Aisaia 33:7 - Godigo dwagi yai po buku

⁷ Suama, te Jerusalemde genuai bidi dabe te sunumi dabede bidiyu, gela dabe obao. Tama te bidi dabego te boi pibo sogo pedalomai ebadi, augwali gela bomonama me oduali.

Aisaia 33:7 Referans Kwoze

Aisaia 36:22

Tiali goli, te Asiria ami ofisa bidigo wali pogo te Eliakim, me Sepna, me Joa te haliga sęgę mu ilali. Tama augwa gudali ugwa pįsilama, tama augwali pelama, te ofisago wali po tigidali te king Hesekiabolo pusigi palio.

Te Israel me Juda Hani Sigo Tuni Bidigo Po Elalubo Buku Si 18:37

Tama tialima, te Asiria gavman ofisa bidigo wali pode te Eliakim, tama me te Sepna, tama me te Joa, te bidi sela augwaligo haliga sęgę mu yali. Tama tibaso, augwa bulubo ugwa pibisayali. Tama augwaligo te Asiria gavman ofisa bidigo wali po tigidali po te king Hesekiabolo pusigi pali.

Te Israel me Juda Hani Sigo Tuni Bidigo Po Elalubo Buku Si 18:18

Tama te Asiria hanigo te king Hesekiabolo augwaligo po ola tolali, te aga asao olama po wali. Tama tiali goli, agai te aga sę ebo gavman tobolu bidi sela tagala palama, tama augwaligo te Asiria hani sugi pali. Tama agai te tagala palali bidi dabe nogi da, te bidi me te Eliakim, aga aya Hilkiago ogwa da, te bidi agai sę te kingo be tonalubo bidi da, tama me bidi nogi Sepna, te bidigo sę te king bidigo kuskus bidi da, te bidi me nogi Joa, aga aya te Asap, te bidigo ogwa da, te bidigo agai ebo sę te king bidigo agai te tigidali ebo sę po asębo sę ebo bidi dao.

Aisaia 36:3

Tialima, te Israel ofisa bidi selago aga sugi palio. Augwaligo nogi e tiwai, Eliakim, te Hilkiago ogwa, te kingo be tonalubo bidi da, tama Sepna, te kingo kuskus, me Joa, te Asapgo ogwa, aga te kingo ebo sę po page tigidali asębo bidi dao.

Aisaia 29:2

Tiali goli, ena Genuai Bidi, eno te sęgę nageba sela asaibao. Nage eno alta tiwai bidali. Tiali goli, nage gela olama, hwą dwai mu waibao. Tama kaneme nagede pągąna paibao, te bidi dabego te alta saide te hasa dabe elama, te kaneme alta saide pągąbo tiwai yaibao.