Aisaia 33:21 - Godigo dwagi yai po buku

²¹ Genuai Bidi te dago boma pai polalubo bidi tede bidaibao. Tama agai te Jerusalem te wiegi yai sawi yai genuai wę me, dwasianu wę me elalubo bulu nigilaibao. Tiali goli, te dwasianu geba kanu me, genuai hwįbo sip dabe me, te wę dabedu me asogobeo.

Aisaia 33:21 Referans Kwoze

Godigo Sęba Tagala Palai Bidigo Po 7:2

Tama agai te po wei ponoyu te po wai, “Ama dede, aya dede, dagego eno po odao. Dago wąį mu Abraham aga te Mesopotemia tǫde bidibadi, te Haran tǫba pisąbadi yaide, te sogode God aga pageba asai. God da, te genuai dwagi yai bomo mu elalubo God dao.

Aisaia 66:12

Genuai Bidigo te tiwai po wali, “Magi baso meni. Eno te Jerusalem bugagia mu elalumainu yaibao, te sesemane sogo agai te gasa tǫ kantrigo wiegi yai nai dabe hauwa saibao. Te aga magi deli me sǫą pisąma, te wę sesemane sogo asudu, te sula sisąbo tiwai yaibao. Te dagego te nai dabe siyu, wiegi yai pemene mu yaibao, te waigo idago ame tuyu, pemene ebo tiwai yaibao, te waigo aga idago sabilibaso, pemene ebo tiwai eyu, te idago aga telede pilama, aga dali gagali ebo tiwai ebo dao.

Aisaia 48:18

Te dagego eno po odigi sogo da, teda dage bugagia megi bidiyu, te sesemane sogo dagego bidabo ula te wiegi yai pemene ebo pągąnalugi da, te ąį sesemane sogo sodu, te sula sisąbo tiwai igi da. Te dagego doloba pai kolesaga te bomo elama, sesemane sogo pedaludu, te tamu ąį nambisde peda pabo tiwai igi da.

Aisaia 41:18

Eno te wa pai bulu du dabede te ąį pedalumainu ilaibao, te ulu ąį te odogo malu tǫde pedelaibao. Tama eno te sigi ąį te wa pai pesagede pedalumainu ilaibao. Tama te ąį meni yai pesagede, te ąį hauwa elalueibao wali.

Godigo Nogi Ugwaba Sabo Tęąbi Po Wabo Buku Dabe 29:3

Genuai Bidigo po obadi, tama augwaligo te tamu ąį pedai tigidali badu odobo dao. God aga te genuai nogi me bomo elalu, tama agai i bomonama wabo te be kulukulu wabo tiwai ebo dao. Te agai po te genuai tamu ąį tigidali badu pedaide te po wabo dao.

Aisaia 33:17

Dagego duga tuni bidigo aga sawi yai tuni bidigo ugwa ma gudama, tama te bulu ma tonalubo sueibao. Tama dagego duga bulu genuai ma pedalobo sueibao.

Aisaia 43:19

Dagego te gesi sę eno eboba tonono yao. Te megi pedaludubo sę te dagego sube da, agawe? Te wa pai pesage badu te eno sunumi nigilama, tama eno te ąį dabe tebadu pomainu ilaibao.

Aisaia 43:20

Te bulu uni hasa dabe te uni yowi dabe tiwai, te ba uni dabe me, te augwaligo ena genuai nogi mawaibao, eno te ąį te wa pai bulu pesageba asomainu ilama, pedalubo side, te ena digi eno sa muyu dąį ilali we bidi, augwa te ąį tumainu tiaibao.

Israel Hanigo Namba 23:21

Te Israel dabeba pedelainu ebo sę eno suali, te augwali dali dwai sę elama, dolabo sę menio. Te mu menio. God augwa Genuai Bidi augwali dali bidibao, tama augwaligo te po wali, aga te augwaligo tuni bidi dao po walio.

Bomai Po 23:15

Tama Mosesgo po geninama weyu, te po wali, “Tialima, te olo sę bidi me deli aga te dage Israel dabego tǫ bulu badu bidiyu, tama aga tonalubo bidide wi pelama, tama aga dageba aselama, aga tau somainogo hanalu wagasobaso da, teda dagego aga ma tagala paligio.

Aisaia 12:6

Israel dabego God aga te Wiegi Yai Doloba Pai Kolesaga Naga Ebo God dao. Aga genuai nogi elalubo. Tama aga dage Saion we bidi dabe dali bidibao. Tama tibaso, dage wiegi yai homu iyąo. Tama i bomona weyu, agaba balia po wao.” Te aga hani we bidi ma sisinibo sogo dagego te balia po waibao.

Sekaraia 2:9

Tialima dagego eno we bidi dolobaso da, teda ena digi dage dali hwįaibao. Tama te we bidi polobadu dagego augwali dagego kalabus sę yali da, te augwa digi dage dolaibao,” wali. Tama te sę dabe pedalobo sogo te we bidi tigidaligo e tama koneaibao, Tigidali Bomo Elalubo Genuai Bidi aga digi ena tagala palama, eno agai po pusagasai yabo homu koneaibao.