Aisaia 33:6 - Godigo dwagi yai po buku

⁶ Tama tigidali sogo agai aga we bidi dage bugagia tonaluyu, tama agai dage bomo elama, tigidali sogo bidimainu yaibao. Tama agai dagebolo dwagi yai homu kolesaga dabe, me kolesaga dabe hauwa mu mawaibao. Tama dagego mu tobolu dįa holai elalumainu yaibao. Te wi elama, Genuai Bidi dologode elalubo kolesagade, Genuai Bidi agai wiegi yai nai dabolo maiabo dao.

Aisaia 33:6 Referans Kwoze

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Bugagia Bidibo Kolesagade Po Asęai Buku 19:23

Te nage Genuai Bidide wi eyu, aga dologode bidibaso da, te kolesagago te nage bidibo ula mobao. Tama nage sesemane bugagia bidiyu, tama dwai nai nageba me pedalugobeo.

2 Timoti 6:6

Mu tama, te bidigo Godigo kolesaga wali peyu, tama aga homude te tigidali nai te aga usu yali da homu ebaso da, teda aga te wiegi yai doado bage hauwa elalubo bidi tiwai yaibao.

Kolesaga Koneai Bidigo Pusali Po Elalubo Buku 7:19

Te taunde tobolu bidi nogo si elalubaso, augwaligo te taun bomo yai pedelabo tau somainu yaibao. Tialima, wiegi yai homu kolesagago te bidi me deli boma pai mu pedelama, te taungo tobolu bidi dabego bomo aiyaba elalubo usu yaibao.

Bugagia Bidibo Kolesagade Po Asęai Buku 14:27

Te Genuai Bidide wi elama, aga dologoba pelama bidibo kolesaga te bidibo ula mabo ulu wę tiwai ebao. Te kolesagago te bidi tau siyu, te aga dolainu ebo naigo te aga ela soaibao.

Godigo Nogi Ugwaba Sabo Tęąbi Po Wabo Buku Dabe 28:8

God Genuai Bidigo te aga we bidi dabe seselalubo dao. Aga te tudibadu daganalu, tama aga sa muani king tau sabo dao.

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Kolesaga Koneai Bidigo Pusali Po Elalubo Buku 7:12

Wiegi yai homu kolesaga te mone tiwai elalu, tama te dwai sogo pedalubaso, da tau saibao. Tialima, wiegi yai koneani homu kolesagago te mone aiyaba elaluali, te da umabo sogo mu tau siyu, te da bugagia bidibao.

Bugagia Bidibo Kolesagade Po Asęai Buku 28:2

Te bulu tǫ pedaide bidibo bidi dabego te gavman hasegelibo sęde hwįbo sę ebaso da, teda te gesi tobolu bidi hauwa sesemane pedelaibao. Tiali goli, te wiegi yai homu kolesaga elalubo tobolu bidigo da, teda agai te bulu tǫ pedai kantri bugagia bidimainu yaibao.

Bugagia Bidibo Kolesagade Po Asęai Buku 15:16

Te nago doado bage dwasianu naga elalu, tama nage te Genuai Bidide wi eyu, aga dologoba pelama bidibaso da, teda nago bidibo ulago te genuai mone pesage holai elalubo, me te dwai sę ebo doado bage hauwa elalubo bidigo bidibo ula te aiyaba elaluaibao.

Godigo Nogi Ugwaba Sabo Tęąbi Po Wabo Buku Dabe 140:7

Genuai Bidi, eno God da, nage te ena ma sali bomai bidi dao. Te polobadu dago te boi bidi dabe dali hwįani sogo, nago ena bugagia tonaluai dao, bidigo sabelego aga tigi seselalubo tiwai gilama yali.

Godigo Nogi Ugwaba Sabo Tęąbi Po Wabo Buku Dabe 45:4

Nage te genuai nogi elalu, te polalubo king dao. Nage te hosde dugulasa, tama te hwįboba pelama, tama te hwįbo bage aiyaba elaluao. Nago hwįainu da, te bidi dabego nago po te aiyaba me elalugobeo. Tama nago hwįbo te bidi dabe dolasa bilimainu tau siyu hwįani. Te nago hwįbo te bomo yai pedelaibao, tama te dwai bidi dabe nagede wi mu emainu ebo dao.

2 Korin 6:10

Da Godigo sę ebo bidi dabe, da te homu sęgę mu hauwa sogo ebo dao, tiali goli te magigo meni, sesemane sogo dago homu pemene wiegi yai ebo dao. Da te magi nai meni yai bidi tiwai bidibo dao, tiali goli tagala, dago te mu wiegi yai nai hauwa we bidi hauwabolo mabo dao. Da te bidigo gedude te magi nai deli me meni yai tiwai ebo dao, tiali goli te meni, dago tigidali nai mu elalubo dao. Tama tebogo te tigidali we bidibolo hania ola mabo dao, da te Godigo sę ebo bidi dabe mu dao.

