Aisaia 32:7 - Godigo dwagi yai po buku7 Tama te dwai bidi dabego te dwai homu kolesaga hauwa augwaligo tobolude pągąna pabo dao. Augwaligo homu kone palama, tama augwaligo haniani ili po wabo homu kolesaga dabe gegelama, tama augwaligo te nai meni yai we bidi dabego po tų ebode dolama, aiyaba elaluabo sunumi dabe gegebo dao. Gade chapit la |
Te we bidi dabego te tama po wali, “Tegobao, dago te Jeremaiabolo magi sę yabo sunumi gegeinao. Agai po te mu po me wabeo. Te pris dabego augwa bomo yai po dabolo pusubo sę me tagalogobeo. Te wiegi yai homu kolesaga me koneai bidi dabe, augwa wiegi yai po me tagalogobeo. Tama te profet dabego me, te augwa profet po pusubo sę me tagalogobeo. Tama tialima, dago te Jeremaiago poba olo me mugobeo. Menio. Dago aga po tų naga inao,” te po wali.
Tigidali Bomo Elalubo Godigo Mobo Noma Bidi enaba bidagasali, magi baso meni, Genuai Bidi aga digi eno toboluba wel gelali, te ena dąį sa muyu, te aga wiegi yai po te magi doado bage meni yai bidi dabe selasa pomainu yai. Te agai ena tagala palali, te haliga sęgę genuai elalubo bidi dabego sęgę silimainu yai, te kalabuside bidibo bidi dabeba po pusu, te augwa kalabus tagalama, olo pao po omainogo yai.
Jerusalem, nago genuai bidi me, tobolu bidi me, augwali te po odisiąwai dabe bidiyu, tama nai wi sabo bidi dabego abagi dao. Tigidali sogo augwaligo te mone pesą eyu, augwaligo te bidi dabe augwali dali mone dabe sainogo ili po wabo bidi dabe tau sabo homu ebo dao. Tama te po tų odobo sogo, augwali te tiana wai dabe tau sabo homu ebo menio. Tama me, augwaligo te wilawe we dabego homu sęgę ebo dodolobo odama, dodolabo homu ebo menio.
Tiali goli, nago dwai we bidi hobede igi sogo da, teda augwaligo te nago doloba pai kolesaga konea sigi menio. Augwali doloba pai we bidigo te tǫde bidibo me tagala, augwaligo te dwai kolesaga me ebo sę yaibao. Tama augwaligo nago genuai nogi koneyu, me augwaligo nago bomo me koneyu, me augwali nage dologode me elalugi menio.
Tama te deli tobage dene me te ili po olama, gasa bidi dabe po tų ela mabo bidi dabe me, dene saibao. Te gasa bidi dabe olo dali po tų ela mabo bidi dabe tiaibao. Te dwai sęgę elalubo bidi dabe tau sela menama, te sęgę meni yai bidi dabego po dolobo bidi dabe, te dedeli dene naga saibao. Te augwaligo po tų dolama, tama doloba pai bidi dabego te po tų dolama, tama doloba pai bidi dabego te po tų ugwa ela hologobeo.
Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.
“Te sęgę dabe pedelali te hauwa we bidi dąų waliyu, te doloba pai kolesaga emainu yai, tama augwa te magi meda meni yai wiegi yai mu te God geduba pedalumainu yaibao. Tama te wiegi yai homu kolesaga koneai elaluali we bidi, te augwaligo naga te sę dabe page koneaibao. Tiali goli, te dwai we bidi dabego te sę page koneainu ebaso, usu me egobeo, tama te augwaligo dwai kolesaga hauwa mu ebo sę yaibao,” wali.