Aisaia 33:14 - Godigo dwagi yai po buku

¹⁴ Te Saionde te dwai kolesaga ebo we bidi augwali wi elama, noma sali. Tama augwaligo e tama po obao, “Genuai Bidigo sębę da, te da te bomai isi tigidali sogo dabo isi tiwai, tama tigidali nai dabe dela silibo tiwai dao. Te da tomode de mu te isi dali bidaibawe?”

Aisaia 33:14 Referans Kwoze

Hibru 12:29

Magi baso meni, dago God da, aga te tigidali nai dabo genuai sia tiwai dao.

Matyu 25:46

Tama te bidi hani augwali te dwai dene genuai sigi paibao, te sesemane sogo dene iduabo bulude bidaibao. Tiali goli te doloba pai we bidi dabe augwali da, te sesemane sogo bidada peyu, bidada pabo ula selama bidaibao,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 14:10

te augwali sibolo lotu po weyu tigide dąį sali bidi agabolo Godigo te bomai ąį wain tiwai mabo te agabolo dene mawaibao. Te wain te Godigo genuai sębę ebo te dao. Godigo te wain ąį te ąį mu dali hasia te si talubeo. Menio. Te sębę te bidibolo dolo mawaibao, aga dali homu dene dwasianu egobeo. Agai sębę ebo te dene sabo kapuba gelama mabo ąįgo wei ponoyu, tama te bidigo tumainogo yaibao. Tama te bidi dwai dene siyu, te posolo mu yai sia dali, te masigi salfade dabo sia bogoli dali, augwali side te dwagila dwai dene mu siyu, te magi dwai sę me isiąbo ensel mobo bidi dabego gedude me, te Kibu Sipsip Waigo gedude te dene saibao. Te bidibolo te dwai posolo yai siago dene mayu, te masigi salfade dabo posolo yai siago me te dene madueibao.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Matyu 18:8

Me ma, te naga nogo ma sągągo te nage dwai sę eboba kegeyu tama nage te kolesagaba tulaluainogo idali weyu, tama nago te nogo ma sągą te togwa sąyao. Tama tiyu te nago nogo me deli naga elaluyu, ma nago sągą me te me deli naga elaluyu, tama nago te sesemane sogo bidada pabo ula sabo te usu dao. Tiali goli nago nogo si ma te nago sągą si me elaludu da tama augwaligo dwai sę eyu, nage te genuai dene mu siyu bidada pabo te isisąbo sia dabo madi teba peyu da, te dwai mu dao.

Aisaia 66:24

Te augwa eno be tagalobo sogo, te augwa hagoma elama, eno po sela sąwani hani dabe tigi, te tǫde pila muna muna pabo sueibao. Te dwasianu sawi dabego augwa tigi dabe tuyu, te bidada paibao. Te isigo augwa tigi deyu, te me siligobeo. Te tigidali we bidigo te bidi hani dabego tigi sueibao, te damua pai dwai nai mu tiwai yaibao,” God Genuai Bidigo te po wai dao.

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

2 Tesalonaika 1:8

Tama tiwai aselama, tama te sogo God konebo hagela yali we bidi dali, Genuai Bidi Jisasgo po wali pisąwani bidi dali augwalibolo agai dene mawaibao.

Nahum 1:6

Te aga haliga sębę ebo sogo da, de mu te bugagia bidaibawe? Te de aga me dologobe dawe? Mu menio. Agai te we bidi dabeba wado eyu, te agai gedu te sia bogoli tiwai penelą pelama, te masigi dabe pepeda pelama, te hogomu pobele bage pedalubo dao.

Aisaia 29:13

Genuai Bidigo te po wali, “Te we bidi hani dabe augwaligo eno nogi augwaligo pedauwalidu naga ugwaba sabo dao. Tiali goli, augwaligo homu dali, homu kolesaga si enade digibulu mu elalubao. Augwaligo enaba mu lotu po wabo menio. Augwaligo te bidigo digi muai bomai po, te po naga augwali ola mani po, augwaligo te po naga wali pabo dao.

Jopgo Po Asęani Elalubo Buku 18:11

Augwali wi mu ilabo nai dabe da, te da tigidali bulu badu bobegela sai elalubo, augwali bilabo madi,” wali.

Matyu 24:51

Tama ma aselama, te genuai bidigo te sę bidi mu dolama, tama agai aga te tibo po wabo bidi dabe dali te dwai buluba munama bidaibao. Tede te augwali dwai gela weyu, tama augwa kele halua tuyu bidaibao,” Jisasgo te po wai.

Matyu 22:12

Tama te tuni bidigo agabolo te po wali, ‘Abagio, magi ilama nago e we sabo sogode asainu nago ugwa wiegi yai gudama eba asai meniwe?’ Tiali goli agai sagia sai, po me wabeo.

Aisaia 34:9

Te Idom bulu tǫ kantri wę dabe te kolta tiwai pedelama, te hogomu dabe te bomai masigi dabe tiwai pedelaibao, te Idom bulu kantri tǫ te kolta sia dabo tiwai yaibao.

Aisaia 32:11

Megi da, dage wiegi yai te bidibao, tama dagego homugo dage wiegi yai te bidiba homu ebao. Tiali goli, dage noma selama, wi elama, tama duga wiegi yai ugwa dabe peda sąnama, tama hobedai ugwa dabe gudiagameo.