Bugagia Bidibo Kolesagade Po Asęai Buku 29:4

Te gavman polalubo bidi kingo te doloba pai kolesagago te tigidali we bidi bidibo tǫ tonubaso da, teda te tǫ kantri bomo elaluaibao, tama te we bidi dabe bugagia bidaibao. Tiali goli, te gavman bidi kingo te we bidigo mone sabo homu naga eyu da, teda agai te aga tonalubo tǫde bidibo we bidi te aiyaba mu elaluyu, augwali dolaibao.

Te Israel me Juda Hani Sigo Tuni Bidigo Po Elalubo Buku Si 18:7

Tama teyu, te Genuai Bidi te king Hesekia dali bidiyu, tama aga tau sali, tama tigidali sę agai yali, te bugagia mu pedalali. Te king Hesekiago homugo te Asiria hani king bidigo te Juda hani augwali tonalubo hagela mu yali, tama tibaso augwali te hanigo dologode ma bidibe.

Bugagia Bidibo Kolesagade Po Asęai Buku 14:26

Te Genuai Bidide wi eyu, aga dologoba pelama bidibo bidi da, aga da te boma pai madide bidibao, tama te magi nai me delide wi me isąwaibao, tama aga wai puluba dabe me te bugagia bidaibao.

Aisaia 11:9

Te Genuai Bidigo bulu du ugwadu te tigidali nai dabe augwa hasi bugagia deliba bidaibao. Te mego me dali dwai sę me egobeo. Magi baso meni. Te tigidali tǫde nai dabe sesego Genuai Bidi mu konea pela silaibao. Te kolesaga te tigidali tǫ mu usu nigi paibao, te tamu ąįgo aga dąįba usu nani tiwai yaibao.

Aisaia 26:1

Te sogo nosali pedalobaso, te Juda tǫde bidalubo we bidi dabego te balia po waibao. Dago hanu mu boma pai mu dao. God aga digi dago bomai obo bidalio. Agai da ma polo oda sai dao, tama tebogo agai da bugagia bagulali, te hanu me deligo bomai obo tiwai yalio.

Aisaia 33:20

Dagego Jerusalemba toniąo. Te da dago genuai hanu, te da tigidali genuai lotu po wabo sogo dabe sisinagasabo hanu dao. Te da te da bugagia bidiyu, toma tuyu ebo bulu dao. Aga te sel ugwa be te bidi dabego bono togolama, ni dabe gudasa, pisąma yabo sel be tiwai dolaluaibao.

Aisaia 45:17

Tiali goli, Genuai Bidigo dage Israel ma selama, te sesemane sogo agai dage ugwaba igulama, ugwa ela holomainu ilaibao. Te dage gasa we bidi hani dabede munu ma hale me isąma, te dage sesemane sogo bugagia bidada peyu, bidada paibao.’ Te Seba tǫ kantri bagego te tobage po waibao,” Genuai Bidigo te po wai.

Aisaia 51:14

Te kalabuside bidali hani, augwaligo pibia selama, wi ebo bage, augwali te kalabus sęgo me isigobeo. Menio. Te augwali kalabuside polo silama, te augwali olo bidaibao. Te augwa tuabo nai hauwa elalueibao.”

Jopgo Po Asęani Elalubo Buku 4:6

Nage Godigo po wali peyu, tama agade lotu po weyu, tama aga dologode naga bidiyu eyu yaide, nago dwagi yai doloba pai kolesaga tigidali sogo eyu ebo da. Tama megi me nago agade homu dąų walama, tama agai nage ma tau somainu yao,” wali.

Bugagia Bidibo Kolesagade Po Asęai Buku 2:5

Nago te sę dabe ebaso da, teda nago te Genuai Bidide wi eyu, aga dologode bidibo kolesaga page te mu koneama, tama nago te God bugagia koneaibao.

Bugagia Bidibo Kolesagade Po Asęai Buku 14:24

Te wiegi yai homu elalubo bidigo sali mone me doado bage, tego da ola mobao, augwali dwagi yai homu kolesaga elalubao. Tiali goli, te wiegi yai homu kolesaga elalusiąbo bidi dabe, augwaligo te umuna sai homu kolesaga naga elalubo dao.

Aisaia 32:17

Tama te doloba pai kolesagago te bidi hasi godolo ebo kolesaga ilaibao. Tama te we bidi wi me isąma elama, tama augwali tigidali sogo bugagia dili elama, dolaluaibao.

Aisaia 32:18

Tama Genuai Bidigo e tama po wali, agai we bidi dabe augwali bugagia bidiyu, augwali augwa bulude bugagia homu tegaluama, toma tuaibao. Tama augwali magi naide wi me egobeo.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Habakuk 2:14

Tama tigidali we bidigo me, tigidali tǫde nai sibigo me, te Genuai Bidigo genuai nogi dali bomo dali si konemainogo yalio. Te konebo kolesaga te tigidali tǫ pedai habu mu usu nigi paibao, te tamu ąį bo deyu, te dąį eboba usu nugulubo tiwai gilama mu yaibao.