai te god me deligo te nai me pedelaibao po wali, tama nosali agai suali, te wali sę mu pedalubo dawe?”

Aisaia 41:1

Godigo te po wali, “Dage we bidi dabe, te pąde elalubo tǫ kantri dabe, me te digibulu elalubo tǫ kantri dabe me, dage tigidali pedauwali pania selama, eno po odiąo. Dagego po bugagia sisila dodola selama asiyu, te duga po te po tų eboba pusagasao. Te da deliba sisinama, te po dagalama sueibao, te dego po mu po yabowe naga konebo dao.

Aisaia 1:2

Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.

Jeremaia 22:29

Israel tǫ, Israel tǫ, nago Genuai Bidigo po odao.

Aisaia 33:13

Te dage pąde bidalubo we bidi, me dage digibulu bulu bidalubo we bidi, dagego eno bomai sę yali po odao, me dagego eno genuai nogi po pusa maiąo,” wali.

Bomai Po 32:1

“Dagalu dali, tǫ dali, dage sigo eno po odao. Eno wabo poba bugagia olo munama, odao.

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”

Aisaia 49:1

Dage te bulu tǫ kantri pąde, me digibulu bidalubo we bidi dabe, dagego eno po odiąo. Te idago ena ame nisąbadi, te Genuai Bidigo ena sa muyu, dąį ilama, enaba te nogi mawai dao.

Aisaia 18:3

Dage te tigidali tǫde bidibo we bidi, dagego odao. Te dagego bulu dude magi me dodolai yaibaso da, dagego bugagia suiąo. Tama bu wabo nai biugel po wai da wabo si da, dagego olo saganama, bugagia odiąo.

Godigo Nogi Ugwaba Sabo Tęąbi Po Wabo Buku Dabe 96:10

Dagego te tigidali we bidi haniba te tama po waiyąo, “Genuai Bidi te king bidibao,” wao. “Agai te tǫ dąų walama, tama te tǫ bugagia bidiyu, tama te mumunu me egobeo. Nosali te Genuai Bidigo po tų eyu, tama tigidali bidi dolo dagalaibao.” Te po wao.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Godigo Nogi Ugwaba Sabo Tęąbi Po Wabo Buku Dabe 24:1

Te tǫ dali, tigidali tǫde elalubo nai, te tigidali Godigo nai naga dao. Tigidali bulu me, te Godigo nigali nai dao. Tama tigidali bulude bidibo we bidi me, augwali me te Godigo hani we bidi naga dao.

Te Israel Tobolu Bidi Dabe 5:31

“Tialima, Genuai Bidi, dago homugo te tama tialigo te nago boi bidi dabe isimainogo yao. Tiali goli, nago abagi dabe da, te ula eyu, tama te giliga nanobo ula tiwai pedalumainu yao,” te Debora dali Barak sigo te tiwai tęąbi po tama wali. Tama te tǫ pedaide te boi munu me hwįsiąbadi, te kibu be bidi sese si 40 yia bidali.

Te Israel Tobolu Bidi Dabe 5:3

“Odao, dage gavman tuni bidi dabeo! Olo bugagia munama, dage tobolu bidi dabe dao! Te eno tęąbi me deli weyu, tama musik gagali te Genuai Bidiba waibao, te Israel dabe dago God dao!”

Bomai Po 4:26

Odiąwe, megi eno te dagalu me tǫ si i obao, te augwaligo eno dage dali te wabo bomai po odomainu. Ma, dagego Godigo po sela sąyani da, teda dua dao. Godigo dage tigidali polo tama te tǫde sela sąwaibao. Tama dage te Jordan wę u badu elalubo te tǫde bobobage sogo bidigobeo, te dagego megi te sainu ebo te tǫde. Menio. Dage sese sia saibao.

Tigidali Nai Gagalama Nigali Side 6:13

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Aisaia 48:16

“Megi da, dage ena pąba aselama, eno po odiąo. Polobadu digi gagalasa asali, megi sogoba usu nagasu, ena te sesąwai pesagede geme dualalu, augwaliba te nai pedelaibao po pusubeo. Menio. Te sę dabe pedalisiąbadi, eno te tonalu, te sę mena tama pedelabo te eno digi dodolobo sę yali,” te po wali. God Genuai Bidigo aga bomo yai mobo bidi dali ena tagala palai dao.

Esekiel 38:17

Ena God Genuai Bidi, eno po te ena sę bidi dabebolo polobadu mu mawai dao, te augwali te Israel dabego profet dabe dao. Tama kibu be hauwade augwaligo po pusuyu, e tama po wai dao, nosali God eno te bidi me seselama, tama te Israel dabe dali hwįmainu yaibao. King Gok, te bidi te nage tama dao.’ Te po te king Gokde pusao,” Genuai Bidigo enabolo te po wai.

Obadia 1:1

God Genuai Bidigo te po te Idom bagebolo wali, tama agai te po Obadiabolo mawai. Genuai Bidigo bidi me deli te tigidali bulu tǫ kantriba tagala palali, tama dago agai po odalio. Agai te po wai, “Dage sisi elama, dago te Idom dali hwįgi pinao,” walio.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Jeremaia 49:7

Genuai Bidigo te Idom kantride po elalubao. Tigidali Bomo Elalubo Genuai Bidi, agai te tiwai po wali, “Magi yaliwe? Te Teman hanu we bidi dabego te wiegi yai homu kolesaga munu me elalubo homu meni da, agawe? Te augwaligo wiegi yai homude koneani kolesaga te hagawali da, agawe?