Aisaia 29:6

Tigidali Bomo Elalubo Genuai Bidi te bomai wali dali, tǫ mali dali asaibao. Tama te be kulu weyu, te genuai kulukulu dwai mu waibao. Tama agai te tigidali nai dabe ulabo isi dwai dali sesaibao.

Aisaia 10:6

Te we bidi dabego ena tagalama, tama God dologode bidisąbo bidi gagawali. Tama augwaligo ena sębę ilali. Tama tibaso, eno Asiria bage taga palama, augwali elama, tama augwaligo nai dabe selama, tama augwali aiyaba elaluama, agalama, tagalomainu yai dao, te bidi dabe tǫ nagamea pai pudu pabo tiwai emainu yai dao.”

Aisaia 9:17

Tigidali we bidi God tagalama, God dologode bidisąbo bidi polo gagawai dao. Augwaligo tigidali po dabe, kolesaga dabe mu dwai mu dao. Tama tibaso, Genuai Bidigo tigidali mu dolaibao. Agai te gesi bidi me bidimainu me sula tagalogobeo. Tama agai te we sibi me hobede me egobeo. Wilawe we dabe, me te tiana wai dabe, agai hobede me egobeo. Genuai Bidi agai te tama tiaibao. Tiali goli, tego agai sębę siligobeo. Menio. Agai nogo me balalubao.

Aisaia 7:2

te Juda dabego tuni bidigo te e tama po odali, te Siria ami bidi dabe te Israel bagego tǫba polo asai dao wabo po odali. Tama tuni bidi aga we bidi hani dali augwali wi mu eyu, haliga midigi sali, te bomai waligo te ni silide elalubo ni yabe dabe memenege ilibo tiwai yali.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Godigo Nogi Ugwaba Sabo Tęąbi Po Wabo Buku Dabe 53:5

Tiali goli, te augwali wi umabo mu yaibao. Polobadu augwa te tiwai wi me ebeo. Mu menio. Magi baso meni, te Godigo dagego boi bidi tigidali silimainu yaibao. Agai augwali ela munama, tama agai augwaligo dili dabe są są paibao.

Godigo Nogi Ugwaba Sabo Tęąbi Po Wabo Buku Dabe 50:3

Dago God aga megi da te asobao. Tama pedauwali me pania sabeo. Mu menio. Te tigidali nai dabo sia bogoli te aga asobodu polasa paibao, tama genuai wali me, tulubagego me, aga bagulama, elalubo dao.

Godigo Nogi Ugwaba Sabo Tęąbi Po Wabo Buku Dabe 21:9

Te aga hania te pepeli diliba pedalubo sogo da, teda agai te boi bidi dabe ela silibo da, te genuai siago te nai dabe ulubo tiwai gilama yaibao. Mu tama, te Godigo wado po weyu, tama augwali aiyaba elaluama, tama te siago augwali tigidali dela silaibao.

Godigo Nogi Ugwaba Sabo Tęąbi Po Wabo Buku Dabe 11:6

Agai dwai kolesaga ebo bidibolo posolo yai sia ugwadu aiyaba gelebo dao. Tama te posologo augwali mu dene sabo dao. Te augwaligo dwai sę ebaso, dene somainogo tiwai.

Bomai Po 4:24

Dagego te tama tilamuo. Magi baso meni, God dago Genuai Bidi, aga deli naga te God mu dao. Tama agai dage te gasa tibo godiba me lotu omainu sula tagalogobeo. God aga da, te posolai isi tiwai mu dao, tama agai aga boi bidi dabe ulama daibao,” wali.

Aisaia 1:28

Tiali goli, te we bidi dabego po sela sąnama, dwai sę elama, God tudi ola mabo we bidi, agai augwali dolama, tama agai augwali mu silaibao.”

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Aisaia 10:16

Megi da, Genuai Bidi Tigidali Bomo Elalubo Bidigo te Asiria dabebolo genuai gasi me deli augwalibolo menama, tama augwali bomo sia somainu yaibao. Tama me ma, bidigo magi nai dolainu sia nogebo tiwai eyu, agai te Asiria bagego bomo me, genuai nogi dali, mu dolaibao.

Aisaia 47:14

Tiali goli, menio. Augwali te sasia pai nosai tiwai elalubao, te nage dolainu ebo siago te augwali tigidali daibao, te augwa digi augwa tau me sogobeo. Mu tamao, nago homugo nage te isi pąba duagi pelama, sia gogo naiba homu me egobeo. Menio. Te siago nage tigidali daibao.

Amos 9:10

Te dwai bidi dabego megi te tama po obao, ‘Te Godigo magi nai me deligo da dolomainu me iligobeo.’ Tiali goli, nosali eno te boi bidi dabego augwali ela mumainogo ilaibao,” Genuai Bidigo te po wai dao.

Malakai 3:2

Tiali goli, Genuai Bidi aga asobo sogo, dego te po tų ebo ugwaba ela holobo usu egowe? Aga te pepeli diliba pedalubo sogo, de te me hagagobewe? Aga te sia posolo mu elasa asobo tiwai eyu, te silva me gol hogomu pobele bage sela sąbo tiwai yaibao. Tama aga te meda yai ugwa te sop dali wę dali sigo telabo tiwai yaibao, te meda mu sela sąwaibao.