Aisaia 33:19 - Godigo dwagi yai po buku19 Dagego te tobolu gagea pelama, augwa digi augwa nogi ugwaba siyu yali boi bidi dabe dagego gesabidi me sugobeo. Tama dagego augwaligo dwai augwa wabo po me odogobeo. Te bidi mego te dagego konesiąwai po augwaligo wali po bidi mego me odogobeo. Gade chapit la |
Ena Genuai Bidi, eno dage Israel we bidiba te tama po obao, eno te digibulu bidi hani bage selama, odasa aselama, te dage dali boi hwįmainu yaibao. Augwali te bomai hani bidi te augwa tǫ kantride polobadu mu bidali. Dagego te augwaligo wabo po page me konegobeo, magi baso meni, dagego augwaligo po konebe dao.
Tama agai po me wadolama, tama wali, “Tama te Genuai Bidigo e tama po ma wai, ‘Asiria king bidi dali, te aga ami soldia bidi dabe dali, augwaligo te Jerusalem taun tomoba asobo usu egobeo, tama me te augwaligo te ene me deli te taun tomoba enebo usu egobeo. Te ami soldia hani augwaligo te boi hwįbo awa me deli selasa, tama augwali te taun pąba asobo usu egobeo,’ wali. ‘Tama augwaligo te tǫ selama, te taun obo banis pąde sisiniyu, tedu holomainu ebo usu me egobeo, tama augwali te tǫ tųde dolaluyu, boi hwįabo, te me menio.
Te Godigo bomai pode augwaligo te tiwai po polobadu asęai dao, te gasa konesiąbo pogo wabo kolesagade, “Genuai Bidigo te po wai, ‘Te gasa po wabo bidigo pedauwalide, tama te gasa bidi hanigo pedauwalide te eno po e we bidi hanibolo mawaibao. Tiali goli tebogo me usu egobeo, te augwaligo eno po wali me pogobeo,’ agai te po wai.”